Sofoni 2:2 - WẼNNAAM SEBRE 2014

² sẽn deng yam-yãkrã daar sẽn na n wa ling yãmbã, sẽn deng daarã sẽn na n wa loog wa sobg sẽn dɩkd wudgu, la sẽn deng Sẽn-Ka-Saab sũ-puug-kãsengã daar sẽn na n wa sig yãmb zugã, ne sẽn deng Sẽn-Ka-Saab sũ-puugrã daar sẽn na n wa sig yãmb zugã!

SEBR SÕNGO

² B sẽn na n sẽeg yãmb raar a ye wa mooda nan ka ta ye. Soaala-Wẽnd sũura sẽn na n fudg a bugum n waag-y daara nan ka ta ye.

Sofoni 2:2 Iomraidhean Croise

A. Zoobe 21:18

B yaool n yeelame: «Bɩ b yɩ wa mood sobg sẽn dɩkda, la b yɩ wa fɩɩb sob-kãseng sẽn dɩkde.

Yɩɩn‑sõamyã 1:4

La ka woto ne nin-wẽnsã ye. Bãmb wẽnda wudg sobg sẽn dɩkde.

Yɩɩn‑sõamyã 2:12

Waoog-y biigã, tɩ b sũurã ra wa yik tɩ b menes-y ye. Bala, bãmb sũurã tõe n yika zĩig pʋgẽ n dɩt wa bugum. La neb nins fãa sẽn paam zĩ-lilldg bãmb nengẽ wã na n paama sũ-noogo.

Yɩɩn‑sõamyã 50:22

M kotame tɩ y wʋm bõn-kãens võore, yãmb dãmb sẽn yĩmd Wẽnnaam yellã, gũus-y tɩ m da wa tõos-y zeremse, tɩ ned ka be n na n fãag-y ye.

A Ezayi 17:13

Yaa neb kʋʋng bʋrg sẽn wẽnd ko-kãseng bʋrgo. La Sẽn-Ka-Saab lengd-b lame tɩ b zoet n zãagd yɩɩga. B rigda bãmb wa tãng zug seb-kãseng sẽn dɩkd ka-fɩɩba, la wa sɩlmand sẽn dɩkd wudgu.

Zeremi 23:20

Sẽn-Ka-Saab sũurã ka na n sigi, tɩ b ka maan b sẽn dat n maanã, la b pids b saagrã ye. Wakatã sã n ta, yãmb na n wʋma bõn-kãng võore.

Zeremi 4:4

Zʋʋda ne Zeruzalɛm nebã, Kẽes-y y mens bãong Sẽn-Ka-Saab yĩnga, la y yiis y sũurã rẽgdã, tɩ m sũurã ra wa n puug n wɩng wa bugum, n dɩ yãmb y tʋʋm-wẽnsã yĩnga, tɩ ned ka be n na n kiis-a ye.»

Kʋʋr yɩɩla 4:11

Sẽn-Ka-Saab basame tɩ b sũurã fudg n tãag a tɛka. Bãmb kiiga b sũ-puugrã tʋʋlem n widg bugum Sɩyõ tẽngã pʋgẽ, tɩ bugmã rɩ a yẽbgrã fãa zãnga.

Ezekiyɛl 12:25

Bala, mam yaa Sẽn-Ka-Saabo, la mam sẽn na n yeel bũmb ningã, m na n yeel-a lame. Yaa gomd sẽn na n paam pidsg yãmb zamaanã pʋga, n ka leb n kaoos ye. Buud sẽn yaa tõata, mam sẽn na n yeel bũmb ningã, m na n pids-a lame. Maam a Zu-soab a Sẽn-Ka-Saab n yeele.»

A Ooze 13:3

Yaa rẽ n kɩte, tɩ b na n yɩ wa yibeoog wulgu, wa yibeoog meenem sẽn mesgdã, wa wudg sobg sẽn dɩkd zɛɛgẽ, la wa bug-zõos sẽn yit roog võorẽ.

A Nahum 1:6

Sẽn-Ka-Saab sũurã sã n puugi, ãnda n tõe n põse? Ãnda n tõe n põs bãmb sũ-puugrã? Bãmb sũ-puugrã rɩta wa bugum, tɩ baa pĩig kugã pusd bãmb taoore

Sofoni 1:18

Bãmb wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Sẽn-Ka-Saab sũ-yikrã bugum na n dɩɩ dũniyã fãa, bala, na n yɩɩ to-kãseng daare, la Sẽn-Ka-Saab na n sãama dũniyã nebã zãnga.

Sofoni 3:8

Dẽ wã, Sẽn-Ka-Saab yetame: «Beneere, gũ-y daar ning mam sẽn na n yik n bʋ ne yãmbã, bala, mam yãka yam n na n tigim bu-zẽmsã, la m tigim soolem toay-toayã, n dok m sũur ne-ba, tɩ m sũ-kãbrã rɩ-ba. Bala, mam sũ-puugrã bugum na n dɩɩ dũniyã zãnga.»

A Matiye Sõng 24:35

Saasẽ la tẽng na looge, la mam goamã kõn loog ye.