Sõadga 7:11 - WẼNNAAM SEBRE 2014

¹¹ Dẽ, Sẽn-Ka-Saab yeela a Moyiis yaa: «Nanambsã tog n waa ne b kũunã pʋgdg-pʋgdga, la yaa ned kam fãa ne a daare.»

SEBR SÕNGO

¹¹ La Soaala-Wẽnd yeela a Moyiiz: «Yaa ned kam fãa ne a daare la kãsem-dãmba na n tall b kũuna n wa tɩ b rɩk maan-kugrã n ning Soaala-Wẽnd soolmẽ.»

Sõadga 7:11 Iomraidhean Croise

Sõadga 7:10

Daar ning b sẽn na n pʋdg kaam tẽn-kugrã zug n ning-a barkã, Israyɛll buudã nanambsã waa ne kũun n wa kõ Sẽn-Ka-Saabo.

Sõadga 7:12

Pipi daarã yɩ a Aminadaab biig a Nakõ sẽn yaa Zʋʋda buudã naabã n wa. Rasem a yiibẽ daarã yɩɩ a Suwaar biig a Netaneyɛll sẽn yaa Isakaar buudã naabã n wa. Rasem a tãabẽ daarã yɩɩ a Elõ biig a Elyaab sẽn yaa Zabulõ buudã naabã n wa. Rasem a naasẽ daarã yɩɩ a Sedewʋʋr biig a Elisʋʋr sẽn yaa Rubɛn buudã naabã n wa. Rasem a nu wã daare, yɩɩ a Suurisadayi biig a Selumiyɛll sẽn yaa Simyõ buudã naabã n wa. Rasem a yoobã daare, yɩɩ a Dehuwɛll biig a Elyazaf sẽn yaa Gaad buudã naabã n wa. Rasem a yopoe wã daare, yɩ a Amiwuud biig a Elisama sẽn yaa Efrayiim buudã naabã n wa. Rasem a nii wã daare, yɩ a Pedasʋʋr biig a Gamaliyɛll sẽn yaa Manaase buudã naabã n wa. Rasem a wɛ wã daare, yɩ a Gidoni biig a Abidãn sẽn yaa Benzame buudã naabã n wa. Rasem piigã daare, yɩɩ a Amisadayi biig a Ayiyezɛɛr sẽn yaa Dan buudã naabã n wa. Rasem piig la a yembrã daare yɩɩ a Okrã biig a Pagiyɛll sẽn yaa Asɛɛr buudã naabã n wa. Rasem piig la yiibã daare, yɩɩ a Enan biig a Ayira sẽn yaa Neftali buudã naabã n wa. Kũun nins bãmb ned kam fãa sẽn tall n wa wã la woto: Yaa wanzuri laag zɩslem sẽn ta kɩlo a ye, la garem kobs-tã, ne wanzuri la-bila, tɩ b zɩslmã ta garem kobs-yopoe, tɩ b fãa pid ne zom sẽn nag ne kaam, tɩ yɩ bõn-koaadl kũuni. La sãnem laag zɩslem sẽn ta garem koabga, n pid ne wisd sẽn tar yũ-noog b sẽn na n yõoge. La loalga, ne pe-raoogo, la yʋʋmd pe-ribla, sẽn na n maan maoong sẽn yõogd bugum. La boɛɛg b sẽn na n maan maoong yel-wẽnã sugr kũun yĩnga. La niig a yiibu, ne pe-raad a nu, la boees a nu, ne yʋʋmd pe-ribli a nu, sẽn na n maan zems-n-taar maoongo.

1 Korẽnt rãmba 14:33

Bala, Wẽnnaam ka bʋrg Wẽnnaam ye, b yaa laafɩ Wẽnnaam. Wa sẽn maand Wẽnnaam nin-sõamyã wã wẽnd dotẽ wã,

1 Korẽnt rãmba 14:40

La bɩ y maan bũmb fãa tɩ zemse, la tũud taab sõama.

Kolos Rãmba 2:5

Bala, baa mam yĩngã sã n zãr ne yãmba, mam yam bee ne yãmba, mam sũur yaa noog mam sẽn ne yel-manesem sõngã sẽn be yãmb sʋkã, la yãmb tẽebã sẽn ya kãenkãe Kiris pʋgẽ wã yĩnga.