Sõadga 9:13 - WẼNNAAM SEBRE 2014

¹³ La ned sã n zãgs n ka maan Pak tigrã, n yaool n yaa yɩlemde, la a ka tog sor me, bɩ b yiis a soab Israyɛll buudã sʋka. Bala, yẽnda sẽn ka wa ne kũun n wa kõ Sẽn-Ka-Saab wa sẽn zems wakat ning b sẽn yãkã, yẽnda beegame.

SEBR SÕNGO

¹³ La yell sã n ka be ned zugu la a ka tog sore, t'a tõdg pak kibsa maanego, b yiisd-a-la buudẽ, a sẽn ka tall Soaala-Wẽnd kũuna n wa a wakatã. A na rɩ a yel-wẽnda taale.

Sõadga 9:13 Iomraidhean Croise

Sɩngrẽ 17:14

La ned ninga fãa sẽn ka kẽ-a bãongo, b na n yiisa a soabã a buudã sʋka, yẽnda sẽn ka sak mam kaoolã yĩnga.»

Yikri 12:15

Yãmb na n dɩɩ bur sẽn ka ning rã-bɩll dasem a yopoe tõre. La sẽn sɩng ne rasem a yopoe wã pipi daarã, bɩ y yiis rã-bɩllã y rotẽ wã. Ned ning sẽn na n dɩ-a bũmb sẽn ning rã-bɩlle, pipi daarã n tãag rasem a yopoe daarã, b na n yiis-a-la Israyɛll buudã neb sʋka.

Yikri 12:19

Rasem a yopoe tõre, b ka tog n yãnd rã-bɩll yãmb dotẽ wã ye. Bala, ned ning fãa sẽn na n dɩ-a bur sẽn ning rã-bɩlle, b na n yiisa a soab Israyɛll buudã neb sʋk n kʋ, sã n yaa sãana, wall tẽng-n-neda.

Yikri 12:47

Bɩ Israyɛll buudã neb fãa maan Pak tigrã.

Yikri 30:33

Ned sã n maan ka-kãngã buudu, wall ned sã n ning-a ned sẽn ka maan-kʋʋd zugu, bɩ b yiis-a a buud sʋk n kʋ.»

Yikri 30:38

Ned sã n maan wisd sẽn wẽnd a woto buudu, n na n kok a yũ-noogã, bɩ b yiis a soab a buudã sʋk n kʋ.»

Ezekiyɛl 23:49

La m na n kɩtame tɩ y yoobã sɩbgr sig y zugu, la y na n tʋka y wẽn-naandsã pʋʋsg sɩbgre. Mam yaa Zu-soab a Sẽn-Ka-Saabo, yaa maam n yeele.

Maan‑kʋʋre 17:10

«Israyɛll buudã neda, wall sãamb nins sẽn be bãmb sʋkã ned sã n dɩ zɩɩm, baa sẽn yaa bũmb ning zɩɩm, mam na n wẽnemda m neng n bas a soabã, a sẽn dɩ zɩɩmã yĩnga, la mam na n yiisa yẽnda a buudã sʋka.

Maan‑kʋʋre 17:4

n ka reng n tall-a n wa Sẽn-Ka-Saab sɛk roogã noor n wa rɩk-a n kõ Sẽn-Ka-Saabo, b na n soka a soabã, a sẽn daag zɩɩmã yĩnga. Yẽnda sẽn daag zɩɩmã yĩnga, b na n yiisa yẽnda a buudã sʋka.

Maan‑kʋʋre 20:20

Rao sã n kẽ ne a ba kẽem paga, bɩ a ba yao paga, bãmb yel-wẽndã taal na n zĩnda b meng zugu, la bãmb na n kiime n ka paam biig ye.

Maan‑kʋʋre 22:9

Bãmb tog n gũusa neer n sak mam tõogã n da wa paoog-a, tɩ yel-wẽnd lʋɩ b zug n kɩt tɩ b ki ye. Mam yaa Sẽn-Ka-Saab sẽn welg bãmb toore.

Maan‑kʋʋre 24:15

Ad fo sẽn na n yeel Israyɛll nebã to-to: ‹Ned sã n paoog a Wẽnnaamã, a yel-wẽndã taal na n zĩnda a meng zugu.

Sõadga 19:13

Ned sã n sɩɩs ninsaal kũum n yaool n ka yɩlg a menga, yẽnda soab rẽgemda maam a Sẽn-Ka-Saab sɛk zĩigã, la b na yiisa yẽnda Israyɛll buudã sʋka. Bala, b sẽn ka mes yẽnda ne yɩlgr koomã yĩnga, yẽnda ket n yaa rẽgdo.

Sõadga 19:20

La ned sẽn dẽgem sã n ka yɩlg a menga, b na n yiisa yẽnda Israyɛll buudã sʋka, tɩ bala, yẽnda rẽgemda Sẽn-Ka-Saab zĩ-sõngã. Bala, b sẽn ka mes yẽnda ne yɩlgr koomã yĩnga, yẽnda ket n yaa rẽgdo.

Sõadga 5:31

La sã n mikame tɩ pagã beegame, a beegrã sɩbgr na n lʋɩ a zugu, la b ka na n ning a sɩdã taal ye.

Sõadga 9:7

La bãmb yeela a Moyiis yaa: «Tõnd sɩɩsa kũum n dẽgem d mense, n ka leb n tar noor tɩ tall d kũunã n wa kõ Sẽn-Ka-Saabo, wa Israyɛll neb a taabã sẽn maandã ye. Dẽ wã, tõnd na n maana a wãna?»

Ebre rãmba 12:25

Maan-y gũusgu! Ra tõdg-y n ka kelg ned ning sẽn gomd-a ne yãmbã ye. Bala, neb nins sẽn tõdg n ka kelg a soab sẽn dag n keoogd bãmb tẽng zug ka wã sã n ka põse, tõnd n ka na n põs n yɩɩda, tõnd sã n tõdg n ka kelg ned ning sẽn be arzãn n keoogd tõndã.

Ebre rãmba 2:3

tõnd na n yɩ a wãn n põse, tõnd sã n maan yaal-yaal n ka ges fãagr sẽn yaa kãseng a woto wã yelle? Zu-soabã meng n deng n gom fãag-kãng yell a sɩngrã wakate, tɩ neb nins sẽn wʋm fãagrã yellã wilg tõnd t'a yaa sɩda.

Ebre rãmba 6:6

n yaool n lʋɩ wã, ned ka tõe tɩ b leb n kos sugr yɛs ye. Bãmb lebd n kaada Wẽnnaam Bi-riblã, n paoogd bãmb nebã taoore.

Ebre rãmba 9:28

woto me, Kiris sẽn kõ b meng vugr bal n na n tʋk neb wʋsg yel-wẽnã, b na n puka naoor a yiib soaba, la ka yel-wẽnã yĩng ye, la yaa neb nins sẽn gũud bãmb n na n paam fãagrã yĩnga.