Sofoni 1:6 - WẼNNAAM SEBRE 2014

⁶ Mam na n menesa neb nins sẽn basd maam a Sẽn-Ka-Saabã, ne neb nins sẽn ka baood maamã la sẽn ka baood-b mam saglgã.

SEBR SÕNGO

⁶ M na n menesa sẽn zãagd-b ne maam, Naaba-Wẽnde, n pa kot m sõngre, n pa kot m vẽnegre.

Sofoni 1:6 Iomraidhean Croise

2 Sãmwɛlle 22:22

Bala, mam saka Sẽn-Ka-Saab raabã, n ka bʋdg n bas m Wẽnnaamã wa nin-wẽnsã ye.

2 Kibayã 15:13

La ned sẽn yaa bi-bɩɩg bɩ kãsmã, bɩ paga wall raoa, sã n ka bao Sẽn-Ka-Saab sẽn yaa Israyɛll Wẽnnaamã, bɩ b kʋ-a a soaba.

Yɩɩn‑sõamyã 10:4

Nin-wẽng wukda a meng n yetẽ: «Wẽnnaam ka sokd ned a sẽn maan ye!» Yẽnda tagsgã fãa pʋgẽ, a yetame: «Wẽnnaam ka be ye.»

Yɩɩn‑sõamyã 125:5

La sã n yaa ne neb nins sẽn tũud-b so-golemsã, bɩ Sẽn-Ka-Saab naag-b ne tʋʋm-wẽns maandbã n digi! Bɩ Israyɛll vɩɩmd ne bãane!

Yɩɩn‑sõamyã 36:3

Yẽnda belgda a menga, n ka sakd n deeg a kongr n kisg-a ye.

A Ezayi 1:4

Toog bee bu-kãngã sẽn yaa yel-wẽn-maandã zugu, bãmb yaa koangdba, bãmb yaa tʋʋm-wẽns rãmba, bãmb yaa kom-wegemse! Bãmb basa Sẽn-Ka-Saabo, bãmb paooga Israyɛll Pʋ-Peelem-Soabã, bãmb wẽnemd n basa bãmba.

A Ezayi 43:22

Sẽn-Ka-Saab yetame: A Zakoob yagense, ka maam la yãmb sẽn boolã ye! Israyɛll nebã, yãmb yam yii ne maam!

A Ezayi 9:12

Baoosgo, Israyɛll nebã ka na n lebg n wa Sẽn-Ka-Saab sẽn yaa soab ning sẽn pãbd bãmbã nengẽ ye. Bãmb ka na n wẽnemd n bao Saasẽ-Pãng-Soabã ye.

A Ezayi 9:13

Dẽ, daar a yembr pʋgẽ, Sẽn-Ka-Saab na n fiuuga Israyɛll zugã, la b kʋʋg a zʋʋrã, b na n kʋʋga koangã willi, la b kʋʋg tãnwiigã.

Zeremi 10:25

Pʋdg-y y sũ-yikrã bu-zẽmsã sẽn ka mi yãmbã zutu, la buud nins sẽn ka pʋʋsd ne yãmb yʋʋrã zutu. Bala, bãmb dɩ a Zakoob yagensã zãnga, n sãam b yiyã.

Zeremi 15:6

Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

Zeremi 2:13

Bala, mam nebã maana yel-wẽn a yiibu. Bãmb basa mam sẽn yaa vɩɩm ko-bundum b yĩngã, n tu ko-bao n kõ b mense. La b ko-baoã yaool n yaa võy n ka tõe n tall koom ye.

Zeremi 2:17

Yel-kãngã sẽn paam yãmbã ka yãmb sẽn bas Sẽn-Ka-Saab sẽn yaa y Wẽnnaamã, wakat ning b sẽn yãag yãmb sorã zugã sɩda?

Zeremi 3:10

La ne rẽ fãa, Zʋʋda nebã sẽn yaa Israyɛll nebã saam-biisã sẽn yaa zãmb dãmbã ka lebg n wa mam nengẽ ne b sũyã fãa ye. B rag n ka be sɩdã pʋg ye. Maam a Sẽn-Ka-Saab n yeele.»

Ezekiyɛl 3:20

Nin-tɩrg sã n bas a tɩrlmã, n maan wẽnga, mam na n ninga kug-lakdg yẽnda taoore, t'a lak n lʋɩ n ki. Fo sã n ka keoog-a, a na n ki-a yel-wẽnã pʋga. B ka na n leb n tẽeg tɩrlem tʋʋm nins yẽnda sẽn dag n maanã yell ye. La mam na n ninga foom taal a sẽn ki wã yĩnga.

A Ooze 11:7

Mam nebã ka rat n bas b kɩɩsgã ye. B boonda bãmb tɩ b naag taab n yiki, La bãmb ka yik ye.

A Ooze 7:10

Israyɛll nebã tɩtaamã kaooda b bʋʋdo, bãmb ka wa lebg n wa Sẽn-Ka-Saab sẽn yaa b Wẽnnaamã nengẽ ye. La ne rẽ fãa, bãmb ka baood Sẽn-Ka-Saab ye.

A Ooze 7:7

Bãmb fãa wɩnga wa wʋnga. Bãmb kʋʋda b nanambsã, bãmb dĩm-dãmbã fãa lʋɩtame, la bãmb ned ba a yembr ka boond maam ye.

Sofoni 3:2

Bãmb ka sak n kelg Sẽn-Ka-Saabo, la b ka sak n deeg b remsgã ye. Bãmb ka sak n teeg Sẽn-Ka-Saab ye. La b ka kolg b Wẽnnaamã ye.

Rom Dãmba 3:11

Ned baa a yembr yam ka weke, baa a yembr ka baood Wẽnnaam ye. Neba fãa menemame, n naag taab n lebg ka-barka.

Ebre rãmba 2:3

tõnd na n yɩ a wãn n põse, tõnd sã n maan yaal-yaal n ka ges fãagr sẽn yaa kãseng a woto wã yelle? Zu-soabã meng n deng n gom fãag-kãng yell a sɩngrã wakate, tɩ neb nins sẽn wʋm fãagrã yellã wilg tõnd t'a yaa sɩda.

Zozuwe 23:12

Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,

1 Sãmwɛlle 15:11

«Mam maanda m bãngẽ m sẽn yãk a Sayull t'a lebg mam nebã rĩmã yĩnga. Bala, yẽnda basa maam n ka sak mam noorã ye.» A Sãmwɛll sũurã sãama ne Sẽn-Ka-Saab sẽn yeelã. Yẽnda kelem n boola Sẽn-Ka-Saab yʋngã tõre.