Sõadga 9:14 - WẼNNAAM SEBRE 2014

¹⁴ La sãamb sã n be yãmb sʋkã n dat n maan Pak tigrã, b tõe n maaname. La yaa tɩ bãmb tog n tũu Pak tigrã tõod ne a rog-n-mikã. Tõ-kãngã na n yɩɩ bũmb a yembr nebã fãa yĩnga, sã n yaa sãana, wall Israyɛll buudã neda.»

SEBR SÕNGO

¹⁴ Ned sẽn nok yãmb buuda sã n dat n maan paka, a tũ b sẽn yeel fãa pak kibsa poorẽ. Pak kibsa noor yaa a ye, sãan wala tẽnga biig yĩnga.› »

Sõadga 9:14 Iomraidhean Croise

Esdras 6:21

Israyɛll neb nins sẽn yi yembdã pʋgẽ n lebg n wa wã naagame n dɩ Pak tigrã. La yaa ne neb nins fãa sẽn welg b mens ne bu-zẽmsã rẽgdã. La b lagma ne b saam-biisã n waoog Sẽn-Ka-Saab sẽn yaa Israyɛll Wẽnnaamã.

Yikri 12:43

Sẽn-Ka-Saab yeela a Moyiis ne a Aarõ yaa: «Ade, Pak tigrã no-tũudg la woto: ‹Sãan ba a yembr ka tar noor tɩ rɩ Pak tigrã rɩɩb ye.›

Yikri 12:47

Bɩ Israyɛll buudã neb fãa maan Pak tigrã.

Maan‑kʋʋre 19:10

Sẽn paas me, yãmb ka tog n tõs reezẽ-gĩnã sẽn pa wilẽ wã tigsgã poorã ye. La y ra lebg n wʋk reezẽ-bɛɛlã sẽn dʋʋgã ye. Bɩ y bas bõn-kãense, ninbãan-nebã ne sãambã yĩnga. Bala, mam yaa Sẽn-Ka-Saab sẽn yaa yãmb Wẽnnaam.

Maan‑kʋʋre 22:25

Baa sãan sã n wa ne rũng a woto buud bɩ y ra reeg-a tɩ yɩ rɩɩb kũun yãmb Wẽnnaamã yĩng ye. Bala, yaa rũng sẽn tar zanga, n ka sõama ye. Dẽ, Wẽnnaam ka na n sak n deeg yãmb kũun-kãng ye.»

Maan‑kʋʋre 24:22

Tõogã tog n yɩɩ a yembr nebã fãa yĩnga, sã n yaa sãana wall tẽng-n-neda. Bala, mam yaa Sẽn-Ka-Saab sẽn yaa yãmb Wẽnnaam.»

Maan‑kʋʋre 25:15

Yãmb sã n dat n da y saam-biig bũmbu, bɩ y sõd n bãng kɩdeng yʋʋmdã sẽn loog yʋʋm sõore. La a tog n sõda yʋʋm sõor sẽn ket tɩ kɩdengã yʋʋmd ta wã n yaool n koos ne foom.

Sõadga 15:15

Tõodã na n yɩɩ bũmb a yembr nebã fãa yĩnga, sã n yaa yãmb sẽn yaa Israyɛll nebã, wall sãamb nins sẽn be-b yãmb sʋkã. La no-tũudg sẽn ka sɛta, yãmb yagensã fãa yĩnga. Sẽn-Ka-Saab taoore, welgr ka be Israyɛll nebã ne sãambã sʋkã ye.

Sõadga 15:16

Tõodã ne noyã na n yɩɩ bũmb a yembre, yãmb Israyɛll nebã ne sãambã yĩnga.»

Yaoolem 29:11

n na n kẽ Sẽn-Ka-Saab sẽn yaa yãmb Wẽnnaamã kaoolã pʋgẽ ne wẽeneg ning bãmb sẽn wẽen n maan kaool ne yãmb dũndã wã,

Yaoolem 31:12

Tigm-y nebã fãa, raopa, pagba, kamba ne sãamb nins sẽn be y tẽmsã pʋsẽ wã tɩ b wʋme, la b zãms Sẽn-Ka-Saab sẽn yaa yãmb Wẽnnaamã zoeese, n gũus b mens n sak tõodã goamã fãa,