Sofoni 2:8 - WẼNNAAM SEBRE 2014

⁸ Mam wʋma tʋy nins Moaab nebã sẽn tʋ mam nebã, la paoogr ningã Amo nebã sẽn paoog bãmbã. Bãmb paoogda mam nebã, la b reeg b zĩisã n sooge.

SEBR SÕNGO

⁸ Naaba-Wẽnd n yete: «Mam wʋmame tɩ Moab la Amon kamba laadame la b paoogd m buudã. B tʋʋs-a lame la b kẽ n wedga a soolma n paas b rẽnda.

Sofoni 2:8 Iomraidhean Croise

Sɩngrẽ 19:37

Bi-pugl-kãsmã roga bi-ribla, n pʋd a yʋʋr t'a Moaabe. Yaa yẽnda n yaa Moaab buudã sẽn be rũndã wã yaaba.

Sɩngrẽ 19:38

Yao-bi-puglã me roga bi-ribla, n pʋd a yʋʋr t'a Bɛn-Ami. Yaa yẽnda n yaa Amo-rãmbã sẽn be rũndã wã yaaba.

A Ezayi 15:1

Sɩbgr koɛɛg Moaab tẽngã yĩnga. B sãam-a-la yʋn-yɛng bala! Aar-Moaab lebga sɩddd... B sãam-a-la yʋn-yɛng bala! Kɩɩr-Moaab lebga sɩddd...

A Ezayi 16:6

Tõnd wʋma Moaab nebã wuk-m-mengã kibare. Bãmb wuk-m-mengã yaa n looga nugu. Tõnd wʋma bãmb sek-m-mengã ne b wuk-m-mengã, la b tɩtaamã ne b pẽg-m-mengã sẽn ka yõodã.

Zeremi 12:14

Ad Sẽn-Ka-Saab sẽn yet mam yag-wẽnsã fãa sẽn sãamd tẽng ning mam sẽn pʋɩ n kõ Israyɛll buudã sẽn yaa mam nebã wɛɛngẽ. Woto yĩnga, mam na n diga bãmb n yiis-b b tẽngẽ wã, la m na n yiisa Zʋʋda nebã bãmb sʋka.

Zeremi 48:1

Koɛɛg Moaab yĩnga. Saasẽ-Pãng-Soabã sẽn yaa Israyɛll Wẽnnaamã yetame: «Toog paama Nebo tẽngã! B sãam-a lame! Yãnd tara Kiriyatayim tẽngã, bala, b zab n deeg-a lame! Yãnd tara Misgaab nebã, la b pɛleng yɩkame.

Zeremi 49:1

Sẽn kẽed ne Amo nebã wɛɛngẽ: Sẽn-Ka-Saab yetame: Israyɛll nebã ka tar kom-dibli la? Bãmb ka tar kom-dibli sẽn na n wa soog b tẽngã la? La yaa bõe tɩ wẽnnaam a Milkom reeg Gaad buudã tẽng n sooge, t'a nebã soog Gaad tẽmsã?

Kʋʋr yɩɩla 3:61

Sẽn-Ka-Saabo, yãmb wʋma bãmb paoogr goamã la bãmb sẽn yẽsd ne taab n dat n maan maam bũmb ningã.

Ezekiyɛl 21:28

Zeruzalɛm dãmbã wẽenegã yĩnga, bãmb tagsdame tɩ bagrã Babilond dĩmã sẽn bʋgã yaa zaalem.» La Babilond dĩmã tẽeg-b-la b kongrã, la rẽnda yĩng n kɩt tɩ b na n tall-b n kẽng yembdã.

Ezekiyɛl 25:1

Sẽn-Ka-Saab yeela maam yaa:

Ezekiyɛl 35:12

Woto, yãmb na bãng tɩ maam a Sẽn-Ka-Saab wʋma tʋy nins fãa yãmb sẽn tʋ Israyɛll tãmsã. Yãmb yeelame: «B lebga zĩ-vɩɩdo, b rɩk-b lame n kõ tõnd tɩ b lebg tõnd dɩɩbo!

Ezekiyɛl 36:2

Ade, Zu-soab a Sẽn-Ka-Saab yetame: «Bɛɛbã yaala yãmb n yeele: ‹N-faa! N-faa! Yẽnda kʋdem-wẽndẽ tãmsã lebga tõnd dẽnda!

A Amoose 1:13

Ade, Sẽn-Ka-Saab yetame: Amo nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bãmb weeda Galaad tẽng pagb nins sẽn tʋtã pʋse, sẽn na yɩl n yalg b soolmã.

A Amoose 2:1

Ade, Sẽn-Ka-Saab yetame: Moaab nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bãmb yõoga Edom dĩmã kõab bugum n maan goore.

Sofoni 2:10

Bõn-kãng na n paama bãmb b wuk-m-mengã yĩnga, bala, bãmb tʋʋsa Saasẽ-Pãng-Soabã nebã, la b paoog-ba.

Zozuwe 5:9

Sẽn-Ka-Saab yeela a Zozoe yaa: «Rũndã, mam yiisa Ezɩpt rãmbã yãnd yãmb zutu.» La b pʋda zĩ-kãng yʋʋr tɩ Gilgalle, la a yʋʋrã kell n paa woto hal tɩ ta rũndã.