Sofoni 3:3 - WẼNNAAM SEBRE 2014

³ Bãmb nanambsã sẽn be b sʋkã wẽnda wa gɩgmã sẽn kelemde, la b bʋ-kaoodbã yaa wa zaabr rigd-n-yĩidsi, bãmb ka yõkd n wãb n kell beoog yĩng ye.

SEBR SÕNGO

³ Tẽnga pʋgẽ, kug-zĩidba yaa gɩgma sẽn ningd b rãamde; bʋ-kaoodba yaa zaabr digd-n-yĩidsi sẽn pa rɩt n kell yibeoog no-soak ye.

Sofoni 3:3 Iomraidhean Croise

Yelbũna 28:15

Na-wẽng sã n maand nimbãan-dãmb pãnga, wẽnda wa gɩgemd sẽn kelemde, wa rigd-n-yĩidg sẽn yɩk n na n bir bũmbu.

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

A Ezayi 5:29

Bãmb kɛlengã yaa wa gɩgem-yãang kɛlenga. Bãmb kelemda wa gɩgem-poala, bãmb wũusdame, bãmb yõkda rũng n tall n loog n kẽng zĩig ning ned sẽn ka tõe n ta, tɩ ned ka tõe n yõk n deeg ye.

Zeremi 22:17

La foom, fo gesg la f tagsg pʋgẽ, fo sẽn baood yaa f meng nafr bala, f baood n daaga sẽn ka tar-a yell zɩɩm, la f wõr neb n maan-b pãnga.

Zeremi 23:11

No-rɛɛsdbã ne maan-kʋʋdbã rẽgma b mense. Baa mam doogã pʋga, mam yãta b tʋʋm-wẽnsã. Maam a Sẽn-Ka-Saab n yeele.

Zeremi 5:6

Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

Ezekiyɛl 22:6

Ad Israyɛll nanambsã sẽn yaa to-to: Bãmb ned kam fãa rɩkda a pãngã n daagd zɩɩm fo pʋgẽ.

Ezekiyɛl 33:26

Yãmb teega y zabr sʋʋse, yãmb maanda yel-beedo, yãmb ned kam fãa maanda rẽgd ne a to paga. La yãmb tẽedame tɩ y na n sooga tẽngã la?›

Abakuk 1:8

Yẽnda wiidã zoees tʋʋlem yɩɩda ãbga, bãmb zabdame n yɩɩd zaab-noor kata. Bãmb wed-rʋʋdbã yita zĩ-zãrgẽ n fõt n watẽ, b yɩgda wa pa-nand-tugr sẽn fõt n wat n na n dɩk a rɩɩbo.