Sofoni 3:11 - WẼNNAAM SEBRE 2014

¹¹ «Badaare, mam nebã! Yãnd kõn leb n yõk yãmba, tʋʋm nins yãmb sẽn maan n kɩɩs maamã yĩng ye. Bala, wakat-kãnga, mam na n yiisa wuk-m-mens rãmbã, dẽ, fo kõn leb n maan f tɩtaamã mam tãn-sõngã zug ye.

SEBR SÕNGO

¹¹ Maam, Naaba-Wẽnd n gomde: «M waoonga raare, yãnd kõn le yõk-fo, m buudu, f yel-kɛga yĩnga la f sẽn beeg maama yĩng ye. M na n zãaga ne-fo f kamb niyns sẽn pid ne wilg-m-mengã. M na sɛɛsa wilg-m-men-tʋʋma m tãn-sõnga zugu.

Sofoni 3:11 Iomraidhean Croise

Yɩɩn‑sõamyã 131:1

Zeruzalɛm kẽnd yɩɩlle. Yaa Davɩɩd n yɩɩle. Sẽn-Ka-Saabo, wuk-m-meng ka be m sũurẽ ye. Mam ka tar tɩtaam gesg ye. Mam ka baood bõn-kãsems sẽn yɩɩd-ma, la m ka kẽed yɛl sẽn yɩɩd-m pʋgẽ ye.

Yɩɩn‑sõamyã 49:5

Mam na n kelga yel-bũna, mam na n bilga m yel-solgdsã võor ne pɛndga.

Yɩɩn‑sõamyã 59:12

Ra kʋ-y-b tɩ mam nebã wa yĩm ye. Zu-soabã sẽn yaa tõnd gãongo, y pãngã yĩnga, bɩ y kɩt tɩ b yeebe, kɩt-y tɩ b lʋɩ.

A Ezayi 11:9

Mam tãn-sõngã fãa zugu, bãmb ka na n maan to bũmb ye, sãoong buud kõn tol n leb n zĩnd ye. Bala, dũniyã gill na n pida ne Sẽn-Ka-Saab bãngre, wa ko-kãsengã sẽn pidã.

A Ezayi 2:12

Bala, yaa Saasẽ-Pãng-Soabã daare. Bãmb na n sika tɩtaam la zẽk-m-meng fãa, la b sik bũmb ning fãa sẽn wukd a menga.

A Ezayi 45:17

La Israyɛll paama Sẽn-Ka-Saab fãagr wakat sẽn kõn sa yĩnga. Yãmb kõn tol n leb n paam yãnde, y kõn tol n leb n paam paoogre.

A Ezayi 5:15

Ninsaal na n paama yãnde. Ninsaal na n paama paoogre, la tɩtaam dãmbã na n paama paoogre.

A Ezayi 54:4

Da zoe rabeem ye, bala, fo kõn tol n paam yãnd ye. Da sulg f zug ye, bala, fo kõn tol n paam paoogr ye. N-yẽe! Fo na n yĩma f pʋg-sademdẽ yãndã yelle, la fo kõn tol n leb n tẽeg f pʋg-kõtẽ paoogrã yell ye.

A Ezayi 56:7

mam na n talla bãmb n dʋ mam tãng ning sẽn welg toorã zugu, la m kɩt tɩ b paam sũ-noog mam pʋʋsg roogã pʋga. Mam na n deega bãmb maoong sẽn yõogd bugmã ne b maand a taabã mam tẽn-kugrã zugu. Bala, b na n boola mam doogã tɩ ‹pʋʋsg roog buudã fãa yĩnga.›

A Ezayi 61:7

Sẽn-Ka-Saab yetame: «B sẽn dag n ning bãmb yãndã yĩnga, bãmb na n deega pʋɩɩr a yiibu. Bãmb sẽn dag n paamd paoogrã, b na n kaasa ne sũ-noog b pʋɩɩrã yĩnga, b na n paama pʋɩɩrã naoor a yiibu, la bãmb sũ-noogã ka na n tol n sɛ ye.

Zeremi 13:9

Maam a Sẽn-Ka-Saab yetame yaa: «Yaa woto me la m na n sãam Zʋʋda ne Zeruzalɛm nebã b tɩtaam-kãsengã yĩnga.

Zeremi 7:4

Ra teeg-y zĩrẽ goamã nebã sẽn togsdã ye. B yetame tɩ Sẽn-Ka-Saab roogã la woto, Sẽn-Ka-Saab roogã la woto!»

Ezekiyɛl 20:40

Bala, yaa mam tãn-sõngã zugu, Israyɛll tãn-lug-lugã zugu, la Israyɛll buudã fãa, ne neb nins fãa sẽn be tẽngã pʋgẽ wã na n waoog maam. Yaa beenẽ la mam na n deeg bãmb ne sũ-noogo, la m yeel-y tɩ y wa ne y yamleoog kũunã, ne y dẽenem biis kũunã, la bũmb nins fãa yãmb sẽn dat n kõ wã.

Ezekiyɛl 24:21

«Yeel Israyɛll buudã tɩ Zu-soab a Sẽn-Ka-Saab yetame: ‹Mam dẽgemda m zĩig ning sẽn welg toorã, zĩig ning sẽn yaa yãmb zu-zẽkre, n yaa y pãngã, la yãmb sẽn get a soab tɩ noom yãmbã, tɩ y yam loe ne a soabã. Yãmb kom-dibli wã ne y kom-pugli nins yãmb sẽn loog n bas Zeruzalɛmã na n kii ne zabr sʋʋga.

A Dãniyɛlle 9:16

Zu-soaba, yãmb tɩrlem tʋʋmã yĩnga, bɩ y sik y sũur ne Zeruzalɛm sẽn yaa yãmb tẽnga, la y tãn-sõngã. Bala, tõnd kongrã ne d ba-rãmbã beegrã yĩnga, neb nins sẽn gũbg tõndã paoogda Zeruzalɛm ne yãmb nebã.

A Dãniyɛlle 9:20

Mam dag n ket n bee pʋʋsg pʋga, n togsd m kongrã, ne Israyɛll nebã sẽn yaa mam buudã kongrã, la m pʋʋsd Sẽn-Ka-Saab sẽn yaa mam Wẽnnaamã, la m yõkd bãmb sɛɛg b tãn-sõngã yĩnga.

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

Sõadga 16:3

Dẽ, bãmb tɩ tigma taab n zab ne a Moyiis la a Aarõ n yeele: «Tõnd yamã yii ne yãmb manesmã! Bala, nebã fãa welga toor Sẽn-Ka-Saab yĩnga, la Sẽn-Ka-Saab bee bãmb sʋka. La bõe yĩng tɩ yãmb zẽkd y mens wa yãmb yɩɩda neb a taabã?»

A Matiye Sõng 3:9

la y ra tags t'a Abrahaam sẽn yaa yãmb ba wã sekame ye. Bala, mam yeta yãmb tɩ Wẽnnaam tõe n dɩka kug-kãensã n kɩt tɩ b lebg a Abrahaam kamba.

Rom Dãmba 2:17

Fo boonda f meng tɩ Zʋɩfe, n teegd tõogã, n waoogd f menga, f sẽn yaa wẽn-tũudã yĩngã.

Rom Dãmba 9:33

wa sẽn gʋlsã: Ade, mam ningda kug-lakdgã la kugr sẽn lubd neb Sɩyõ pʋgẽ. La ned ning sẽn tẽed-a bãmb kõn paam yãnd ye.

1 Pɩyɛɛr 2:6

Bala, Wẽnnaam gʋls-sõamyã pʋgẽ b yeelame yaa: Ade, mam dɩgenda kugr sẽn tar pãng Sɩyõ pʋgẽ, mam sẽn yãke, la m sẽn waooge. La ned ning sẽn tẽed-a kug-kãngã, a kõn paam yãnd ye.