Sofoni 2:1 - WẼNNAAM SEBRE 2014

¹ Buud sẽn ka zoet yãnde, tigm-y taab n tagse,

SEBR SÕNGO

¹ Adem biisi, tags-y neere, zoe-y yãnde n teem y manesem.

Sofoni 2:1 Iomraidhean Croise

2 Kibayã 20:4

Zʋʋda nebã tigmame n na n bao Sẽn-Ka-saabo. Nebã yii Zʋʋda tẽmsã fãa pʋsẽ n na n wa bao Sẽn-Ka-Saabo.

A Neemi 8:1

Nebã fãa tigma taab ne yam a yembr Zeruzalɛm tẽngã pʋga, bãmb tigma taab noor ning b sẽn boond tɩ koom noorã nen-taoore. La Israyɛll nebã kosa a Ɛsdraas sẽn yaa gʋlsdã t'a tall tõodã sebr wa. Yaa tõod nins Sẽn-Ka-Saab sẽn dag n kõ a Moyiis t'a kõ Israyɛll nebã.

A Neemi 9:1

Kiu-kãng rasem pisi la a naasã daare, Israyɛll nebã yeelga boto, n yug b mens tom, la b tigim taab n na n loe noore.

A Ɛstɛɛre 4:16

«Kẽng-y n tigm-y Zʋɩf-rãmb nins fãa sẽn be Suuz na-tẽngã pʋgẽ wã, tɩ y loe noor mam yĩnga, n da rɩ rɩɩbo, la y ra yũ koom, wĩndg la yʋng hal tɩ ta rasem a tãabo. La maam ne m tʋmtʋmd-pogsã me na n loee noor wa yãmba. Dẽ poore, mam na n kẽnga rĩmã nengẽ, baa ne tõogã sẽn gɩdgã. Ba sã n yaa tɩlɛ tɩ mam ki, mam na n kiime.»

Zeremi 3:3

Yaa woto n kɩt tɩ saag ka ni sigri, la sẽoog me ye. La baoosgo, yãmb nensã yaa wa pʋg-yoodr nenga. Yãnd ka tar yãmb ye.

Zeremi 6:15

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

A Zowɛlle 1:14

Yãk-y daar no-loeer yĩnga, moon-y tigin-kãseng daare, tigm-y kãsem-dãmbã, ne tẽngã nebã fãa, tigm-y-b Sẽn-Ka-Saab sẽn yaa yãmb Wẽnnaamã roogẽ, la y kelem n bool Sẽn-Ka-Saabo!

Sofoni 3:5

La Sẽn-Ka-Saab yaool n bee tẽngã pʋga, n yaa tɩrlem soaba, la b ka maand sẽn ka zems ye. Yibeoog fãa, bãmb pukda b tɩrlmã n ka basdẽ ye. La nin-wẽng ka mi yãnd ye.

Zakari 11:8

La mam menesa pe-kɩɩmb a tãabã kiuug a yembr pʋgẽ. Mam maana sũ-mar ne piisã n konge, la bãmb me yamã wa n yii maam.

A Matiye Sõng 18:20

Bala, zĩig ning neb a yiib bɩ a tãab sẽn tigim taab ne mam yʋʋre, mam bee bãmb sʋka.