Sofoni 2:11 - WẼNNAAM SEBRE 2014

¹¹ Sẽn-Ka-Saab ka na n zoe bãmb nimbãaneg ye, bãmb na n sãama dũniyã fãa wẽnnaam-dãmbã, la buud toay-toayã tẽms nins fãa koom sẽn gũbgã neb na n pa b sẽn beẽ wã n wõgemd n waoog Sẽn-Ka-Saabo.»

SEBR SÕNGO

¹¹ Soaala-Wẽnd na n yɩɩ toaag ne bãmba. B na n menesa wẽn-naandsa gilli. La bu-zẽmba gilli, ned kam fãa a tẽngẽ, na n waooga Naaba-Wẽnde.»

Sofoni 2:11 Iomraidhean Croise

Sɩngrẽ 10:5

Yaa bãmb yagensã n sãeeg n be tẽms nins sẽn koom sẽn gũbgã, n lebg soolem-dãmb n tar b tẽmse, soolem fãa ne a goamã, la a roto.

Yɩɩn‑sõamyã 138:4

Sẽn-Ka-Saabo, dũniyã rĩm-dãmb sã n wʋm yãmb noorã goamã, b na n pẽga yãmba.

Yɩɩn‑sõamyã 72:17

Rĩmã yʋʋr na n paa wakat fãa, Wĩndgã sã n ket n pukdẽ, bãmb yʋʋrã na n paa wakat fãa. Nebã na n ninga taab bark ne bãmb yʋʋre, la bu-zẽmsã fãa na n yeelame tɩ rĩmã tara barka.

Yɩɩn‑sõamyã 86:9

Zu-soaba, buud toay-toayã fãa yãmb sẽn naanã na n wa wõgemda yãmb taoor n waoog yãmb yʋʋrã.

A Ezayi 2:18

Bãmb na n menesa wẽn-naandsã fãa.

A Ezayi 2:20

Badaare, ninsaalbã na n dɩka b wanzuri ne b sãnem wẽn-naandsã bãmb sẽn wõgemded n waoogdẽ wã n lob laoos ne zankiti.

A Ezayi 42:10

Yɩɩl-y yɩɩn-paalg Sẽn-Ka-Saab yĩnga, yɩɩl-y n pẽg-y bãmb dũni ween-vɩɩsã fãa pʋga. Bɩ sẽn kẽnd-b ko-kãsengã zugã, la yãmb dãmb sẽn be tẽms koom sẽn gũbg pʋgẽ wã ne y nebã, pẽg-y Sẽn-Ka-Saabo!

A Ezayi 42:4

Yẽnda pãng ka na n sɛ, la a raood ka na n booge, hal t'a wa kɩt tɩ tɩrlem zĩnd dũni zugu. Bala, tẽms nins koom sẽn gũbgã gũuda yẽnda tõogã.

A Ezayi 49:1

Tẽms nins koom sẽn gũbgã, kelg-y maam! Neb nins sẽn be zĩ-zãrsã, kelg-y-yã! Sẽn-Ka-Saab boola maam tɩ m ket m ma pʋgẽ. Bãmb pʋda mam yʋʋr tɩ m ma nan ka rog maam ye.

Zeremi 10:11

Yeel-y bãmb tɩ wẽnnaam-dãmb nins sẽn ka naan yĩngr la tẽngã na n menema dũniyã zugu.

Zeremi 46:25

Saasẽ-Pãng-Soabã sẽn yaa Israyɛll Wẽnnaamã yetame: Ade, mam na n sɩbga Amon sẽn be No wã nebã, ne Faarõ, la Ezɩpt nebã ne b wẽnnaam-dãmbã la b rĩm-dãmbã. Mam na n na n sɩbga Faarõ ne neb nins fãa sẽn teeg yẽnda wã.

A Dãniyɛlle 11:18

Dẽ, rɩtg rĩmã na n wẽnemdame n zab ne tẽms nins koom sẽn gũbgã, n tõog n deeg tẽms wʋsgo. La tãb-biis naab a yembr n na n yik n kɩt tɩ rɩtg rĩmã wuk-m-mengã sɛ, la a kɩt t'a tʋʋm-beedã leb-a.

A Ooze 2:17

La beenẽ, mam na n lebs-a-la a reezẽ tɩɩs pʋtã, la m kɩt tɩ Akoor longã lebg tẽeb sɩngre. Beenẽ, yẽnda na n saka wa a pʋg-sademdẽ wã, la wa wakat ning a sẽn dag n yi Ezɩptã.

A Zowɛlle 2:11

Sẽn-Ka-Saab lʋɩ b tãb-biisã taoor n tãsdẽ, bãmb tãb-biisã sõor yaa kʋʋngo, sẽn sakd-b bãmb noorã tara pãnga. Bala, Sẽn-Ka-Saab daarã yaa ra-kãsenga, la a seka yɛɛsg wʋsgo. Dẽ, ãndã n na n tõog n põs ra-kãnga?

Sofoni 1:4

Mam na n tẽega m nugã n sɩbg Zʋʋda ne Zeruzalɛm nebã, la m na n menesa bũmb ning sẽn ket zĩ-kãngã pʋgẽ, n yaa wẽn-naandg a Baall dẽndã, la m menes a Baall tʋmtʋmdbã sẽn yaa a maan-kʋʋdbã.

Sofoni 3:9

«Dẽ, mam na n yɩlga buudã fãa nobɩmsã, tɩ b fãa tõe n waoog maam a Sẽn-Ka-Saab ne yam a yembre.

Zakari 13:2

Saasẽ-Pãng-Soabã yetame: «Badaare, mam na n yiisa wẽn-naandsã yʋy tẽngã pʋga, la b kõn tol n leb n tẽeg bãmb yell ye. La m na n yiisa no-rɛɛsdbã me tẽngã pʋga, ne b rẽgdã sɩɩgã.

Zakari 2:11

Haya! Sɩyõ nebã, yãmb dãmb sẽn be Babilond tẽn-neerã pʋgẽ wã, zoe-y n põs-y-yã!»

Zakari 8:20

Saasẽ-Pãng-Soabã yetame: «Neb buud toor-toor ne tẽms wʋsg neb na n leb n wa pida Zeruzalɛm.

Zakari 8:23

Saasẽ-Pãng-Soabã yetame: «Badaare, neb sẽn gomd goam buud toor-toor pʋgẽ neb piig na n gãda Zʋɩf a yembr fãa fuug noor n yeele: ‹Tõnd na n tũu yãmb n kẽnge. Bala, tõnd wʋmame tɩ Wẽnnaam bee ne yãmba.› »

Malasi 1:11

Bala, sẽn sɩng yaang n tãag nin-taoore, mam yʋʋrã yaa kãseng buud toor-toorã fãa sʋka. B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele.

Malasi 1:14

Kãab-wẽng bee zãmb soab zugu, yẽnda sẽn tar pe-raoog sẽn yaa sõama a rũms sʋka, n yaool n dɩk rũng sẽn tar zang n maan maoong n na n pids a pʋleng ne Zu-soabã yĩnga. Bala, maam a Saasẽ-Pãng-Soabã yetame: ‹Mam yaa rĩm-kãsenga, la mam yʋʋrã seka zoees buud toor-toorã sʋka.› »

Yaoolem 32:38

Wẽnnaam-dãmb nins sẽn dag n dɩt yãmb maand nemd kaamã la b yũud y reezẽ rãamã bee yɛɛnẽ? B yik moasã n sõng-yã. B yik n kogl-yã!

1 Tɩmote 2:8

Dẽ, mam datame tɩ nebã zẽk nus sẽn yaa yɩlma, n pʋʋs Wẽnnaam zĩig fãa, tɩ sũ-kiiri la no-koɛɛm kaẽ ye.

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!