Sofoni 3:1 - WẼNNAAM SEBRE 2014

¹ Toog bee tẽng ning sẽn yaa a tõatã zugu, bala, yẽnda nebã rẽgma b mense, la b maand taab pãnga!

SEBR SÕNGO

¹ Yell na n paka Zerizalɛɛm, tẽn-tõata, n pak tẽng sẽn pid ne wẽnga la pãn-tõogo!

Sofoni 3:1 Iomraidhean Croise

A Ezayi 30:12

Rẽ kɩtame tɩ Israyɛll Pʋ-Peelem-Soab a Wẽnnaam yetẽ yaa: «Yãmb sẽn zãgs gom-kãngã wã yĩnga, la yãmb sẽn dɩk y teegrã n teeg y pãngã ne y yel-kɛgã yĩnga, n dɩk bãmb tɩ lebg yãmb bõn-tɛɛgdgã,

A Ezayi 5:7

Ade, Saasẽ-Pãng-Soabã reezẽ tɩɩs pʋʋgã yaa Israyɛll nebã. La tɩɩs nins bãmb sẽn dag n nongã yaa Zʋʋda nebã. Sẽn-Ka-Saab rag n tagsdame tɩ b na n yãnda zemsg beenẽ, la b mika zɩɩm daagr bala! Bãmb dag n tagsdame tɩ b na n yãnda tɩrlem beenẽ, la b mikame tɩ yaa b sẽn kʋʋd-b rãmbã kelems n be beenẽ.

A Ezayi 59:13

Tõnd kɩɩsame la d zãmb Sẽn-Ka-Saabo, tõnd leba poorẽ n zãag ne d Wẽnnaamã. Tõnd gomda nen-kegl-goam ne kãnegr goamã, tõnd gomda zĩrẽ-be-goamã, la d tagsd zĩrẽ d sũyã pʋse,

A Ezayi 59:6

Bãmb gãnegãmbdã ka sekd fuug wʋgb ye, bãmb tʋʋmã ka tõe n dɩk n pil b mens ye. Bãmb tʋʋmã yaa tʋʋm-wẽnse, bãmb nusã pida ne nen-kegl-tʋʋma.

Zeremi 22:17

La foom, fo gesg la f tagsg pʋgẽ, fo sẽn baood yaa f meng nafr bala, f baood n daaga sẽn ka tar-a yell zɩɩm, la f wõr neb n maan-b pãnga.

Zeremi 5:23

Nin-bãmbã yaa sũ-keen-nebã, la tõatba. Bãmb wẽnemd n basa maam n looge.»

Zeremi 6:6

Saasẽ-Pãng-Soabã yetame: «Kɛ-y raado. Zam-y tãnd n gilg Zeruzalɛm lalgã n zab ne-a. Tẽngã zemsa sɩbgre. B namsda neb wʋsg a pʋgẽ.

Zeremi 6:7

Wa bulg koom sẽn bund to-to wã, tẽngã neb maanda wẽng wakat fãa. B wʋmda b sẽn maand neb wẽng rãamde, la sãoong bʋrg a pʋgẽ. Mam nee toog ne sãmpoag wakat fãa.

Ezekiyɛl 22:29

Tẽngã neb maanda taab pãnga, bãmb wẽgda taaba, bãmb kɩtdame tɩ naong rãmb ne nimbãan-neb tʋmdẽ tɩ b ka yaood-ba, la b maand sãan pãng n ka tũud tɩrlem sor ye.

Ezekiyɛl 22:7

Ned toog ka leb n be ne a ba ne a ma fo pʋgẽ ye. B maanda sãambã pãng fo pʋgẽ. B kɩtdame tɩ kɩɩbs ne pʋg-kõap tʋmd fo pʋgẽ tɩ b ka yaood-b ye.

Ezekiyɛl 23:30

B na n maana foom a woto, fo sẽn koos f meng ne buud a taabã yĩnga, la f sẽn dẽgem f meng ne bãmb wẽn-naandsã yĩnga.

Maan‑kʋʋre 1:16

Bɩ yẽnda yãk a yoosengã ne a kõbdã n lob tẽn-kugrã sɛɛga, kɩreng ning sẽn teesd yaangã, zĩig ning b sẽn dʋʋgd tompeglmã.

A Amoose 3:9

Moon-y Asdood ne Ezɩpt pãng zĩisẽ wã n yeele: «Tigm-y taab Samaari tãmsã zutu, n ges zũnglg ninga, la namsg ning b sẽn namsd nebã Samaari tẽngã pʋgẽ wã.»

A Amoose 4:1

Samaari pagbã sẽn nob wa Basan nag-wubdsã, n be Samaari tãngã zugã, Kelg-y-yã! Yãmb namsda ka-pãens rãmbã, la y maand nimbãan-dãmbã pãnga, la y yet y sɩdbã tɩ b tall n wa tɩ y yũ.

A Miise 2:2

Bãmb sã n dat ned pʋʋg n deege, b reegd-a lame. La b sã n dat ned roog n deege, b reegd-a lame n sooge. Bãmb maanda ned ne a zak rãmb pãnga, n deegd bũmb nins b sẽn so wã.

Zakari 7:10

Ra maan-y pʋg-kõor ne kɩɩb pãnga, la y ra maan sãan ne naong soab pãng ye. Da tags-y y sũyã pʋs n dat n maan taab wẽng ye.›

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.