Sõadga 6:27 - WẼNNAAM SEBRE 2014

²⁷ Dẽ, bãmb sã n wa n pʋd mam yʋʋrã Israyɛll nebã zugu, mam na n ning-b-la barka!

SEBR SÕNGO

²⁷ Yaa woto la b na n ning m yʋʋra sʋka tɩ m ning-b barka.»

Sõadga 6:27 Iomraidhean Croise

Sɩngrẽ 32:26

La raoã sẽn mik tɩ yẽnda ka na n tõog a Zakoobã, a sɩɩsa a Zakoob kɩʋʋlgã, la a kɩʋʋlgã rãmba wakat ning yẽnda sẽn dag n maood ne raoã.

Sɩngrẽ 32:29

La raoã yeela a Zakoob yaa: «B ka na n leb n bool fo yʋʋr t'a Zakoob ye. B na n boola foom t'a Israyɛlle. Bala, fo maoo ne Wẽnnaam, la f mao ne ninsaalb n paam tõogre.»

2 Sãmwɛlle 7:23

Rẽ yĩnga, buud bee dũni wã zugu, n yaa wa Israyɛll sẽn yaa yãmb nebã, tɩ b wẽnnaam-dãmbã fãag-b tɩ b lebg b nebã, la b kõ-b yʋʋre? Yãmb nebã taoore, yãmb maana bõn-kãsemse, ne bõn-yɛɛsds y tẽngã yĩnga, n fãag bãmb n yiis Ezɩpt tẽms toay-toay pʋse, ne b wẽnnaam-dãmbã nusẽ, tɩ b lebg yãmb mengã nebã.

1 Kibayã 4:10

A Yabɛɛs pʋʋsame n kos Israyɛll Wẽnnaamã tɩ b ning a zug bark n yalg a soolmã, la b tẽeg b nug n kogl-a, la b zãag-a ne toog la namsg buud fãa. Dẽ, Wẽnnaam maana a sẽn kosã n kõ-a.

2 Kibayã 7:14

mam nebã b sẽn boond ne mam yʋʋrã sã n sik b menga, n pʋʋse, la b bao maam, bãmb sã n bas b tʋʋm-wẽnsã, maam, mam na n zĩnda saasẽ n kelg-ba, la m na n kõ-b-la b yel-wẽnã sugri, la m maag b tẽngã.

Yɩɩn‑sõamyã 5:12

Neb nins fãa sẽn paam zĩ-soalgdg yãmb nengẽ wã na n maana sũ-noogo. Bãmb na n kaasa ne sũ-noog wakat fãa. Neb nins sẽn nong yãmb yʋʋrã, yãmb na n kogla bãmba, la bãmb na n kɩdma ne sũ-noogo!

Yɩɩn‑sõamyã 67:7

Tẽn-gãongã bõn-koaadl womdame. Tõnd Wẽnnaamã ningda tõnd barka.

Yikri 6:3

Mam vẽnega m meng ne a Abrahaam la a Izak ne a Zakoob n wilg bãmb tɩ mam yaa Pãng-Soab a Wẽnnaam. La mam ka kɩt tɩ bãmb bãng tɩ mam yʋʋr la Sẽn-Ka-Saab ye.

A Ezayi 43:7

Yaa neb nins fãa sẽn boond mam yʋʋrã, mam sẽn naan-b rãmb mam waoogr yĩngã, neb nins sẽn yaa mam nus tʋʋmdã.»

Zeremi 14:9

Yaa bõe tɩ y maand wa ned b sẽn yɛɛse, la wa gãndaoog sẽn ka tõe n sõng neb a taaba? Sẽn-Ka-Saabo, yãmb yaool n bee tõnd sʋka, la d boonda yãmb yʋʋrã d sʋka. Da bas-y tõnd ye!

Sõadga 23:20

Ade, yaa Wẽnnaam meng n kõ maam noore, N yeel tɩ m ning nin-bãmbã barka. Dẽ wã, mam ka tõe n tek bũmb ye.

A Matiye Sõng 28:19

Bɩ y kẽng n maan nebã buud fãa tɩ yɩ mam karen-biisi, n lis bãmb ne Ba, la Bi-ribla, la Sɩɩg-sõng yʋʋre,

Efɛɛz Rãmba 1:3

Pẽgr Wẽnnaam sẽn yaa tõnd Zu-soab a Zeezi Kiris ba wã! Bãmb sẽn kõ tõnd Sɩɩg-sõng bark buud fãa sẽn yit yĩngri, Kiris maasem yĩngã.

Yaoolem 28:10

Neb nins fãa sẽn be tẽng zugã na n yãame tɩ b boond yãmb ne Sẽn-Ka-Saab yʋʋre, la bãmb na n zoee yãmba.