Sofoni 2:7 - WẼNNAAM SEBRE 2014

⁷ Soolem-kãng na n lebga Zʋʋda roogã bu-kellã rẽnda. Bãmb na n tɩ wãbna b rũmsã beenẽ, la zaabre, bãmb na n tɩ gãanda Askalon rotã pʋse. Bala, Sẽn-Ka-Saab sẽn yaa bãmb Wẽnnaamã na n wa n sõnga bãmb n lebs n maneg b yellã.»

SEBR SÕNGO

⁷ Mogrã noore na n yɩɩ a Zɩɩda bu-kellã soolem, b na n kɩɩma b rũmsa be, la zaabre, b na n tɩ gãanda Askalõ rota pʋga. Ade, Naaba-Wẽnde, b Wẽnnaama, na n lʋɩɩsa b toogo tɩ b yella manege.

Sofoni 2:7 Iomraidhean Croise

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

Yɩɩn‑sõamyã 80:14

Reoog yii kãgrẽ n wa sãam-a, a lebga we-rũmsã yamdo.

Yɩɩn‑sõamyã 85:1

A Koore yagens yɩɩlle, yɩɩlã naab yĩnga.

Yikri 4:31

La nebã tẽeme. Bãmb sẽn wʋm tɩ Sẽn-Ka-Saab wa n na n sõnga Israyɛll nebã, tɩ la b yãnda bãmb namsgã, Israyɛll nebã sulga b zut n wõgemd tẽnga.

A Ezayi 11:11

Badaare, Sẽn-Ka-Saab na n leb n tẽega b nug n fãag b buud ning sẽn kellã, yaa neb nins sẽn pa Asiiri ne Ezɩptã, la sẽn pa-b Patroos ne Kuusã, la Elam ne Sineyaar la Hamatã, ne tẽms nins koom sẽn gũbg tɩ b be ko-kãsengã sʋkã.

A Ezayi 11:14

Bãmb na n naaga taab n zab ne Filistẽ-dãmbã sẽn be nin-taoorã, la b naag taab n zɛ neb nins sẽn be yaangã. Bãmb na n sooga Edom ne Moaab nebã, la Amo-rãmbã na n saka bãmba.

A Ezayi 11:16

B na n tuka sor bãmb neb nins sẽn ketã yĩnga, yaa bãmb neb nins sẽn pa Asiiri wã yĩnga. Wa b sẽn dag n tuk sor Israyɛll nebã yĩnga, daar ning bãmb sẽn yi Ezɩpt tẽngã.

A Ezayi 14:1

Bala, Sẽn-Ka-Saab na n zoe a Zakoob yagensã nimbãanega, bãmb na n leb n yãka Israyɛll n kõ-b vʋʋsg b tẽngẽ wã. Sãamb n na n naag bãmb tɩ b tɩ lagem a Zakoob roogã nebã.

A Ezayi 32:14

Bala, b basa na-yirã, b basa tẽng ning sẽn dag n pid ne nebã, Ofɛll ne gãosgã na n lebga bogd wakat fãa yĩnga. Bãmb na n lebga we-bõens ne rũms wãbneg zĩiga.

Zeremi 23:3

«Mam mengã na n kɩtame tɩ m neb nins sẽn ketã yi tẽms nins fãa mam sẽn dig bãmb tɩ b kẽngã n lebg n wa yiri. La bãmb na n doga kamba, la b na n fɩɩgame n lebg wʋsgo.

Zeremi 29:10

Maam a Sẽn-Ka-Saab yetame: «Yãmb sẽn na n zĩnd Babilondã sã n wa pid yʋʋm pis-yopoe, mam na n sõnga yãmba, n pids kãab-noog ning m sẽn dag n kãab yãmbã, n kɩt tɩ y lebg n wa zĩ-kãngã.

Zeremi 29:14

Maam a Sẽn-Ka-Saab yetame: Mam na n basame tɩ y yãnd-ma, la m na n leb n manega yãmb yellã. Mam na n kɩtame tɩ y yi soolem ninsi, la tẽms nins fãa mam sẽn dag n dig yãmb tɩ y kẽngã. Mam na n talla yãmb n lebg n wa zĩ-kãngã m sẽn dag n kɩt tɩ b yiis yãmb n tɩ kẽes yembdã.

Zeremi 3:18

Wakat-kãense, Zʋʋda buudã na n naaga Israyɛll buudã, tɩ b tũ taab n yi tẽng ning sẽn be rɩtgã, n kẽng tẽng ning mam sẽn dag n kõ b yaab-rãmbã.»

Zeremi 30:3

Maam a Sẽn-Ka-Saab yetame: ‹Wakat n wate, tɩ mam na n maneg Israyɛll ne Zʋʋda nebã yellã tɩ lebg sõama. Mam na n tall-b lame n lebg n wa tẽng ning mam sẽn dag n kõ b yaab-rãmbã pʋgẽ, tɩ b soog-a.› Yaa maam a Sẽn-Ka-Saab n yeele.»

Zeremi 31:7

Bala, ad Sẽn-Ka-Saab sẽn yeta: Kaas-y ne sũ-noog a Zakoob yagensã yĩnga. Kɩdm-y n yɩɩg-y buud toay-toayã fãa! Zẽk-y y koees n pẽg Sẽn-Ka-Saab n yeele: Sẽn-Ka-Saabo, fãag-y y nebã! Fãag-y Israyɛll bu-kellã!

Zeremi 32:44

Benzame buudã tẽngẽ, ne Zeruzalɛm tẽn-kɩremsã pʋse, la Zʋʋda tẽmsã pʋse, ne tẽms nins sẽn be tãms sʋkã pʋse, la sẽn be-b kunkub sʋkã pʋse, ne sẽn be-b Negɛɛvã pʋse, b na n daada pʋt ne ligdi, la b gʋlsd raab kaset sɛb n pagdẽ, la b baood kaset dãmba. Bala, mam na n lebs n manega b yellã. Maam a Sẽn-Ka-Saab n yeele.»

Zeremi 33:12

Maam a Saasẽ-Pãng-Soabã yetame: Zĩ-kãngã yaa vɩʋʋg tɩ ned wall rũng ka leb n be a pʋgẽ ye. La a tẽmsã fãa pʋse, pe-kɩɩmb na n paama zĩig n gʋʋl b piisi.

Zeremi 33:7

Mam na n lebsa Zʋʋda ne Israyɛll nebã b zĩisẽ, tɩ b leb n yɩ wa pĩnda.

Zeremi 47:5

B kõoga Gaaza t'a lebg zĩ-peelle. B ka leb n wʋmd ned rãamd Askelon pʋgẽ ye, neb nins sẽn dag n ket tẽn-nabdrẽ wã me ka leb n be ye. Yãmb na n boga y mens hal tɩ ta dabʋre?

Ezekiyɛl 39:25

Bõn-kãens yĩnga, maam a Zu-soab a Sẽn-Ka-Saab yetame: «Mam na n lebsa a Zakoob yagensã b zĩigẽ, la m zoe Israyɛll buudã fãa nimbãanega, la m na n wilga m sũ-ki-kãsengã m yʋʋrã sẽn welg toorã yĩnga.

A Ooze 6:11

La yãmb Zʋʋda nebã, mam segenda tigsg daar yãmb yĩnga, wakat ning mam sẽn na n lebs n maneg m nebã yellã.

A abdiyas 1:19

Negɛɛv nebã na n sooga Ezayu soolem ning sẽn be tãms sʋkã, la sẽn be-b kunkub sʋkã na n sooga Filistẽ-dãmbã tẽnga. Bãmb na n sooga Efrayiim ne Samaari tẽngã. La Benzame yagensã na n sooga Galaade.

A Miise 2:12

N-yẽe, mam na n tigma yãmb fãa sẽn yaa a Zakoob yagensã, la m tigim Israyɛll bu-kellã. Mam na n tigma bãmb wa piis sẽn be yãgr pʋgẽ, la wa rũms sẽn be b wãbneg zĩigẽ. B na n leb n wʋma neb rãamd tẽngã pʋga.

A Miise 4:10

Zeruzalɛm tẽn-neere, yãbe, la f kũs wa pag sẽn kũmd dogem! Bala, moasã, fo na n yi n basa tẽngã, n tɩ zĩnd weoogẽ, la fo na n kẽnga hal Babilonde. Yaa beenẽ la b na fãag foom, yaa beenẽ la Sẽn-Ka-Saab na n deeg foom f bɛɛbã nugẽ.

A Miise 4:7

Mam na n kɩtame tɩ sẽn keoosd-bã yɩ bu-kelle, la m kɩt tɩ sẽn sãeeg-bã yɩ buud sẽn tar pãnga. Sẽn-Ka-Saab na n yɩɩ bãmb rĩm Sɩyõ tãngã zugu, sẽn sɩng ne moasã, hal tɩ ta wakat sẽn ka sɛta.

Sofoni 2:9

Rẽ kɩtame tɩ maam a Saasẽ-Pãng-Soabã, sẽn yaa Israyɛll Wẽnnaamã sẽn vɩ wã wẽend n yetẽ: «Ade, Moaab na n lebga wa Sodom, la Amo tẽngã na n lebga wa Gomoore. Tẽngã na n pida ne gõose, la a lebg yamsem zĩisi, b na n sãam-a-la wakat fãa yĩnga. Mam nebã bu-kellã na n zɛɛ bãmba, la b reeg b tẽngã n sooge.

Sofoni 3:13

La Israyɛll nebã bu-kellã kõn leb n maan sẽn yaa kegre, la b kõn leb n yag zĩrẽ ye. Bãmb kõn leb n gom n tudg taab ye. Bãmb na n tõog n dɩɩme la b gũsi, tɩ ned ba a ye ka be sẽn na n yɛɛs-b ye.»

Sofoni 3:20

Wakat-kãnga, mam na n tall-y lame n lebg n wa, Wakat-kãnga, mam na n tigm-y lame. Bala, mam na n kɩtame tɩ yãmb yʋʋrã yi, la m kɩt tɩ y paam waoogr dũniyã buud fãa sʋka. Wakat ning mam sẽn na n lebs yãmb y zĩigẽ wã, yãmb mensã nin na n yãndame. Yaa maam a Sẽn-Ka-Saab n yeele.

A Aaze 1:12

A Saltiyɛll biig a Zorobabɛlle, ne a Yehosadak biig a Zozoe sẽn yaa maan-kʋʋr kãsmã, la neb a taabã fãa kelga Sẽn-Ka-Saab sẽn yaa bãmb Wẽnnaamã koɛɛga, wa sẽn zems no-rɛɛs a Aaze sẽn togsã, la wa sẽn zems Sẽn-Ka-Saab sẽn yaa bãmb Wẽnnaamã sẽn tʋm-a t'a togsã. La rabeem yõka nebã Sẽn-Ka-Saab taoore.

A Aaze 2:2

«Mam kot-f lame tɩ f gom ne a Saltiyɛll biig a Zorobabɛll sẽn yaa Zʋʋda gʋvɛrneerã, ne a Yehosadak biig a Zozoe sẽn yaa maan-kʋʋr kãsmã, ne neb a taabã n yeel-b yaa:

A Luk Sõng 1:68

Pẽgr Zu-soabã sẽn yaa Israyɛll nebã Wẽnnaam, bãmb sẽn wa n ges b nebã n fãag-bã yĩnga,

A Luk Sõng 7:16

Nebã fãa yɛɛsame n pẽgd Wẽnnaam n yetẽ: «Wẽnnaam no-rɛɛs kãseng puka tõnd sʋka, la Wẽnnaam waa n gesa b nebã.»

Tʋʋma 8:26

La Zu-soabã malɛɛk goma ne a Filip n yeel-a t'a yik n kẽng wĩndgã goabg n tũ sor ningã sẽn yit Zeruzalɛm n dabd Gaaza, n yaa weoog sorã.

Tʋʋma 8:40

La b yãnda a Filip Azote. La yẽnda moona koe-noogã tẽms nins fãa yẽnda sẽn tũ wã, halɩ n tɩ ta Sezaare.

Rom Dãmba 11:5

Woto me, moasã, neb n kelle, wa sẽn zems Wẽnnaam sẽn tũus b rãmb b barkã pʋgẽ wã.

A Ruti 1:6

A Naoomi ne a bi-pagbã zĩnda Moaab tẽngã n wʋm tɩ Zu-soabã maana b nebã neer n kõ-b rɩɩbo, dẽ, bãmb yikame n yi be n dɩk sor n na n lebg n leb Zʋʋda.