Sõadga 7:89 - WẼNNAAM SEBRE 2014

⁸⁹ A Moyiis sã n mi n kẽ sɛk roogã pʋgẽ n na n gom ne Sẽn-Ka-Saabo, a rag n wʋmda Sẽn-Ka-Saab koɛɛgã sẽn yit Serubẽ-rãmb a yiibã sẽn be kaoolã koglgã limdã zugã sʋka, n gomd ne yẽnda.

SEBR SÕNGO

⁸⁹ A Moyiiz sã n da kẽed sɛka roogẽ, a ra wʋmda Soaala-Wẽnd sẽn gomd ne-a. Koɛɛga ra yita Soaala-Wẽnd sẽn sigd zĩig ningã, kuga walsa koglga linga zugu, malɛgs a yiiba sẽn zaoẽ wã. Be la Soaala ne a Moyiiz ra sõsd ne taaba.

Sõadga 7:89 Iomraidhean Croise

1 Rĩm-dãmbã 6:23

Rĩmã kɩtame tɩ b bao oliiv tɩɩg raad n naan serubẽ-rãmb a yiib n ning ro-taoorã sẽn yaa zĩig sẽn welg toor n yɩɩdã pʋga. La serubẽ a ye fãa zãntlem dag n yaa kãntɩɩg piiga.

Yɩɩn‑sõamyã 80:1

A Azaf yɩɩlle, yɩɩlã naab yĩnga. Yaa kaset yɩɩlle, b sẽn yɩɩnd wa yɩɩll sẽn boond tɩ ‹rulg lɛlma.›

Yɩɩn‑sõamyã 99:1

Sẽn-Ka-Saab yaa rĩmã. Nebã rigdame. Sẽn-Ka-Saab rɩta naam serubẽ-rãmbã sʋka, la tẽngã rigimdidame.

Yikri 40:34

A Moyiis sẽn maan woto n sɛ, sawaodg waa n luda sɛk roogã, la Sẽn-Ka-Saab ziirã pida sɛk zĩigã.

Yikri 40:35

A Moyiis rag n ka tõe n kẽ sɛk roogã pʋgẽ ye. Bala, sawaodgã be a zugu, la Sẽn-Ka-Saab ziir pida sɛk zĩigã.

Maan‑kʋʋre 1:1

Sẽn-Ka-Saab zĩnda sɛk roogã pʋg n bool a Moyiis n yeele:

Sõadga 1:1

Israyɛll nebã sẽn yi Ezɩpt soolmã tɩ yʋʋm yiiblẽ, kiuug a yiib soabã pipi daarã, Sẽn-Ka-Saab goma ne a Moyiis sɛk roogã pʋgẽ, Sinayi we-raoogẽ wã n yeele:

Sõadga 11:17

Mam na n siga beenẽ n gom ne foom. La mam na n yãka Sɩɩg ning fo sẽn tarã bilfu, n kõ bãmba, tɩ b tõe n sõng foom n zã nebã. Dẽ, fo ka na n leb n yɩ f yembr ye.

Sõadga 12:8

Mam gomda ne yẽnda neng ne nenga. Mam ka solgd m meng n gom ne yẽnda ye. La yaa bõe tɩ yãmb ka zoe rabeem tɩ wɩd mam tʋmtʋmd a Moyiisi?»

Sõadga 8:1

Sẽn-Ka-Saab yeela a Moyiis t'a

Ebre rãmba 4:16

Woto yĩnga, bɩ d kolg bark soab a Wẽnnaam geerã ne pɛl-kɛgenga, tɩ d tõe n paam tɩ b zoe d nimbãanega, la d zĩnd bark bãmb nifẽ, tɩ d tõe n paam sõngr wakat ning d sẽn tog n paame.

1 Pɩyɛɛr 1:12

La Wẽnnaam vẽnega b no-rɛɛsdbã tɩ b bãng tɩ bãmb sẽn deeg koɛɛg ningã ka bãmb mens yĩng ye, la yaa yãmb yĩnga la b ya bõn-kãens tʋmtʋmdba. Moasã, neb nins sẽn moon yãmb koe-noogã togsa yãmb bõn-kãens ne Sɩɩg-sõng sẽn yi arzãnã pãnga, la baa malegsã mens datẽ lame n wʋm a võore.

1 Sãmwɛlle 4:4

Woto, Israyɛll nebã tʋma neb Sɩlo tɩ b tɩ tall Sẽn-Ka-Saab kaoolã koglgã n wa. Yaa koglg ning zug Saasẽ-Pãng-Soabã sẽn zĩ serubẽ-rãmbã sʋkã. A Eli kamb a yiibã, a Ofni ne a Fineyaas rag n bee ne Wẽnnaam kaoolã koglgã.