Sõadga 7:12 - WẼNNAAM SEBRE 2014

^12-83 Pipi daarã yɩ a Aminadaab biig a Nakõ sẽn yaa Zʋʋda buudã naabã n wa. Rasem a yiibẽ daarã yɩɩ a Suwaar biig a Netaneyɛll sẽn yaa Isakaar buudã naabã n wa. Rasem a tãabẽ daarã yɩɩ a Elõ biig a Elyaab sẽn yaa Zabulõ buudã naabã n wa. Rasem a naasẽ daarã yɩɩ a Sedewʋʋr biig a Elisʋʋr sẽn yaa Rubɛn buudã naabã n wa. Rasem a nu wã daare, yɩɩ a Suurisadayi biig a Selumiyɛll sẽn yaa Simyõ buudã naabã n wa. Rasem a yoobã daare, yɩɩ a Dehuwɛll biig a Elyazaf sẽn yaa Gaad buudã naabã n wa. Rasem a yopoe wã daare, yɩ a Amiwuud biig a Elisama sẽn yaa Efrayiim buudã naabã n wa. Rasem a nii wã daare, yɩ a Pedasʋʋr biig a Gamaliyɛll sẽn yaa Manaase buudã naabã n wa. Rasem a wɛ wã daare, yɩ a Gidoni biig a Abidãn sẽn yaa Benzame buudã naabã n wa. Rasem piigã daare, yɩɩ a Amisadayi biig a Ayiyezɛɛr sẽn yaa Dan buudã naabã n wa. Rasem piig la a yembrã daare yɩɩ a Okrã biig a Pagiyɛll sẽn yaa Asɛɛr buudã naabã n wa. Rasem piig la yiibã daare, yɩɩ a Enan biig a Ayira sẽn yaa Neftali buudã naabã n wa. Kũun nins bãmb ned kam fãa sẽn tall n wa wã la woto: Yaa wanzuri laag zɩslem sẽn ta kɩlo a ye, la garem kobs-tã, ne wanzuri la-bila, tɩ b zɩslmã ta garem kobs-yopoe, tɩ b fãa pid ne zom sẽn nag ne kaam, tɩ yɩ bõn-koaadl kũuni. La sãnem laag zɩslem sẽn ta garem koabga, n pid ne wisd sẽn tar yũ-noog b sẽn na n yõoge. La loalga, ne pe-raoogo, la yʋʋmd pe-ribla, sẽn na n maan maoong sẽn yõogd bugum. La boɛɛg b sẽn na n maan maoong yel-wẽnã sugr kũun yĩnga. La niig a yiibu, ne pe-raad a nu, la boees a nu, ne yʋʋmd pe-ribli a nu, sẽn na n maan zems-n-taar maoongo.

SEBR SÕNGO

^12-83 Kãsem-dãmba deega noorã la b pʋga taab woto. Pipi raarã, a Zɩɩda roogẽ, yɩ-la a Aminadab biig a Nasõ. Daar a yiib soaba, a Isakar roogẽ, yɩ-la a Suwar biig a Netanɛl. Daar a tãab soaba, a Zabulõ roogẽ, yɩ-la a Elon biig a Eliyab. Daar a naas soaba, a Rubẽ roogẽ, yɩ-la a Sedewur biig a Elisur. Daar a nu soaba, a Simeõ roogẽ, yɩ-la a Surisadayi biig a Selumiyɛl. Daar a yoob soaba, a Gad roogẽ, yɩ-la a Deowɛl biig a Elyasaf. Daar a yopoe soaba, a Efrayim roogẽ, yɩ-la a Amiyud biig a Elisama. Daar a nii soaba, a Manase roogẽ, yɩ-la a Pedasur biig a Gameliyɛl. Daar a wɛ soaba, a Bẽnzame roogẽ, yɩ-la a Gideoni biig a Abidã. Piig daare, a Dã roogẽ, yɩ-la a Amisadayi biig a Ayiyezɛr. Piig la ye daare, a Asɛr roogẽ, yɩ-la a Okrã biig a Paziyɛl. Piig la a yiib daare, a Neftali roogẽ, yɩ-la a Eyinan biig a Ayira. Ad-b kũuna sẽn yɩ a soaba: Wanzurf yõg-laag zɩslem sẽn ta wakɩ koeems koabg la pis-tã zɩslem, wanzurf ko-laag zɩslem sẽn ta wakɩ koeems pisopoe zɩslem, zɩslema sã magd wala wẽnd doogẽ magbã. Yõg-laaga la ko-laaga ra pida ne zom sẽn nag ne kaam la sẽn na n wa rɩk n tees Soaala-Wẽnde wala b pʋɩɩre. Le paasa sãnem wũmbla zɩslem sẽn ta wakɩ koeems piig zɩslem la sẽn pid ne tɩdare. Le paasa loalga, pe-raoogo la yʋʋmd yɛng pe-bila, yũ-noog maoong yĩnga. Le paasa boɛɛg, yel-wẽnd sugr kosg yĩnga. Laafi kosg maoong yĩnga, b waa ne lols a yi, pe-raad a nu, boees a nu, yʋʋmd yɛng pe-bi a nu.

Sõadga 7:12 Iomraidhean Croise

Sɩngrẽ 35:22

A Israyɛll sẽn wa n ket n be tẽn-kãngã, a Rubɛn kẽngame n tɩ gãand a ba wã pʋg-rɩkdg a Bila. La a Israyɛll wʋma yellã. A Zakoob kambã sõor yaa bãmb piig la a yiibu:

Sɩngrẽ 35:23

Ad a Leya kamba: Yaa Rubɛn sẽn yaa a Zakoob pipi biigã, a Sɩmyõ, a Leevi, a Zʋʋda, a Isakaar ne a Zabulõ.

Sɩngrẽ 49:10

Naam dasaar kõn tol n zãag n bas a Zʋʋda ye. La naam kãnd kõn tol n kong yẽnda naoã tẽngr ye, hal t'ɩ sẽn soa bãmbã wa, tɩ nebã buud fãa sak yẽnda.

Sɩngrẽ 49:8

Zʋʋda, fo saam-biisã na n pẽga foom. Fo nug na n wẽooga f bɛɛbã yubli, la fo ba wã kom-dibli na n wõgemda fo taoore.

Sõadga 1:5

Ad raop nins sẽn na n sõng-b yãmbã yʋya: A Rubɛn buudã pʋgẽ, yaa a Sedewʋʋr biig a Elisʋʋre.

Sõadga 1:7

A Zʋʋda buudã pʋgẽ, yaa a Aminadaab biig a Nakõ.

Sõadga 10:14

Dẽ, yaa tãb-bi-sull ning sẽn gũbg a Zʋʋda tãb-kaoorã n yik pipi. La yaa a Aminadaab biig a Nakõ n dag n yaa Zʋʋda buudã tãb-bi-sullã naaba.

Sõadga 2:3

Tãb-bi-sul nins sẽn gũbg Zʋʋda tãb-kaoorã tog n zĩnda yaanga. Dẽ, ad buud fãa ne a tãb-biis naaba:

Sõadga 7:11

Dẽ, Sẽn-Ka-Saab yeela a Moyiis yaa: «Nanambsã tog n waa ne b kũunã pʋgdg-pʋgdga, la yaa ned kam fãa ne a daare.»

A Matiye Sõng 1:4

t'a Aram dog a Aminadaabe, t'a Aminadaab dog a Naasõ, t'a Naasõ dog a Salmo,

A Luk Sõng 3:32

sẽn yaa a Ezayi biiga, sẽn yaa a Zobɛɛd biiga, sẽn yaa a Booz biiga, sẽn yaa a Sala biiga, sẽn yaa a Nasõ biiga,

A Ruti 4:20

A Aminadaab n dog a Nakõ, t'a Nakõ dog a Salma.