Sofoni 1:5 - WẼNNAAM SEBRE 2014

⁵ Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

SEBR SÕNGO

⁵ M na n zaba ne sẽn dʋʋd-b rot zutu n waoogd yĩngr ãdsã, n zab ne sẽn ka yɛs-b zĩ-yɛnga. Bãmb dãmb n wẽende tɩ yaa maam, Naaba-Wẽnd, la b pʋgda la b naag n pʋgd wẽn-naand a Milkom.

Sofoni 1:5 Iomraidhean Croise

1 Rĩm-dãmbã 11:33

Bala, bãmb basa maam n waoog Sɩdõ nebã wẽn-naan-poak a Astarte, ne Moaab nebã wẽn-naandg a Kemoose, ne Amo nebã wẽn-naandg a Milkom. La bãmb ka sak n tũ maam, n kẽn wa sẽn zemsd mam tõodã ne m noyã, wa a Salmo ba a Davɩɩd sẽn dag n kẽn to-to wã, n maan sẽn yaa tɩrg mam nifẽ ye.

1 Rĩm-dãmbã 11:5

Yẽnda tũu Sɩdõ nebã wẽn-naan-poak a Astarte, la a pʋʋs Amo-rãmbã wẽn-naan-yoog a Milkom.

1 Rĩm-dãmbã 18:21

La a Eli kolga nebã fãa n yeele: «Yãmb na n saad n yeebda goabg la rɩtg hal tɩ ta rabʋre? Sẽn-Ka-Saab sã n yaa Wẽnnaam, bɩ y tũ-ba, la Baall sã n yaa Wẽnnaam, bɩ y tũ-a.» La nebã ka leok yẽnda tɩ bũmb ye.

2 Rĩm-dãmba 17:32

Bãmb dag n waoogda Sẽn-Ka-Saab me. Woto, bãmb yãka neb bãmb sʋkã, tɩ b yɩ pʋʋsg rotã sẽn be maoong kʋʋb zĩisẽ wã maan-kʋʋdba, n maand maoong b yʋʋr yĩnga.

2 Rĩm-dãmba 17:33

Woto, bãmb dag n waoogda Sẽn-Ka-Saabo, la b baas n ket n pʋʋsda b mens wẽn-naandsã wa bãmb sẽn yi buud nins sʋk n wa wã sẽn minim n maandẽ wã.

2 Rĩm-dãmba 17:41

Bu-kãens rag n waoogda Sẽn-Ka-Saabo, la b pʋʋsd b wẽn-naandsã me. Bãmb kambã ne b yagensã me ket n maanda woto hal tɩ ta rũndã, wa bãmb ba-rãmbã sẽn dag n maandã.

2 Rĩm-dãmba 23:12

Rĩmã wãa tẽn-kug nins Zʋʋda rĩm-dãmbã sẽn dag n maan n ning a Akaaz gãosgã zugã ne rĩm a Manaase sẽn maan tẽn-kug nins n ning Sẽn-Ka-Saab roogã zags a yiibã pʋsã. Rĩmã sẽn wã bãmb n sɛ, a wʋka b tomã n tɩ lob Sedrõ tãn-longã pʋga.

A Ezayi 22:1

Sɩbgr koɛɛg vẽnegr tãng longã yĩnga. Bõe yĩng tɩ foom ne f nebã fãa zoet n dʋʋd bɛɛnd zutu,

A Ezayi 44:5

Ned a yembr na n yeelame yaa: «Mam yaa Sẽn-Ka-Saab rẽnda!» Tɩ ned a to rat tɩ b bool yẽnda t'a Zakoobe. La ned a to na n gʋlsa a nug zug yaa: «Mam yaa Sẽn-Ka-Saab n so,» la a yeel tɩ b bool yẽnda t'a Israyɛlle.

A Ezayi 45:23

Mam wẽenda ne m meng tɩ gomd ning sẽn yi mam noorẽ wã yaa tɩrga, la a kõn tol n tek ye. Rũmã fãa na n yĩgimda mam taoore, la zɛlmã fãa na n wẽena ne mam yʋʋre.

A Ezayi 48:1

A Zakoob buudu, kelg-y-yã, yãmb yʋʋr sẽn yaa Israyɛllã, la yãmb sẽn yaa Zʋʋda yagensã, yãmb maanda yẽesem ne rẽndã. Yãmb wẽenda ne Sẽn-Ka-Saab yʋʋre, la y boond Israyɛll Wẽnnaamã, tɩ yaool n ka ne sɩda la zemsg ye!

Zeremi 12:16

Bãmb sã n togs m nebã n maan wa bãmba, la b sã n wẽen ne maam a Sẽn-Ka-Saab sẽn vɩ wã yʋʋr wa b sẽn dag n zãms m nebã tɩ b wẽen ne Baallã, bãmb me na n paama zĩig m nebã sʋka.

Zeremi 19:13

Zeruzalɛm dotã ne Zʋʋda rĩm-dãmbã rotã, rot nins fãa b sẽn dag n yõogd wisd b zut yĩngr ãds yĩngã, la b pʋdgd bõn-yũudl b zut buud a taab wẽnnaam-dãmbã yĩngã, na n dẽgma wa Tofɛt zĩigã.»

Zeremi 32:29

Kalde rãmbã sẽn zabd ne tẽn-kãngã wã na n kẽ a pʋgẽ, n ning-a bugum. B na n yõo rot nins sẽn tar gãsd tɩ b rag n kɩɩsd maam n dʋʋd b zut n yõogd wisd a Baall yĩnga, la b kõt bu-zẽmsã wẽnnaam-dãmbã bõn-yũudl kũun b pʋsẽ wã.»

Zeremi 4:2

yãmb sã n wẽen ne maam a Sẽn-Ka-Saab sẽn vɩ wã yʋʋr ne sɩd la tɩrlem ne zemsgo, buud a taabã na n kosa maam tɩ m ning-b barka, la b na n pẽga maam.»

Zeremi 49:1

Sẽn kẽed ne Amo nebã wɛɛngẽ: Sẽn-Ka-Saab yetame: Israyɛll nebã ka tar kom-dibli la? Bãmb ka tar kom-dibli sẽn na n wa soog b tẽngã la? La yaa bõe tɩ wẽnnaam a Milkom reeg Gaad buudã tẽng n sooge, t'a nebã soog Gaad tẽmsã?

Zeremi 5:2

Baa bãmb sã n yeele: «D wẽenda ne Sẽn-Ka-Saab sẽn vɩ wã yʋʋre,» yaa zĩrẽ-be-wẽeneg la bãmb wẽenda.

Zeremi 5:7

Sẽn-Ka-Saab yetame: «Zeruzalɛm nebã, bõn-kãng yĩng la m na n kõ-y sugr bɩ? Yãmb kambã basa maam, n wẽend ne bõn-zaals sẽn ka Wẽnnaam ye. Mam dag n kõo bãmb bũmb fãa tɩ seke, la bãmb baas n maana yoobo. Bãmb wẽdgda taab pʋg-yoaadb rotẽ.

Zeremi 7:10

n yaool n wat n yas mam taoor do-kãngã mam yʋʋrã sẽn be-a pʋgẽ wã pʋg n maand yel-be-kãensã, n yetẽ tɩ yãmb paama fãagre?

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Zeremi 8:2

n dʋʋg wĩndgã ne kiuugã la yĩngr ãdsã bãmb sẽn dag n nong la b waoogdẽ la b pʋgd la b baoodẽ la b wõgemded b taoor n waoogd-bã vẽenemẽ. B ka na n naag-b taaba, la b ka na n mum-b me ye. B na n lebga birg tẽn-gãongã yĩnga.

A Ooze 10:2

Bãmb yaa yam a yiib rãmba. Moasã, bãmb kongrã na n luɩ b zugu. Sẽn-Ka-Saab na n wãa bãmb tẽn-kugã.

A Ooze 4:15

Israyɛll nebã, yãmb basa maam wa pag sẽn bas a sɩd n kẽng yoobo. La bɩ Zʋʋda nebã ra maan wa yãmba, n kong bʋʋm ye. Da kẽng-y Gilgall ye, ra kẽng-y Bet-Avɛn ye, la ra wẽen-y ne Sẽn-Ka-Saab sẽn vɩ wã yʋʋr ye!

A Amoose 5:26

La yãmb yaool n tʋkda a Sikut sẽn yaa y rĩmã ne a Kiyun sẽn yaa y Wẽn-naandgã ãdgã.

A Matiye Sõng 6:24

Ned ba a yembr ka tõe n sak zu-soben-dãmb a yiib ye. Bala, a na n kisga a yembr la a nong a to wã, wala a loe a meng ne a yembr la a paoog a to wã. Yãmb ka tõe n sak Wẽnnaam la y sak arzegs me ye.

Tʋʋma 10:9

Vẽkembeoogo, bãmb sẽn waa n be sorẽ n kolgd Zope, sẽn zems wĩnto-sʋka, a Pɩyɛɛr dʋʋ roogã zug n na n pʋʋse.

Rom Dãmba 14:11

Bala, b gʋlsame tɩ: Zu-soabã yeelame tɩ b vɩɩme, tɩ rũmã fãa na n yĩgimda bãmb taoore, la tɩ zɛlma fãa na n kõo Wẽnnaam waoogre.

Yaoolem 10:20

Zoe-y Sẽn-Ka-Saab sẽn yaa yãmb Wẽnnaamã la y sak bãmb n gãd bãmba, la y wẽen ne bãmb yʋʋre.

Yaoolem 4:19

La yãmb sã n nak n ges yĩngr n yãnd kiuugã ne wĩndgã la ãdsã la bũmb nins fãa sẽn be yĩngrã, bɩ y gũus t'a ra wa yɩ makr ne yãmb tɩ y wõgemd n waoog bãmb ye. Sẽn-Ka-Saab sẽn yaa yãmb Wẽnnaamã kõo dũniyã nebã fãa bõn-kãense.

Zozuwe 23:7

la y ra naag buud a taabã sẽn ket n be ne yãmbã ye. Da sak-y n pʋd-y bãmb wẽnnaam-dãmbã yʋy y sʋka, la y ra saag n wẽen ne-ba, la y ra waoog-b ye. La y ra saag n wõgemd b wẽnnaam-dãmbã taoor ye.