Sofoni 3:10 - WẼNNAAM SEBRE 2014

¹⁰ Baa mam neb nins fãa sẽn sãeeg n be Kuus kʋɩlsã rʋʋndã na n waa ne kũuni, n wa waoog maam.»

SEBR SÕNGO

¹⁰ Ba sẽn be-b Nubi kʋɩlsa rʋʋnde na n waa ne kũuni n pʋʋs ma.»

Sofoni 3:10 Iomraidhean Croise

Yɩɩn‑sõamyã 68:31

n leng rũngã sẽn be tãnwĩisẽ wã. Leng-y lol-kʋʋngã ne nebã sẽn wẽnd nag-bi-kʋʋngã. Leng-y sẽn vũnumd-b n kõt yãmb wanzuri wã! Sãeeg-y neb nins sẽn nong zabã!

A Ezayi 11:11

Badaare, Sẽn-Ka-Saab na n leb n tẽega b nug n fãag b buud ning sẽn kellã, yaa neb nins sẽn pa Asiiri ne Ezɩptã, la sẽn pa-b Patroos ne Kuusã, la Elam ne Sineyaar la Hamatã, ne tẽms nins koom sẽn gũbg tɩ b be ko-kãsengã sʋkã.

A Ezayi 11:12

B na n zẽka tãb-kaoor buud toay-toayã yĩnga, la b kɩt tɩ Israyɛll neb nins b sẽn dag n digã tigme, b na n leb n deega Zʋʋda neb nins sẽn sãeeg n be dũniyã ween-vɩɩs a naasã.

A Ezayi 18:1

Toog bee tẽng ning sẽn be Kuus kʋɩlgã rʋʋnd tɩ b wʋmd bõn-yɩgdɩ wã pɩgs rãamdã zugu!

A Ezayi 18:7

Wakat-kãnga, buud neb sẽn yaa nin-wogd n tar da-sãnde, neb b sẽn yɛɛsd hal b sɩngr wakate, buud sẽn tar pãng n tõe n sãam fãa, tɩ b tẽngã pɩʋʋm ne kʋɩlsã, na n waa ne kũun n wa kõ Saasẽ-Pãng-Soabã. B na n talla kũun-kãens n kẽng zĩig ning Saasẽ-Pãng-Soaba yʋʋrã sẽn beẽ wã, Sɩyõ tãngã zugu.

Malasi 1:11

Bala, sẽn sɩng yaang n tãag nin-taoore, mam yʋʋrã yaa kãseng buud toor-toorã fãa sʋka. B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele.

A Zã Sõng 7:35

Zʋɩf-rãmbã goma ne taab n yeele: A na n kẽe yɛ tɩ tõnd da yãnd-a? A na n kẽnga Zʋɩf-rãmb nins sẽn sãeeg n be Gɛrk-rãmbã sʋka nengẽ n tɩ zãms Gɛrk-rãmbã bi?

Tʋʋma 24:17

Mam yii Zeruzalɛm n kaoos yʋʋm wʋsgo, la m lebg n waa be n na n kõ m nebã sõngre, la m maan maoong n kõ Wẽnnaam.

Tʋʋma 8:27

A Filip yikame n kẽng tao-tao. La rao a yembr sẽn ya zu-soab n yit Etiyopi sega yẽnda sorã zugu. Rao-kãng yaa Etiyopi rĩm-poaka, Kãndaas ligd gũuda, yẽnda ra waa Zeruzalɛm n na n pʋʋs Wẽnnaam.

Rom Dãmba 15:16

n kɩt tɩ mam ya Kiris tʋmtʋmd buud a taabã sʋkã yĩnga. Mam maanda Wẽnnaam koe-noogã tʋʋmd sẽn ya tẽeb bũmbã, tɩ buud a taabã nebã na yɩ wa kũun sẽn noom Wẽnnaam, neb Wẽnnaam Sɩɩg-sõng sẽn welg toor Wẽnnaam yĩnga.

1 Pɩyɛɛr 1:1

Maam a Pɩyɛɛr sẽn yaa a Zeezi Kiris tẽn-tʋmdã n tʋmd seb-kãngã Wẽnnaam nin-tũusdsã sẽn sãeeg n be Põ la Galasi la Kapadoos la Aazi ne Bitini soolem n lebg sãamb beenẽ wã.