Sõadga 9:15 - WẼNNAAM SEBRE 2014

¹⁵ Daar ning b sẽn ti sɛk roogã n sɛ wã, sawad-taok n wa n lud sɛk roogã zĩig ning kaoolã koglgã sẽn be a pʋgẽ wã. La zĩigã sã n sobge, sawaodgã lebgda vẽenem hal tɩ beoogã vẽege.

SEBR SÕNGO

¹⁵ Sɛka rooga tiib raare, sawadg sablga n waa n lud-a. Zĩig sã n sobge, a ra bee sɛka roog zugu n tãoosd vẽenem tɩ beoog vẽege.

Sõadga 9:15 Iomraidhean Croise

A Neemi 9:12

La wĩndga, yãmb tɛta y nebã ne sawaodgo, la yʋngo, yãmb tɛt-b-la ne bug-witim sẽn vẽnegd bãmb sorã.

A Neemi 9:19

Yãmb nonglmã sẽn yaa wʋsgã yĩnga, yãmb ka bas bãmb we-raoogã pʋg ye. La sawaodgã ka bas bãmb yãagr wĩndg ye, la yʋngo, bug-witmã kell n yãaga bãmb sorã zug tɩ b kẽnda.

Yɩɩn‑sõamyã 105:39

Sẽn-Ka-Saab yɛdga sawadg n lud Israyɛll nebã, la yʋngo, sawadgã wita bugum n kõt vẽenem.

Yɩɩn‑sõamyã 78:14

Wĩndga, Wẽnnaam dag n yãagda bãmb ne sawaodgo, la yʋngã tõre, b rag n yãagd-b-la ne bugum vẽenem.

Yikri 13:21

Sẽn-Ka-Saab rag lʋɩta bãmb taoor sawad-taok pʋgẽ wĩntoogo, n yãagd bãmb sorã zugu. La yʋngo, sawad-taokã lebgda bugum n kõt bãmb vẽenem, tɩ b tõe n kẽnd wĩntoog ne yʋngo.

Yikri 13:22

La sawad-taokã rag n ka sergd n bas nebã wĩntoogo, la bugmã me ka basd bãmb yʋng me ye.

Yikri 14:24

Beoogã vẽegr wakate, Sẽn-Ka-Saab sẽn be sawad-taokã pʋgẽ wã sulgame n ges Ezɩpt rãmba. La bãmb kɩtame tɩ rãmbg zĩnd Ezɩpt rãmbã sʋka.

Yikri 40:2

«Pipi kiuugã pipi daare, bɩ f tilg fu-roogã sẽn yaa sɛk roogã.

Yikri 40:34

A Moyiis sẽn maan woto n sɛ, sawaodg waa n luda sɛk roogã, la Sẽn-Ka-Saab ziirã pida sɛk zĩigã.

Yikri 40:35

A Moyiis rag n ka tõe n kẽ sɛk roogã pʋgẽ ye. Bala, sawaodgã be a zugu, la Sẽn-Ka-Saab ziir pida sɛk zĩigã.

Yikri 40:38

Bala, Sẽn-Ka-Saab sawaodgã paada sɛk roogã zug wĩntoog ne yʋngo. La yʋngo, sawaodgã tara bugum tɩ Israyɛll buudã fãa neẽ, hal n tãag b yalsgã zĩis fãa.

A Ezayi 4:5

Sẽn-Ka-Saab na n maana sawaodg ne bug-zõos t'a yɛdg n pid Sɩyõ tãngã zĩig fãa, n zĩnd b nebã tigind zut wĩndga, n yɩ bugum sẽn wit n kõt vẽenem yʋngo. Bala, Sẽn-Ka-Saab belmã na n yɩɩ wa zãnd n zĩnd bũmbã fãa zugu.

Sõadga 10:34

La wĩndga, bãmb sã wa yik n loogdẽ, Sẽn-Ka-Saab sawad-taokã lut-b-la ne a maasmã.

Sõadga 14:14

La bãmb dɩka bõn-kãng n togs tẽn-kãngã nebã, tɩ bãmb miẽ tɩ yãmb a Sẽn-Ka-Saab bee y nebã sʋka. La yãmb pukda y meng ne y nebã vẽeneg-vẽenega. La b wʋmame me tɩ yãmb gũuda y nebã, la y lʋɩta bãmb taoor n kẽnda. Wĩndga, yaa sawad-taok pʋg la y be. La yʋngo, y bee bug-witim pʋgẽ.

Sõadga 17:7

Israyɛll nebã tɩ gũbga a Moyiis ne a Aarõ, n na n zab ne-ba. La a Moyiis ne a Aarõ sẽn wẽnemd b nens n tees sɛk roogã sẽnẽ, b yãame tɩ sawad-taok n lud sɛk roogã, la Sẽn-Ka-Saab ziirã pukame.

1 Korẽnt rãmba 10:1

M ba-biisi, mam ka rat tɩ yãmb zɩ yel-kãngã ye. Tõnd ba-rãmba fãa zĩnda sawadgã tẽngre, b fãa pɩʋʋga ko-kãsengã pʋga,

Yaoolem 1:33

Yaool n yaa bãmb n dag n lʋɩt yãmb taoor sorã zugu, n na n bao sik zĩig n kõ-yã. La yʋngo, bãmb bee vẽenem pʋga, n na n wilg yãmb sor ning y sẽn tog n dɩkã, la wĩntoogo, bãmb bee sawad-taok pʋga.