Sofoni 1:4 - WẼNNAAM SEBRE 2014

⁴ Mam na n tẽega m nugã n sɩbg Zʋʋda ne Zeruzalɛm nebã, la m na n menesa bũmb ning sẽn ket zĩ-kãngã pʋgẽ, n yaa wẽn-naandg a Baall dẽndã, la m menes a Baall tʋmtʋmdbã sẽn yaa a maan-kʋʋdbã.

SEBR SÕNGO

⁴ M na n zẽka m nugu n zab ne Zerizalɛɛm kẽedba fãa, ne Zɩɩda neba fãa. M na n yiisa Zɩɩda tẽn-peelmẽ bũmb ning fãa sẽn ket n wẽnd a Baal waoogre. M kõn le sak tɩ b tẽeg a maan-kʋʋdba meng yell ye.

Sofoni 1:4 Iomraidhean Croise

2 Rĩm-dãmba 21:13

Mam na n sãama Zeruzalɛm wa m sẽn sãam Samaari tẽngã, la m sarm-a wa m sẽn sarem a Akaab roogã. Mam na n nedga Zeruzalɛm wa ned sẽn nedgd wamd n fõgne.

2 Rĩm-dãmba 23:12

Rĩmã wãa tẽn-kug nins Zʋʋda rĩm-dãmbã sẽn dag n maan n ning a Akaaz gãosgã zugã ne rĩm a Manaase sẽn maan tẽn-kug nins n ning Sẽn-Ka-Saab roogã zags a yiibã pʋsã. Rĩmã sẽn wã bãmb n sɛ, a wʋka b tomã n tɩ lob Sedrõ tãn-longã pʋga.

2 Kibayã 34:4

La b wãa Baall tẽn-kugã yẽnda nifẽ, la yẽnda kɩtame tɩ b wã wisd laasã sẽn dag n be b zutã, la a wã a Aseera ra-lugdsã, la wẽn-naandsã ne bõn-naandgã b sẽn yõgã, n neem-b n kɩt tɩ b lebg zom n wʋk b tomã n tɩ lob neb nins sẽn dag n maand maoong b zutã yaad zugu.

Yikri 15:12

Yãmb tẽega y rɩtg nugã, la tẽngã vela bãmba.

Zeremi 15:6

Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

Zeremi 6:12

Mam sã n wa tẽeg m nugã n sɩbg tẽngã nebã, bãmb dotã ne b pʋtã la b pagb na n lebga neb a taab rẽnda. Maam a Sẽn-Ka-Saab n yeele.

Ezekiyɛl 25:7

Bõn-kãng yĩnga, bãng-y tɩ mam na n wilga yãmb m pãngã. Mam na n basame tɩ bu-zẽmsã fã yãmba. Mam na n yiisa yãmb buud a taabã sʋka, mam na n menesa yãmb tẽms pʋse, mam na n sãama yãmba. Woto, yãmb na bãng tɩ mam yaa Sẽn-Ka-Saabo.»

Ezekiyɛl 6:14

Mam na n tẽega m nug n zab ne bãmb n kɩt tɩ tẽngã lebg vɩʋʋgo, la a na n yɩɩ zĩ-vɩʋʋg n yɩɩd Dibla we-raoogã, zĩis nins fãa bãmb sẽn be wã pʋgẽ. Woto, bãmb na bãng tɩ mam yaa Sẽn-Ka-Saabo.»

A Ooze 10:5

Samaari nebã na n zoee rabeem Bet-Avɛn nag-sadsã poorẽ. Nebã na n yãb n kaasa a yĩnga. La maan-kʋʋdb nins sẽn waoogd-a wã na n diga ne rabeem a yĩnga, la a ziirã sẽn na n yi n bas-a wã yĩnga.

A Miise 5:13

Mam na n vigsa a Aseera ra-lugdsã, la m sãam y tẽmsã.

Sofoni 2:11

Sẽn-Ka-Saab ka na n zoe bãmb nimbãaneg ye, bãmb na n sãama dũniyã fãa wẽnnaam-dãmbã, la buud toay-toayã tẽms nins fãa koom sẽn gũbgã neb na n pa b sẽn beẽ wã n wõgemd n waoog Sẽn-Ka-Saabo.»

Sofoni 2:13

Sẽn-Ka-Saab na n tẽega b nugã n tees rɩtg kɩrengã la b na n menesa Asiiri tẽngã, bãmb na n sãama Niniiv tẽngã, la tẽngã na n lebga koɛɛng wa raoogo.