Sõadga 8:12 - WẼNNAAM SEBRE 2014

¹² La Leevi buudã na n dɩka b nus n tik lulli a yiibã zutã. La bɩ foom a Aarõ rɩk lull a yembr n maan maoong yel-wẽnã sugr kũun yĩnga, la f rɩk a yembrã n maan maoong sẽn yõogd bugum, n yaool n maan b paoogã tʋʋmã Leevi buudã neb zugu, tɩ b tõe n paam b yel-wẽnã sugri.

SEBR SÕNGO

¹² Levitsa na n tẽega b nus lols a yiiba zutu tɩ fo reeg-ba n kõ Soaala-Wẽnde. A ye na n kʋʋ sugr kosg maoongo, t'a ye kʋ yũ-noog maoong. Dẽ poor marsã la a Aarõ maand a sẽn tog n maan tɩ Levitsa yɩlge.

Sõadga 8:12 Iomraidhean Croise

Yikri 29:10

Bɩ f tall lol-pollã n wa sɛk roogã noore, la bɩ a Aarõ ne a kom-dibli wã palg bãmb nus lol-pollã zugu.

Maan‑kʋʋre 1:4

La bɩ a rɩk a nug n palg rũngã zugu. Yaa rũng ning b sẽn na n tall n maan maoong sẽn yõogd bugum tɩ Sẽn-Ka-Saab reeg la b kõ-a sugrã.

Maan‑kʋʋre 14:22

La a wa ne wal a yiibu, wall man-wan-bi a yiib sẽn zems a pãnga, t'a yembrã yɩ maoong yel-wẽndã yĩnga, t'a to wã yɩ maoong sẽn yõogd bugmã yĩnga.

Maan‑kʋʋre 16:11

Bɩ a Aarõ wa ne loalg ning sẽn na n yɩ-a yel-wẽnã maoong yĩngã, n maan paoosg yẽnda ne a yirã rãmb yĩnga. Yẽnda tog n kodga loalgã a mengã yel-wẽnã yĩnga.

Maan‑kʋʋre 16:21

Bɩ a Aarõ rɩk a nus a yiibã n tik boe-vɩɩgã zugu, n vẽneg n togs Israyɛll nebã kongrã fãa ne b yel-beedã zãnga, ne b yel-wẽnã fãa tɩ sig boe-vɩɩgã zugu. Yẽnda sã n sik yel-bãmb boɛɛgã zug n sɛ, bɩ a rɩk-a n kɩs rao ning sẽn pẽ yẽnda sɛɛgẽ t'a rig-a n kẽes weoogo.

Maan‑kʋʋre 16:6

A Aarõ tog n baoo loalg n maan a mengã yel-wẽn maoongo, n maan paoosg yẽnda mengã ne a yirã rãmb yĩnga.

Maan‑kʋʋre 4:15

Bɩ Israyɛll nebã kãsem-dãmb kolg n dɩk b nus n palg loalgã zugã zug Sẽn-Ka-Saab taoore, la bɩ b kodg loalgã Sẽn-Ka-Saab taoore.

Maan‑kʋʋre 4:20

Bɩ yẽnda maan lol-kãng wa b sẽn maand kongr loalgã to-to wã. Yaa woto la maan-kʋʋdã na n maane, tɩ b paam yel-manegre, la b na n kõ-b-la b yel-wẽnã sugri.

Maan‑kʋʋre 4:35

Bɩ maan-kʋʋdã yãk kaamã zãng wa b sẽn yãkd zems-n-taar maoongã peosg kaamã to-to wã, n dɩk-a n dogl maoongã nemd zug tẽn-kugrã zugu, n yõog bugum Sẽn-Ka-Saab taoore. Yaa woto la maan-kʋʋdã na n maan n yiis ned ning sẽn kongã kongrã a sẽn dag n maana, la a na paama a kongrã sugri.»

Maan‑kʋʋre 4:4

Yẽnda tog n talla loalgã n wa sɛk roogã noore, Sẽn-Ka-Saab taoore. La a rɩk a nug n palg loalgã zugu, n kodg-a Sẽn-Ka-Saab taoore.

Maan‑kʋʋre 5:7

Yẽnda sã n ka tar pãn-tõog n tõe n da rũngã, bɩ a tall wal a yiibu, wall manwan-bi a yiib n wa Sẽn-Ka-Saab taoor n wa maan maoong a kongrã yĩnga. A yembr n tog n yɩ yẽnda kongrã sugr kũun yĩnga, la a to wã yaa maoong sẽn yõogd bugum.

Maan‑kʋʋre 8:14

A Moyiis kɩtame tɩ b kolg ne loalg ning b sẽn na n maan maoong yel-wẽnã yĩngã. Dẽ, a Aarõ ne a kom-dibli wã rɩka b nus n palg loalg ning sẽn na n maan maoong yel-wẽnã yĩngã zugã.

Maan‑kʋʋre 8:15

A Moyiis kodga loalgã, n dɩk a zɩɩmã, n tẽk ne nug-bil n ning tẽn-kugrã kũnã zĩigẽ, n gilg tẽn-kugrã n yɩlg-a. A Moyiis rɩka zɩɩmã n walg tẽn-kugrã kɩremsã n yɩlg-a.

Maan‑kʋʋre 8:18

La a Moyiis kɩtame tɩ b wa ne maoong sẽn yõogd bugmã pe-raoogã. A Aarõ ne a kom-dibli wã rɩka b nus n tik pe-raoogã zugu.

Maan‑kʋʋre 8:34

Bũmb ning sẽn maand rũndã wã, yaa Sẽn-Ka-Saab n yeel tɩ b maan-a yãmb yɩlgr yĩnga.

Maan‑kʋʋre 9:7

Rẽ zugẽ, a Moyiis yeela a Aarõ yaa: «Kolg tẽn-kugrã. Maan f maoongã yel-wẽnã sugr kũun yĩnga, la f maan f maoong sẽn yõogd bugmã, n yɩlg f menga, la f yɩlg nebã. Bɩ f rɩk nebã kũun me n kõ n yɩlg-ba, wa Sẽn-Ka-Saab sẽn yeelã.»

Sõadga 6:14

Dẽ, yẽnda tallda a kũunã, n wa kõ Sẽn-Ka-Saabo. Yẽnda tog n waa ne rũms a tãab sẽn ka tar zanga. Yaa yʋʋmd pe-ribla, maoong sẽn yõogd bugmã yĩnga, la yʋʋmd pe-sadga, yel-wẽnã sugr kũun maoong yĩnga, n paas ne pe-raoogo, zems-n-taar maoong yĩnga.

Sõadga 6:16

Dẽ, maan-kʋʋdã rɩkda kũun-kãensã fãa n wa maam a Sẽn-Ka-Saab taoore, n maan yel-wẽnã sugr kũun maoongã, ne maoong sẽn yõogd bugmã.

Sõadga 8:13

La bɩ foom a Moyiis kɩt tɩ Leevi buudã yals a Aarõ ne a kom-dibli wã taoore, tɩ f rɩk bãmb n kõ maam a Sẽn-Ka-Saabo.

Sõadga 8:8

Rẽ zugẽ, bɩ bãmb wa ne lulla, ne zom sẽn nag ne kaam, la bɩ fo mengã wa ne lull sẽn na n maan maoong yel-wẽnã sugr kũun yĩnga.

Ebre rãmba 9:22

Sã n yaa ne tõogã, yaa ne zɩɩm la sẽn kolg bũmbã fãa lebgd yɩlemde. La zɩɩm sã n ka raage, sugr ka be ye.