Sofoni 2:9 - WẼNNAAM SEBRE 2014

⁹ Rẽ kɩtame tɩ maam a Saasẽ-Pãng-Soabã, sẽn yaa Israyɛll Wẽnnaamã sẽn vɩ wã wẽend n yetẽ: «Ade, Moaab na n lebga wa Sodom, la Amo tẽngã na n lebga wa Gomoore. Tẽngã na n pida ne gõose, la a lebg yamsem zĩisi, b na n sãam-a-la wakat fãa yĩnga. Mam nebã bu-kellã na n zɛɛ bãmba, la b reeg b tẽngã n sooge.

SEBR SÕNGO

⁹ Yaa rẽ yĩnga la m wẽend ne m menga, maam, dũni fãa Soaala, a Israyɛl Wẽnnaama, tɩ sɩd wa m sẽn vɩ wã, Moab ne Amon na n wãa zãnga wala Sodom la Gomor. B tẽn-peelma fãa na n lebga zĩ-peen-daaga, gõos zĩiga, tẽng yamsem sẽn sãame; mam bu-kellã n na n wa zɛ-ba, la b soog b tẽngã.

Sofoni 2:9 Iomraidhean Croise

A Ezayi 11:14

Bãmb na n naaga taab n zab ne Filistẽ-dãmbã sẽn be nin-taoorã, la b naag taab n zɛ neb nins sẽn be yaangã. Bãmb na n sooga Edom ne Moaab nebã, la Amo-rãmbã na n saka bãmba.

A Ezayi 25:10

Bala, Sẽn-Ka-Saab nugã bee tãn-kãngã zugu!» B na n taba Moaab zĩig pʋgẽ, wa b sẽn tabd mood bir-bok pʋga.

A Ezayi 49:18

Zẽk f neng n ges sẽn gilg foomã, bãmb fãa tigma taab n wat fo nengẽ. Sẽn-Ka-Saab sẽn vɩ wã yetame: «Mam wẽendame, tɩ fo na n pida bãmb wa fan-teoogo. Fo na n sẽbg-a-la f sɛɛg wa pʋg-bil sɛɛg sẽbdga.

Zeremi 46:18

Maam a rĩm ning yʋʋr sẽn boond tɩ Saasẽ-Pãng-Soabã yetame: «Bɛ wã waoong ka na n vaal ye. Na n yɩɩ wa Taboor tãngã sẽn be tãms a taabã sʋkã, la wa Karmell tãngã sẽn zẽk n tʋʋg ko-kãsengã!

Zeremi 48:1

Koɛɛg Moaab yĩnga. Saasẽ-Pãng-Soabã sẽn yaa Israyɛll Wẽnnaamã yetame: «Toog paama Nebo tẽngã! B sãam-a lame! Yãnd tara Kiriyatayim tẽngã, bala, b zab n deeg-a lame! Yãnd tara Misgaab nebã, la b pɛleng yɩkame.

Zeremi 49:1

Sẽn kẽed ne Amo nebã wɛɛngẽ: Sẽn-Ka-Saab yetame: Israyɛll nebã ka tar kom-dibli la? Bãmb ka tar kom-dibli sẽn na n wa soog b tẽngã la? La yaa bõe tɩ wẽnnaam a Milkom reeg Gaad buudã tẽng n sooge, t'a nebã soog Gaad tẽmsã?

Zeremi 49:18

Sẽn-Ka-Saab yetame: Ade, na n yɩɩ wa Sodom ne Gomoor la b tẽn-kɩremsã sãoongã. Ned ka na n leb n zĩnd Edom ye. Ninsaal kõn leb n zĩnd be yɛs ye.

Zeremi 49:33

Hatsoor na n lebga we-baas yiri, a na n yɩɩ zĩ-vɩʋʋg wakat sẽn ka sɛta. Ned ka na n leb n zĩnd tẽn-kãng ye. Ninsaal kõn leb n zĩnd be yɛs ye.

Zeremi 50:40

Na n yɩɩ wa Sodom ne Gomoor la b tẽn-kɩremsã sãoongã. Ned wall rũng kõn leb n zĩnd be ye. Sẽn-Ka-Saab n yeele.

A Amoose 1:13

Ade, Sẽn-Ka-Saab yetame: Amo nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bãmb weeda Galaad tẽng pagb nins sẽn tʋtã pʋse, sẽn na yɩl n yalg b soolmã.

A Amoose 2:1

Ade, Sẽn-Ka-Saab yetame: Moaab nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bãmb yõoga Edom dĩmã kõab bugum n maan goore.

Sofoni 2:14

Tẽnga fãa na n yɩɩ yir rũms zĩiga, la we-rũms buud toor-toor na n zĩnda be. Bakardã ne yʋgempɛlã na n kẽe ra-lugdsã pugli pʋsẽ n gãande. B na n wʋma viut yãbr rotã võyẽ, la sẽn sɩng ne tẽngã rignoorã fãa lebga raboogo, bala, b na n luba sɛɛdr tɩɩsã ra-lugdsã fãa.

Sofoni 2:7

Soolem-kãng na n lebga Zʋʋda roogã bu-kellã rẽnda. Bãmb na n tɩ wãbna b rũmsã beenẽ, la zaabre, bãmb na n tɩ gãanda Askalon rotã pʋse. Bala, Sẽn-Ka-Saab sẽn yaa bãmb Wẽnnaamã na n wa n sõnga bãmb n lebs n maneg b yellã.»

Sofoni 3:13

La Israyɛll nebã bu-kellã kõn leb n maan sẽn yaa kegre, la b kõn leb n yag zĩrẽ ye. Bãmb kõn leb n gom n tudg taab ye. Bãmb na n tõog n dɩɩme la b gũsi, tɩ ned ba a ye ka be sẽn na n yɛɛs-b ye.»

Zakari 2:13

N-yẽe! Mam na n yik n zaba ne bãmba, n kɩt tɩ b yembsã wẽneg n zɛ bãmba, tɩ yãmb bãng tɩ yaa Sẽn-Ka-Saab sẽn yaa Saasẽ-Pãng-Soabã n tʋm maam.

Sõadga 14:21

Sã n yaa tɩ mam vɩɩme, la mam ziirã sã n pida dũniyã gilli, mam wẽendame tɩ nin-bãmbã ba a yembr ka na n kẽ Kana tẽngã pʋg ye. Bala, bãmb yãnda mam ziirã ne tʋʋm-kãsems nins mam sẽn maan Ezɩpt pʋgẽ wã, ne weoogã pʋgã, la b baas n yaool n kell n paooga maam la b kɩɩs maam. Rẽ yĩngã, bãmb ned ba n ye nif ka na n yãnd tẽng ning mam sẽn dag n kãab b yaab-rãmbã ye.

Rom Dãmba 14:11

Bala, b gʋlsame tɩ: Zu-soabã yeelame tɩ b vɩɩme, tɩ rũmã fãa na n yĩgimda bãmb taoore, la tɩ zɛlma fãa na n kõo Wẽnnaam waoogre.

Yaoolem 29:22

«Kidbr bugum ne yamsem dɩɩ tẽngã gilli. Bʋdb ka tõe n bʋde, bõn-buud me ka tõe n yi, la tɩɩg me ka tobd ye. Yaa wa Sodom la Gomoore, wa Adma la Seboyim, Sẽn-Ka-Saab sẽn sãam b sũ-yikrã ne b sũ-kãbrã pʋgã.

Yaoolem 29:23

Buud a taabã fãa na n sokame tɩ yaa bõe tɩ Sẽn-Ka-Saab maan tẽngã woto, la bõe n kɩt tɩ Sẽn-Ka-Saab sũur yik wʋsg woto?»