Sofoni 1:13 - WẼNNAAM SEBRE 2014

¹³ B na n zɛɛ bãmb paoongã, la b sãam b rotã, bãmb meta roto, la b ka na n kẽ b pʋsẽ ye, bãmb senda reezẽ tɩɩse, la b ka na n yũ b reezẽ rãamã ye.»

SEBR SÕNGO

¹³ Bɩ b bãng tɩ b arzɛk na n lʋɩɩ fãadb nusẽ, tɩ b rot sẽege; b mee roto la b kõn kẽ ye, b sela bugsuntungu la b kõn yũ b rãam ye.

Sofoni 1:13 Iomraidhean Croise

A Ezayi 6:11

La mam sokame yaa: «Zu-soaba, na n yɩɩ a woto hal tɩ ta dabʋre?» Bãmb leoka maam yaa: Hal tɩ ta wakat ning b sẽn na n sãam tẽmsã tɩ neb ka leb n be b pʋsẽ, la b sẽn na n sãam dotã tɩ neb ka leb n be b pʋsẽ, la b sẽn na n sãam tẽn-gãongã t'a lebg zĩ-vɩʋʋgã,

Zeremi 15:13

Mam na n kɩtame tɩ b fã yãmb arzegsã ne y paoongã, tɩ yɩ yaood yel-wẽn nins fãa yãmb sẽn maan y soolmã fãa pʋgẽ wã yĩnga.

Zeremi 17:3

Mam na n kɩtame tɩ b wʋk y arzegsã ne y paoongã, y yel-wẽn nins yãmb sẽn maan y tẽngã fãa pʋgẽ wã yĩnga.

Zeremi 4:20

Bãmb gomda sãoong woo sãoong yell bala! Tẽngã fãa sãam n sɛɛme! B na n sãama d sik zĩisã wakat-yɛnga, b na n sãama d fu-rotã nif kamsg pʋgẽ.

Zeremi 4:7

Gɩgemd fão n yi a gãagẽ, sẽn sãamd-a soolem-dãmbã yi a zĩigẽ n watẽ. A na n sãama y tẽngã, a na n kɩtame tɩ y tẽmsã lebg raboodo. Ned ka na n tol n leb n zĩnd b pʋsẽ ye.› »

Zeremi 5:17

Bãmb na n dɩ y koodã ne y rɩɩbã. Bãmb na n sãama y kambã ne y piisã la y niigã. B na n dɩ y reezẽ tɩɩsã ne y kankamsã fãa. B na n sãama y tẽms nins y sẽn teegã, y tẽms nins sẽn gũbg ne lalsã.»

Zeremi 9:11

Ãnda soab n tar yam n tõe wʋm bõn-kãensã võore? Bɩ Sẽn-Ka-Saab sẽn kõ ned ning bõn-kãens bilgrã togse. Bõe yĩng tɩ tẽngã sãame, n lebg wa we-raoog sẽn dɩ bugum tɩ ned ka leb n tũud be n loogdẽ?

Zeremi 9:19

Pagba, kelg-y Sẽn-Ka-Saab goamã. Wʋm-y bũmb nins bãmb sẽn yetã! Zãms-y y kom-pugli yãbre, la y zãms y pʋg-taabã wiisgu.

Kʋʋr yɩɩla 5:2

B rɩka tõnd pʋɩɩrã n kõ sãambã, tõnd sẽn ka mi-b rãmbã reega tõnd yiyã n sooge.

Ezekiyɛl 22:31

Mam sikda m sũ-yikrã bãmb zugu, mam menesda bãmb ne m sũ-puugrã bugum. Mam na n kɩtame tɩ b yel-manesmã taal lebg n lʋɩ b zugu. Maam a Zu-soab a Sẽn-Ka-Saab n yeele.»

Ezekiyɛl 7:19

Bãmb na n loba b wanzuri wã soayã zutu, la bãmb sãnemã na n yɩɩ bõn-dẽgdo, la b wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Bãmb wanzuri wã ne b sãnemã ka tõe n dɩk n ning b noorẽ, la b ka tõe n pids bãmb pʋs me ye. Bala, yaa bõn-kãens n yɩ bãmb kug-lakdga, la yaa bõn-kãens n wa ne b kongrã.

Ezekiyɛl 7:21

Mam na n kɩtame tɩ sãamb wa fã-ba, la m bas tɩ b lebg tẽngã nin-wẽns laogo, tɩ b tõe n dẽgem-ba.

Ezekiyɛl 7:24

Mam na n kɩtame tɩ buud nins sẽn yaa wẽns n yɩɩd buud a taabã wa reeg b yiyã n sooge. Mam na n kɩtame tɩ pãens-rãmbã wuk-m-meng sɛ, la b na n dẽgma bãmb zĩ-sõama wã.

A Amoose 5:11

Yãmb taba naong soab ne y nao, n deeg a ki ne pãnga. Yãmb mee rot ne kug-peesdse, la y ka na n kẽ b pʋsẽ ye. Yãmb sela reezẽ tɩɩs sẽn yaa sõama, la y ka na n yũ b reezẽ rãam ye.

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.

A Miise 6:15

Yãmb na n bʋdame, la y kõn kẽeb ye, y na n wõda oliiv kaam, la y kõn paam-a n zɛ ye, y na n wẽka reezẽ biis koom, la kõn yũ a reezẽ rãamã ye.

Sofoni 1:9

Badaare, mam na n sɩbga neb nins sẽn gãndgd Wẽnd doogã rigno-koakã, la neb nins sẽn pidsd b soaalã roog ne wẽng la zãmbã.

Yaoolem 28:30

Fo na n belma pag tɩ ned a to reeg-a n gãande. Fo na n mee roogo, la f ka na n kẽ ye. Fo na n sela reezẽ tɩɩs f pʋʋgẽ, la f ka na n dɩ-a biis ye.

Yaoolem 28:39

Yãmb na n sela reezẽ tɩɩs n maneg-b n ko, la y ka na n paam reezẽ rãam n yũ, wall y rɩ b biis me ye. Bala, zũnzũiy na n dɩ-b lame.

Yaoolem 28:51

Bãmb na n dɩɩ yãmb rũmsã kamb ne y koodã hal tɩ yãmb sãame. Bãmb ka na n bas yãmb koodã, wall y rã-noodã, wall y kaamã ne y rũm-bɛdã, ne y rũm-bãoonegã kamb tɩ kelle, hal tɩ b wa kɩt tɩ yãmb sãame.