Sofoni 1:12 - WẼNNAAM SEBRE 2014

¹² Badaare, mam na n widga fɩtl n vɛɛs Zeruzalɛm, la m na n sɩbga neb nins sẽn zĩ-b bãane, n tagsdẽ tɩ Sẽn-Ka-Saab ka tõe n maan sõama bɩ wẽngã.

SEBR SÕNGO

¹² Baraare m na n widga fitila, m na n vɛɛsa Zerizalɛɛm m na n zaba ne neb niyns sẽn gãe ne bãane, wala rãam sẽn dɩgle t'a rabɩlla tisgi, la b yet b sũurẽ: Soaala pa tõe fɩ, b pa tõe wẽng bɩ neer ye!

Sofoni 1:12 Iomraidhean Croise

A. Zoobe 21:15

Pãng-Soabã yaa ãnda tɩ d na n waoogd-ba? Tõnd sã n pʋʋsd-ba, bõe nafr n be beenẽ?»

Yɩɩn‑sõamyã 10:4

Nin-wẽng wukda a meng n yetẽ: «Wẽnnaam ka sokd ned a sẽn maan ye!» Yẽnda tagsgã fãa pʋgẽ, a yetame: «Wẽnnaam ka be ye.»

Yɩɩn‑sõamyã 14:1

A Davɩɩd yɩɩlle, yɩɩlã naab yĩnga. Yalem yeta a sũurẽ tɩ Wẽnnaam ka be ye. Bãmb tʋmda tʋʋm-põaasa, la b maand tʋʋm-beedo. Ned ba a yembr ka be n maand neer ye.

Yɩɩn‑sõamyã 94:7

Bãmb yetame: Sẽn-Ka-Saab ka ne bũmb ye. A Zakoob Wẽnnaamã ka mi ye!

A Ezayi 5:19

Bãmb yetame: «Bɩ Israyɛll Pʋ-Peelem-Soabã maan b tʋʋmdã tao-tao tɩ tõnd yãnde! Bɩ saagr ning bãmb sẽn saagdã paam pidsg tɩ tõnd bãnge!»

Zeremi 10:5

Bõn-naands-kãens yaa wa b sẽn dɩk zug peoog n fõgen da-giuug pʋʋg pʋgẽ. Bãmb ka gomd ye. Yaa tɩlɛ tɩ b zãad-ba, b sẽn ka tõe n kẽn b toorã yĩnga. Ra zoe-y bãmb ye. Bala, bãmb ka tõe n maan wẽng bɩ neer ye.

Zeremi 48:11

Sẽn-Ka-Saab yeelame: Hal Moaab nebã yãadem wakate, b rag n zĩi ne bãane, tɩ b rag nan ka tall bãmb n kẽng yembd ye. B rag n yaa wa reezẽ rãam b sẽn bas t'a tisgi. B ka ning-a teoog a to pʋgẽ, la a noorã ne a yũugã me ka tek ye.

Ezekiyɛl 8:12

Bãmb leb n yeela maam yaa: «Ninsaala, fo nee Israyɛll buudã kãsem-dãmb sẽn be lik pʋgẽ n maand bũmb ninsã bɩ? Bãmb ned kam fãa roog pida ne wẽn-naandse.» Bãmb yetame: «Sẽn-Ka-Saab ka ne tõnd ye. Sẽn-Ka-Saab basa tẽngã!»

Ezekiyɛl 9:4

Sẽn-Ka-Saab yeela yẽnda yaa: «Saag tẽngã pʋga, saag Zeruzalɛm tẽnga pʋga, n ning neb nins fãa sẽn wẽed sir la b wõosd tʋʋm-beed nins fãa sẽn maand tẽngã pʋgã yĩngã dĩir bãnde.»

Ezekiyɛl 9:9

Bãmb leoka maam n yeel yaa: «Israyɛll ne Zʋʋda buudã kongr yaa kãseng tɩ looge. Tẽngã pida ne zɩɩm daagre, la zãmbo, bala, bãmb yetame tɩ Sẽn-Ka-Saab basa tẽngã, la Sẽn-Ka-Saab ka ne baa fɩ ye.

A Amoose 6:1

Sẽn vɩ-b Sɩyõ tẽngã pʋg ne bãanã na n paama toogo! Sẽn be-b Samaari tãngã zug tɩ b sũur keemẽ wã, ne tẽn-kãsengã nin-kãsems Israyɛll nebã sẽn kẽnd-b rãmb nengẽ wã na n paama toogo!

A abdiyas 1:6

B vɛɛsa a Ezayu yagensã! B zũndga yẽnda arzegsã!

Malasi 2:17

Sẽn-Ka-Saab yam yii ne yãmb goamã, la yãmb sokdame: «D maana bõe tɩ b yam yi-du?» Yãmb yetame tɩ ned ning fãa sẽn maand wẽng tata Sẽn-Ka-Saab yam. La y leb n yetẽ tɩ yaa ned a woto buud n noogd bãmb sũuri! Wall y sokdẽ: «Wẽnnaam ning sẽn kaood bʋʋdã bee yɛɛnẽ?»

2 Pɩyɛɛr 3:4

La b na n yeelame yaa: «Bãmb sẽn da kãab tɩ b na n lebg n waame wã, b bɛɛ?»

Vẽnegre 2:23

Mam na n kɩtame tɩ kũum kʋ a kambã, la wẽnd-dotã fãa na n bãngame tɩ mam yaa soab ning sẽn feesd tagsd la sũyã, la mam na n yaoo yãmb ned kam fãa wa sẽn zems a tʋʋmã.