Sofoni 1:10 - WẼNNAAM SEBRE 2014

¹⁰ Maam a Sẽn-Ka-Saab yetame: «Badaare, b na n wʋma kelems sẽn yit dignoor ning b sẽn boond tɩ Zĩm Dignoorã sẽnẽ, la b wʋm wiisg sẽn yit Sag-paallã pʋgẽ, ne bʋr-kãseng sẽn yit tãmsã sẽnẽ.

SEBR SÕNGO

¹⁰ Maam n le yete, maam, Naaba-Wẽnde, tɩ m maoonga raare, Zerizalɛɛm dãmb na wʋm kɛleng, Zĩma rignoorẽ. Kũmkũm na sãd Kẽedpaalgo la tãmsa na wulumd ne bʋ-raase.

Sofoni 1:10 Iomraidhean Croise

2 Sãmwɛlle 5:7

La baoosgo, a Davɩɩd zab n deega Sɩyõ tẽngã pãng zĩiga. Yaa be la b sẽn boond t'a Davɩɩd tẽngã.

2 Sãmwɛlle 5:9

A Davɩɩd zĩnda tẽn-kãng sẽn yaa pãngã zĩigã, la a pʋd-a tẽngã yʋʋr t'a Davɩɩd tẽnga. Yẽnda mee lalg Milo n tɩ yek a zakã.

2 Rĩm-dãmba 22:14

Maan-kʋʋd a Hilkiiza ne a Ayikam la a Akboor ne a Safãn n paas a Aaza kẽnga Wẽnnaam no-rɛɛs-poak a Ulda nengẽ. A Ulda rag n yaa a Haraas biig a Tikva biig a Salum sẽn yaa fut bĩngdã paga. Pʋg-kãng rag n bee Zeruzalɛm tẽngã sag-paallã pʋga. La bãmb dɩka koɛɛgã n togs a Ulda.

2 Kibayã 3:1

A Salmo sɩnga Sẽn-Ka-Saab roogã meeb Zeruzalɛm, Moriiza tãngã zugu, Zebu raoa a Orma zɛɛgẽ wã, zĩig ning yẽnda ba a Davɩɩd sẽn dag n seglã. Yaa zĩ-kãng la Sẽn-Ka-Saab Malɛɛkã sẽn da vẽneg a meng ne a Davɩɩde.

2 Kibayã 32:22

Yaa woto la Sẽn-Ka-Saab fãag dĩm a Ezekɩyaas la Zeruzalɛm dãmba, Asiiri dĩmã a Senakeriib nugẽ, la b bɛɛb a taabã me nugẽ. Sẽn-Ka-Saabã kɩtame t'a Ezekɩyaas paam laafɩ a soolmã kɩrems fãa pʋsẽ.

2 Kibayã 33:14

Dẽ poore, a Manaase mee lalg a Davɩɩd tẽngã yɩnga. Lalgã sɩnga Giyon bulgã nin-taoorã, Sedrõ ko-soogẽ wã, hal n tɩ ta dignoor ning b sẽn boond tɩ zĩm dignoorã. Lalgã ra gũbga Ofɛll tãngã, la a ra n mea lame n zẽke. N ning tãnsoben-dãmba Zʋʋda tẽms nins fãa sẽn me n gũbg lalsã pʋsẽ.

2 Kibayã 34:22

Maan-kʋʋd a Hilkiiza ne rĩmã sẽn yãk b rãmbã kẽnga a Hasra biig a Tokhat biig a Salum sẽn yaa fu-bĩngdã pag a Ulda sẽn yaa Wẽnnaam no-rɛɛsã nengẽ. Pʋg-kãng dag n bee Zeruzalɛm tẽngã sag-paall a yembr pʋga. Bãmb sẽn togs pagã n sɛ,

A Neemi 12:39

Dẽ, tõnd kell n kẽng n looga Efrayiim noorã zugẽ, n tɩ ta Yesana noorã ne zĩm noorã. La tõnd looga a Hananeyɛll gãosgã ne neb koabg gãosgã, n loog piisã noore. La tõnd tɩ yalsa gũudbã noore.

A Neemi 3:3

A Sena yagensã n me tẽngã noor ning b sẽn boond tɩ zĩm dignoorã. Bãmb ninga a ra-paadsã n sɛ, la b ning a kʋɩlengã, n lugl a ra-lugdsã, la b ning a kʋɩlen-kuyã.

A Ezayi 59:11

Tõnd fãa kaasda wa rigd-n-yĩidsi, tõnd wũusda wa manwala. Tõnd dag n gũuda zemsgo, la d ka paam fɩ. Tõnd dag n data fãagre, la a zãaga ne tõndo!

Zeremi 39:2

La a Sedesiyaas sẽn deeg naam tɩ yʋʋm piig la a yembrẽ, yʋʋmdã kiuug a naasẽ soabã rasem a wɛ daare, Babilond nebã pooga tẽngã lalga.

Zeremi 4:31

Mam wʋmda kelems sẽn wẽnd pag sẽn kũmd dogem kelemse. Yaa kelems sẽn wẽnd pag sẽn kũmd a pʋg-sadem dogem kelemse. Yaa Sɩyõ tẽn-neerã koɛɛga. A tẽega a nus n yãbd n sesd n yetẽ: «Toog paam maam! M lʋɩɩ nin-kʋʋdb nusẽ!»

Ezekiyɛl 6:13

Dẽ, kũumã sã n wa rʋr bãmb wẽn-naandsã sʋka, n gilg b tẽn-kugã, n be b kunkubã ne tãmsã zutu, ne b tɩɩs sẽn tar maasmã tẽngre, la b tɩ-bɛdã sẽn yaa bĩmm wã tẽngre, zĩig ning bãmb sẽn yõogd kũun sẽn tar yũ-noog b wẽn-naandsã fãa yĩngã, b na yaool n bãng tɩ mam yaa Sẽn-Ka-Saabo.

A Amoose 8:3

Badaare, na-yirã pʋgẽ yɩɩlã na n lebga wiisgu. Maam a Zu-soab a Wẽnnaam n yeele. B na n zama kũumã zĩig fãa. B ka na n leb n wʋm bʋrg ye.

Sofoni 1:15

Daarã na n yɩɩ sũ-puugr daare, a na n yɩɩ toog la yel-pakr daare, namsg la sãoong daare, yaa lik la lik bida daare, sawad-taok la lik tuu daare.

Sofoni 1:7

Sĩnd-y sɩɩ Wẽnnaam Sẽn-Ka-Saabã taoore, bala, bãmb daarã kolgame! Sẽn-Ka-Saab seglame n na n maan maoongo, la bãmb welga neb nins bãmb sẽn boolã toore.