Sõadga 7:10 - WẼNNAAM SEBRE 2014

¹⁰ Daar ning b sẽn na n pʋdg kaam tẽn-kugrã zug n ning-a barkã, Israyɛll buudã nanambsã waa ne kũun n wa kõ Sẽn-Ka-Saabo.

SEBR SÕNGO

¹⁰ Kãsem-dãmba talla kũuna n wa maan-kugra bark ningr daare, a kaam taagr daare. Yɩɩ maan-kugra taoore la b wa ne-ba.

Sõadga 7:10 Iomraidhean Croise

1 Rĩm-dãmbã 8:63

Rĩm a Salmo maana zems-n-taar maando. Yẽnda rɩka rũm-bɛd tus pisi la a yiibu, ne rũm-bãooneg tus koabg la pisi n maan maoong Sẽn-Ka-Saab yĩnga. La rĩmã ne Israyɛll nebã fãa ninga Sẽn-Ka-Saab roogã barka.

2 Kibayã 7:5

Rĩm a Salmo kʋʋ niig tus pisi la a yiibu, la rũm-bãooneg tus-koabg la pisi, Sẽn-Ka-Saab roogã bark ningr yĩnga. Woto, rĩmã ne Israyɛll nebã ninga Wẽnnaam doogã barka.

2 Kibayã 7:9

La tigrã rasem a nii daarã, zãma wã maana tigin-kãseng sẽn welg toore. Bala, yɩɩ rasem a yopoe la b sẽn dɩk n maan bark ningrã, la tigrã meng yɩɩ rasem a yopoe.

A Neemi 12:27

B sẽn wa n dat n ning Zeruzalɛm lalgã barkã, b kɩtame tɩ Leevi buudã fãa yi zĩis nins fãa b sẽn be wã n wa. La b maana tig-kãseng n maan sũ-noog wʋsgo, n na n wilg tɩ tʋʋmdã maan n sɛɛme. La b yɩɩla pẽgre, la waoogr yɩɩl ne kɛma, la kʋla, ne pendse.

A Neemi 12:43

Badaare, nebã maana maand wʋsg n kɩdem ne sũ-noogo. Sɩd me, Wẽnnaam dag n kõ-b-la sũ-no-kãsenga. La Zeruzalɛm tẽngã pʋgẽ, pagbã ne kambã sũy rag n yaa noog tɩ b kɩdemdẽ, hal tɩ bʋrgã zẽkdẽ, tɩ ned sã n be hal zĩ-zãrgẽ bɩ a wʋmdẽ.

Yɩɩn‑sõamyã 30:1

A Davɩɩd yɩɩlle, roogã bark ningr yĩnga.

Sõadga 7:1

Daar ning a Moyiis sẽn ti sɛk roogã n sɛ wã, a rɩka kaam n pʋdg sɛk roogã zugu, ne a teedã fãa zutu, tɩ b lebg Sẽn-Ka-Saab rẽnda. La a pʋdg kaamã tẽn-kugrã ne a teedã fãa zutu, tɩ lebg Sẽn-Ka-Saab n so.

Sõadga 7:11

Dẽ, Sẽn-Ka-Saab yeela a Moyiis yaa: «Nanambsã tog n waa ne b kũunã pʋgdg-pʋgdga, la yaa ned kam fãa ne a daare.»

Sõadga 7:84

Ad kũun nins fãa Israyɛll nanambsã sẽn tall n wa, daar ning b sẽn pʋdg kaam tẽn-kugrã zug n ning-a barkã: Yaa wanzuri laas piig la a yiibu, la wanzuri la-bãooneg piig la a yiibu. La sãnem laas piig la a yiibu.

Sõadga 7:88

La maoongã rũmsã fãa sõor yɩɩ lols pisi la a naase, pe-raad pis-yoobe, boees pis-yoobe, la yʋʋmd pe-ribli pis-yoobe, b sẽn na n maan zems-n-taar maoongã. Kũun nins b sẽn tall n wa kõ tẽn-kugrã bark ningr yĩngã yɩɩ woto.

Yaoolem 20:5

Dẽ, seb-gʋndbã na n yeela nebã: «Ned bee yãmb sʋkã n me roog n nan ka paam n kẽ a pʋgẽ bɩ? Bɩ a lebg n kuili n da wa ki zabrã pʋgẽ tɩ ned a to tɩ kẽ a roogã pʋgẽ ye.