Sofoni 1:3 - WẼNNAAM SEBRE 2014

³ Mam na n sãama ninsaalbã ne rũmsã fãa, la m sãam liuuli wã sẽn yɩgd yĩngrã fãa, ne zĩmã sẽn be ko-kãsengã pʋgã, mam na n sãama nin-wẽnsã ne b tʋʋm-beedã fãa, la m menes ninsaalbã fãa dũniyã zugu. Yaa maam a Sẽn-Ka-Saab n yeele!»

SEBR SÕNGO

³ M na n menesa neba la rũmsi, m na n menesa yĩngr luiila la mogr zĩifu, m na n luba nin-wẽnse, la m na n yiisa ninsaalba tẽnga zugu.» Soaala n yeele.

Sofoni 1:3 Iomraidhean Croise

Sɩngrẽ 6:7

Sẽn-Ka-Saab yeelame: «Mam na n menesa ninsaal mam sẽn maanã dũniyã zugu, la yaa sẽn sɩng ne ninsaal n tall n tɩ tãag rũmsã ne bõn-bãoonegã, la ne bõn-yɩgdɩ wã sẽn yɩgd yĩngrã. Bala, mam sũurã sãama ne mam sẽn naan bãmbã.»

A Ezayi 27:9

Yaa woto n na n kɩt t'a Zakoob yagensã paam b kongrã sugri. Ad b sẽn na n paam b yel-wẽnã sugrã sẽn na n wa ne bũmb ninga: Sẽn-Ka-Saab na n kɩtame tɩ tẽn-kugã kug fãa lebg zom wa b sẽn wer goore. Aseera ra-lugdsã ne wisd yõogr zĩisã ka na n leb n yals ye.

A Ezayi 6:11

La mam sokame yaa: «Zu-soaba, na n yɩɩ a woto hal tɩ ta dabʋre?» Bãmb leoka maam yaa: Hal tɩ ta wakat ning b sẽn na n sãam tẽmsã tɩ neb ka leb n be b pʋsẽ, la b sẽn na n sãam dotã tɩ neb ka leb n be b pʋsẽ, la b sẽn na n sãam tẽn-gãongã t'a lebg zĩ-vɩʋʋgã,

A Ezayi 6:12

hal tɩ ta wakat ning Sẽn-Ka-Saab sẽn na n kɩt tɩ nebã zãag zĩiga, n bas tẽngã zãngã.

Zeremi 12:4

Warã na n zĩnda tẽngã pʋg hal tɩ ta dabʋre? Pʋtã mood na n kʋɩta a woto hal tɩ ta dabʋre? Rũmsã ne bõn-yɩgdɩ wã kiime, tẽn-kãng nebã sẽn maan wẽng n yeel tɩ Wẽnnaam ka na n yãnd b manesmã yĩnga.

Zeremi 50:3

Bala, buud n yit wĩndg sẽn lʋɩtẽ dɩtgo, n wat n na n zab ne Babilonde. B na n kɩtame t'a lebg zĩ-vɩʋʋgo, tɩ ninsaal bɩ rũng ra leb n zĩnd a pʋgẽ ye. Bala, b fãa loogame.

Zeremi 7:20

Bõn-kãng yĩng kɩtame tɩ maam a Sẽn-Ka-Saab sẽn yaa Zu-soabã yetẽ: «Ade, mam sũ-puug-kãsengã na n siga zĩ-kãngã zugu, la a sig nebã ne rũmsã, la tɩɩsã ne pʋtã la tẽngã bɩle zugu. A na n dɩɩ wa bugum sẽn ka kiida.»

Zeremi 9:10

Mam na n kɩtame tɩ Zeruzalɛm lebg kug-rʋre, la we-baas yiri. Mam na n kɩtame tɩ Zʋʋda tẽmsã lebg zĩ-vɩɩdo, tɩ ned ka leb n zĩnd beenẽ yɛs ye.

Ezekiyɛl 44:12

Bãmb sẽn maan maand n kõ wẽn-naandsã, n yɩ kug-lakdg Israyɛll buudã yĩngã, b sẽn wa ne kongrã yĩnga, maam a Zu-soab a Sẽn-Ka-Saab zẽkda m nug n wẽend n yetẽ tɩ bãmb kongrã taal na n lʋɩ b zugu.

Ezekiyɛl 7:19

Bãmb na n loba b wanzuri wã soayã zutu, la bãmb sãnemã na n yɩɩ bõn-dẽgdo, la b wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Bãmb wanzuri wã ne b sãnemã ka tõe n dɩk n ning b noorẽ, la b ka tõe n pids bãmb pʋs me ye. Bala, yaa bõn-kãens n yɩ bãmb kug-lakdga, la yaa bõn-kãens n wa ne b kongrã.

A Ooze 14:3

Segl-y goam n lebg n wa Sẽn-Ka-Saab nengẽ, n yeel-y bãmb yaa: Kõ-y-d sugr d beegrã fãa yĩnga. La y reeg bõn-sõamyã nins tõnd sẽn kõt yãmbã. Tõnd na n kõo yãmb la d pẽg yãmba.

A Ooze 14:8

Neb nins sẽn zĩ a maasmẽ wã na n lebg n waame. B na n kɩtame tɩ b wom biisi. La b na n toba wa reezẽ tɩɩse. B yʋʋrã na n yii wa Libã tɩɩsã.

A Ooze 4:3

Woto n kɩte, tɩ sũ-sãang na n kẽ tẽngã. Tẽngã nebã ne we-rũmsã, la yĩngr liuuli wã, hal baa ne zĩmã sẽn be ko-kãsengã pʋgẽ wã na n sãamame.

Zakari 13:2

Saasẽ-Pãng-Soabã yetame: «Badaare, mam na n yiisa wẽn-naandsã yʋy tẽngã pʋga, la b kõn tol n leb n tẽeg bãmb yell ye. La m na n yiisa no-rɛɛsdbã me tẽngã pʋga, ne b rẽgdã sɩɩgã.

A Matiye Sõng 13:41

Ninsaal Bi-riblã na n tʋma bãmb malegsã tɩ b yãgs kug-lakdsã fãa ne neb nins sẽn maand‑b wẽngã n yiis-b bãmb soolmẽ wã.

A Matiye Sõng 23:39

Bala, mam yeta yãmb tɩ yãmb ka na n leb n yãnd maam yɛs hal tɩ ta wakat ning yãmb sẽn na n yeele: «Bark bee soab ning sẽn wat ne Zu-soabã yʋʋrã zugu.»

Vẽnegre 2:14

La mam tara yell bilf ne yãmba. Yaa tɩ neb n be yãmb sʋkã n tũud a Balaam zãmsgã. Yẽnda ra zãmsa a Balak t'a maan bẽdg n kɩt t'a Israyɛll yagensã rɩ wẽnd-naands maand nemdo, la b maan yoobo, tɩ rẽ lub-ba.