Sofoni 2:3 - WẼNNAAM SEBRE 2014

³ Bɩ yãmb a sik-m-mens rãmbã fãa sẽn be tẽngã pʋgã bao Sẽn-Ka-Saabo. Yãmb dãmb sẽn sakd noy nins Sẽn-Ka-Saab sẽn luglã, bao-y tɩrlem, la y bao sik-m-menga, tɩ daar ninga, y na paam n põs Sẽn-Ka-Saab sũ-puugrã daare.

SEBR SÕNGO

³ Wẽnemd-y n tees Soaala, yãmb fãa, tẽng zug nin-bõonese, sẽn deegd-b noya; bao-y zemsgo, sak-y sulg-m-menga: tõe tɩ y põse, Soaala sũ-puura raare.

Sofoni 2:3 Iomraidhean Croise

2 Sãmwɛlle 12:22

A Davɩɩd leokame: «Yaa sɩda, biigã sẽn dag n ket n vɩ-wã, mam dag n loeta noore, la m yãbda, n tẽed tɩ daar ninga, Sẽn-Ka-Saab na n zoee mam nimbãaneg n fãag biigã.

Yɩɩn‑sõamyã 105:4

Bao-y Sẽn-Ka-Saabo, bao-y bãmb pãngã, bao-y bãmb wakat fãa!

Yɩɩn‑sõamyã 149:4

Bala, Sẽn-Ka-Saab sũur nooma ne b nebã. Bãmb fãaga naong rãmbã, n waoog-ba.

Yɩɩn‑sõamyã 22:26

Yãmb la m na n pẽg kʋʋngã sʋka. Mam na n pidsa m pʋlengã sẽn zoet-b yãmbã nifẽ.

Yɩɩn‑sõamyã 31:20

Yãmb sõmblmã yaa kãsenga, yãmb bĩng-a-la neb nins sẽn zoet yãmbã yĩnga. Ninsaalbã nifẽ, yãmb maanda neb nins sẽn solgd yãmb nengẽ wã neere!

Yɩɩn‑sõamyã 45:4

Tãb-bi-gãndaoogo, sẽbg f zabr sʋʋg f sɛɛgẽ, fo pɩndame n tar da-sãnde.

Yɩɩn‑sõamyã 57:1

A Davɩɩd yɩɩlle. Yɩɩnda wa yɩɩll sẽn boond tɩ «ra sãam ye.» Yaa yẽnda sẽn wa n zoet n na n põs a Sayull tãngã bokẽ wã. Yaa yɩɩlã naab yĩnga.

Yɩɩn‑sõamyã 76:9

Yãmb zĩnda saasẽ n kɩt tɩ b bãng y bʋ-kaoorã. Rabeem kẽe dũniyã t'a zĩnd sɩddd...

Yɩɩn‑sõamyã 91:1

Ned ning sẽn zĩ Sẽn-Ka-To zĩ-soalgdgẽ wã, paamda vʋʋsg Sẽn-Tõe-Fãa wã maasmẽ.

Yikri 12:27

bɩ y yeel-b yaa: Yaa Pak tigrã maoong tõnd sẽn maand n kõt Sẽn-Ka-Saabo, b sẽn zʋʋg n bas Israyɛll nebã rot Ezɩpt tẽngã yĩnga. Bãmb sẽn sɩbg Ezɩpt tẽngã ne toogã, b basa tõnd zagsã n ka maan-b bũmb ye.» Nebã sulgame n wõgemde.

Yelbũna 18:10

Sẽn-Ka-Saab yʋʋrã yaa gãsg sẽn tar pãnga, nin-tɩrg sã n zoe n tɩ kẽ be, yell kõn paam-a ye.

A Ezayi 1:17

Zãms-y tɩ maan sẽn yaa sõama. Bao-y tɩrlem, la y sõng b sẽn maand-b rãmb pãngã. Kao-y kɩɩb bʋʋd tɩrga, la y zab n sõng pʋg-kõore.

A Ezayi 11:4

Yẽnda na n kaoo ka-pãens rãmbã bʋʋd ne zemsgo. A na n bʋʋ tẽngã nimbãan-nebã bʋʋd wa sẽn zemse. Yẽnda na n wẽe dũniyã ne a noorã dasaare, la a kʋ nin-wẽnsã ne a noorã pemsem.

A Ezayi 61:1

Sẽn-Ka-Saab Sɩɩgã bee mam zugu, bala, Sẽn-Ka-Saab yãka maam. Bãmb tʋma maam tɩ m togs koe-noogã naong-rãmba, la m bels sũ-sãang-rãmbã, tɩ m togs b sẽn balg b rãmbã fãagr koɛɛga, la m togs sẽn be-b bi-bees roogã tɩ b na n paama yolsgo.

Zeremi 39:18

Mam na n kɩtame tɩ f põse, la f ka na n ki ne zabr sʋʋg ye. Fo na n vɩɩmdame, fo sẽn teeg maamã yĩnga. Maam a Sẽn-Ka-Saab n yeele.»

Zeremi 45:5

La foom, fo baood n maana bõn-kãsemse! Da bao bõn-kãens ye! Bala, mam kɩtame tɩ toog na n paam ninsaalbã buud fãa, la m na n gũu fo vɩɩmã zĩig ning fãa fo sẽn na n kẽngẽ. Maam a Sẽn-Ka-Saab n yeele.»

Ezekiyɛl 13:5

Yãmb ka kẽng lalgã zĩis nins sẽn lʋɩ wã, n tɩ lebs n me n gũbg Israyɛll nebã n sõng-b ne zabrã Sẽn-Ka-Saab daarã daar ye.»

A Ooze 10:12

Israyɛll nebã, maan-y sẽn yaa tɩrga, la y maan sẽn zems sɩda. Tuk-y pʋ-paalle! Wakat taame tɩ y tog n bao Sẽn-Ka-Saabo, hal tɩ b wa kɩt tɩ tɩrlem zĩnd yãmb sʋka.

A Ooze 7:10

Israyɛll nebã tɩtaamã kaooda b bʋʋdo, bãmb ka wa lebg n wa Sẽn-Ka-Saab sẽn yaa b Wẽnnaamã nengẽ ye. La ne rẽ fãa, bãmb ka baood Sẽn-Ka-Saab ye.

A Zonaase 3:9

Bala, ãndã n mi Wẽnnaam sã n ka na n sik b sũuri, tɩ d paam n põse?»

Zakari 8:19

Maam a Saasẽ-Pãng-Soabã yetame: «Kiuug a naasẽ soabã no-loeerã, ne a nu soabã no-loeerã, la kiuug a yopoe soabã no-loeerã, ne kiuug piig soabã no-loeerã, na n lebga kɩdeng la sũ-noog rayã, b na n lebga tigr kɩdeng day Zʋʋda buudã yĩnga. Dẽ wã, nong-y sɩda, ne vɩ-bãane.»

A Matiye Sõng 5:5

Bark bee sũ-maasem dãmbã zutu, bala b na n sooga dũniyã.

1Tesalonik Rãmba 4:1

Yaoolem bũmbu, m ba-biisi, yaa tɩ yãmb zãmsa tõnd nengẽ n bãng y sẽn tog n kẽn to-to n ta Wẽnnaam yam, la y pʋs n maanda a woto. Moasã, tõnd kota yãmba, n bõosd yãmb ne Zu-soab a Zeezi yʋʋr tɩ y maan neer n yɩɩd a woto.

1Tesalonik Rãmba 4:10

Yãmb nonga ba-biisã fãa sẽn be Masedoan tõrã a woto. La tõnd sagenda yãmb sẽn yaa d ba-biisã tɩ y kẽng taoor n paase,

1 Pɩyɛɛr 1:22

Yãmb sẽn sak sɩdã n yɩlg y mensã, sẽn na n yɩlẽ n paam nonglem meng-meng ba-biisã yĩngã, bɩ y nong taab wʋsg ne y sũyã fãa,

1 Pɩyɛɛr 3:4

La yãmb tog n baoo neerem ning sẽn solge, n be ned kam fãa sũurẽ, la sẽn ka sãamdã, sẽn yaa sũ-bʋgsem sɩɩga, la sũ-maasem. Ade, yaa bõn-kãensã n tar yõod wʋsg Wẽnnaam nifẽ.

2 Pɩyɛɛr 3:18

Bɩ yãmb bɩ tõnd Zu-soabã la d Fãagd a Zeezi Kiris barkã pʋgẽ, la y bãngd-b yellã n paasdẽ. Bãmb n so ziir sẽn sɩng ne moasã hal tɩ ta wakat sẽn kõn sa.