Sõadga 6:20 - WẼNNAAM SEBRE 2014

²⁰ Rẽ poore, maan-kʋʋdã meng na n dɩka kũunã n wilg Sẽn-ka-Saabo, la a maan b rog-n-mikã. La kũun-kãens welga toor Sẽn-Ka-Saab yĩnga, la b yaa maan-kʋʋdã n so, n paas ne rũngã yãoogã, la a gerã sẽn tog n yɩ maan-kʋʋdã rẽndã. La rẽ fãa zugẽ, ned ning sẽn dag n pʋlm-a wã tõe n leb n yũu reezẽ rãam.

SEBR SÕNGO

²⁰ Maan-kʋʋda maanda a sẽn tog n maane tɩ b lebg Wẽnd rũuni. Bũmb me sẽn lebgd kũun sõng maan-kʋʋda yĩnga, yaa rũnga yãoogo a sẽn dɩk tees Wẽndã la gerã a sẽn yãkã. Ya rẽ poore marsã la sẽn pʋlma meng Wẽndã tõogd n le yũ rãam.

Sõadga 6:20 Iomraidhean Croise

Kowelɛt 9:7

Bɩ f kẽng n tɩ rɩ f rɩɩbo, la f yũ f reezẽ rãam ne sũ-noogo. Bala, Wẽnnaam zoe n sak n deega fo sẽn maandã.

A Ezayi 25:6

Saasẽ-Pãng-Soabã na n maana tigr sẽn tar rɩ-nood tãn-kãngã zug nebã fãa yĩnga. Na n yɩɩ tigr sẽn tar reezẽ rã-kʋdgo, la rɩ-nood ne nemd sẽn tar kaam, ne reezẽ rã-kʋdg sẽn yɩlge.

A Ezayi 35:10

Woto, Sẽn-Ka-Saab sẽn yols-b rãmbã na n lebg n waame. Bãmb na n lebg n waa Sɩyõ ne sũ-noog kaasgo. Bãmb nensã na n pɩla ne sũ-noog wakat sẽn kõn sa. Kɩdeng ne sũ-noog na n wa sega bãmba, la sũ-pa-noaang ne sidgr na n zoe n baoo zĩiga.»

Maan‑kʋʋre 10:15

Israyɛll nebã tog n talla kaam ning sẽn yõogd bugmã ne ger ning b sẽn yãk n kõ wã, la yãoogã b sẽn yuum Sẽn-Ka-Saab taoor tɩ yɩ kũunã n wa. Bõn-kãens na n yɩɩ foom ne f kom-dibli wã rẽnda, la a na n yɩɩ no-tũudg sẽn ka sɛta, wa Sẽn-Ka-Saab sẽn dag n yeelã.»

Maan‑kʋʋre 23:11

La bɩ maan-kʋʋdã reeg-a n yuum Sẽn-Ka-Saab taoor tɩ yɩ kũuni, tɩ bãmb tõe n deeg yãmb kũunã. Yaa vʋʋsg daarã vẽkembeoog la maan-kʋʋdã tog n yuum kũunã.

Maan‑kʋʋre 7:30

Yaa yẽnda meng a toor n tog n tall maoongã nem-kaam n wa kɩs tɩ b yõog bugum Sẽn-Ka-Saab taoore. La a tog n naaga ne yãoogã n wa ne, la b tog n deega yãoogã n yuum Sẽn-Ka-Saab taoore, tɩ yɩ kũuni.

Maan‑kʋʋre 7:31

Dẽ, maan-kʋʋdã reegda nem-kaamã n yõog bugum tẽn-kugrã zugu, la yãoogã na n yɩɩ a Aarõ ne a kom-dibli wã rẽnda.

Maan‑kʋʋre 7:32

Yãmb sã n maan y zems-n-taar maoongã, bɩ y yãk rũngã rɩtg gerã n paas maan-kʋʋdã.

Maan‑kʋʋre 7:34

Bala, mam yãka Israyɛll nebã zems-n-taar maoongã rũng yãoogã sẽn yuumdã, ne a rɩtg gerã n kõ maan-kʋʋd a Aarõ ne a kom-dibli wã, la na n yɩɩ no-tũudg sẽn ka sɛta. Bãmb tog n deega bõn-kãng Israyɛll nebã nengẽ.

Maan‑kʋʋre 9:21

A Aarõ rɩka yãoogã ne rɩtg gerã n yuum Sẽn-Ka-Saab taoore, tɩ yɩ kũuni, wa a Moyiis sẽn dag n yeel tɩ b maan to-to wã.

Zakari 10:7

Efrayiim buudã neb na n paama raood wa gãndaoogo. Bãmb na n paama sũ-noog wa b yũu reezẽ rãam. Bãmb kambã sã n yãnd bãmba, b na n kɩdmame, n maan sũ-noog Sẽn-Ka-Saab yĩnga.

Zakari 9:15

Saasẽ-Pãng-Soabã na n gũu b nebã. Bãmb na n sãamame, la b wer loaabg kugã. Bãmb na n yũume, bãmb na n kɛɛ wa reezẽ rãam, bãmb na n pida wa zɩɩm mesb laaga, wa tẽn-kugrã kɩrems sẽn pid ne zɩɩmã.

Zakari 9:17

N-yẽe! Yaa sõama, yaa neere! Koodã na n kɩtame tɩ kom-dibli paam pãnga, la reezẽ rã-paalg na n kõo kom-pugli wã pãnga.»

Sõadga 18:18

Rẽ poore, bãmb nemdã na n yɩɩ yãmb dẽnda, wa zems-n-taar maoongã rũng b sẽn tall n wa kõ maamã yãoogã ne a rɩtg gerã sẽn yaa yãmb dẽndã.

Sõadga 5:25

Maan-kʋʋdã reegda sũ-kiir kũunã sẽn yaa beegr tẽegr kũunã pagã sɩd sẽn tall n wa wã, n kẽng Sẽn-Ka-Saab taoor n tɩ maan b rog-n-mikã, la a tall kũunã n kẽng tẽn-kugrẽ wã.

Sõadga 6:21

Woto n yaa no-tũudri, ned ning sẽn pʋlem a meng ne Sẽn-Ka-Saab wɛɛngẽ. La woto me yaa kũun ninsi, ned sẽn maan pʋleng sẽn tog n kõ Sẽn-Ka-Saabo. La a soabã sã n tar pãn-tõog n tõe n paas bũmbu, a tõe n paasame, la bũmb sẽn be bala, yaa t'a tog n modgame n kõ kũun ning yẽnda sẽn pʋlmã, wa sẽn zems pʋlengã no-tũudsã.

A Matiye Sõng 26:29

Mam yeta yãmb tɩ mam ka na n leb n yũ reezẽ rã-kãngã hal tɩ ta daar ning mam sẽn na n yũ-a paalg ne yãmb m ba soolem pʋgẽ wã ye.»

A Mark Sõng 14:25

Mam yeta yãmb sɩda, tɩ mam kõn leb n yũ reezẽ rãam yɛs hal tɩ ta daar ning mam sẽn na n yũ a paalg Wẽnnaam soolmẽ wã ye.

A Zã Sõng 19:30

La a Zeezi sẽn fõos reezẽ rã-miisgã n sa, b yeelame yaa: «Bũmb fãa maan n saame.» La b sulga b zugu, la b kiime.