Sõadga 6:5 - WẼNNAAM SEBRE 2014

⁵ La sẽn paas me, Yẽnda sẽn pʋlm t'a na n welga toor Sẽn-Ka-Saab yĩngã pʋgẽ, barg ka tog n sɩɩs a zugã, hal n tãag a pʋlengã a sẽn maan ne Sẽn-Ka-Saabã pidsg daare ye.

SEBR SÕNGO

⁵ Tãag a pʋlenga pidsgu, barg ka sɩɩsd a zug ye. A na n welga toore, Soaala-Wẽnd yĩnga, n tãag a pʋlenga pidsg raare. A zuga zobd basdame tɩ yi.

Sõadga 6:5 Iomraidhean Croise

Ezekiyɛl 44:20

Maan-kʋʋdbã ka tog n põng b zutã koɛɛl ye. B ka tog n bas b zoobdã me tɩ kẽ wʋsg n loog ye. Bãmb tog wõrsda b zoobdã.

Sõadga 6:4

Yẽnda pʋlengã sɩngr hal n tãag a sɛɛbo, a ka tog n tol n leb n dɩ reezẽ bila, la baa reezẽ-paok ka tog n kẽ a noor ye.

Tʋʋma 18:18

A Poll kell n paa Korẽnt n kaoose. Dẽ, a yaool n basa ba-biisã n kẽ koom-koglg n kẽng Siiri la a Pirsill ne a Akilaas tũu yẽnda. La sẽn deng a Poll sẽn na n kẽ koom-koglgã, a kɩtame tɩ b põng a zugã Sãnkre, bala yẽ rag n pʋlma Wẽnnaam.

Bʋ-kaoodba 13:5

Fo na n dɩka pʋg n dog bi-ribla. La barg ka tog n sɩɩs a zugã ye. Bala, bi-kãng na n welga toor n lebg Wẽnnaam dẽnda, t'a nan ket a ma pʋgẽ, la yaa bi-kãngã, n na n sɩng n fãag Israyɛll nebã Filistẽ-dãmbã nusẽ.»

Bʋ-kaoodba 16:17

Dẽ, a Samsõ pelga a pʋg ne pagã n yeel yaa: «Mam sẽn dogã tɛka, barg nan ka pɩʋʋg mam zugẽ wã ye. Bala, yaa Wẽnnaam n so maam tɩ m nan ket m ma pʋgẽ! Mam sã n põng m zugã, mam pãngã na n loog n basa maam, la mam na n lebga wa neb a taabã bala.»

Bʋ-kaoodba 16:19

A Dalɩla kɩtame t'a Samsõ gãand yẽnda naoẽ wã n gũsi, la a boola ned a yembr t'a kolg n põng a Samsõ zugã n wõrs a gɛm a yopoe wã. Pagã sɩngame n tõogd a Samsõ. La a Samsõ pãngã yi n bas-a lame.

1 Sãmwɛlle 1:11

Yẽnda pʋlma Sẽn-Ka-Saab n yeele: «Saasẽ-Pãng-Soaba, yãmb sã n zoe mam sẽn yaa y tʋmtʋmd-poakã nimbãanega, n tẽeg m yelle, n ka yĩm m yelle, la y sã n kõ-m bi-ribla, mam na n dɩk-a lame n kõ yãmb a Sẽn-Ka-Saab a yõor tɛka, la barg kõn tol n tik a zug ye.»