Sõadga 5:3 - WẼNNAAM SEBRE 2014

³ Yaa pag tɩ yaa raoa, bɩ y yiis b fãa sik zĩigẽ wã, tɩ b ra wa rẽgem sik zĩig ning pʋg mam sẽn be wã ye.»

SEBR SÕNGO

³ B yaa pagb bɩ rapa, yiis-b sikẽ wã; la woto b kõn dẽgem a Israyɛl kamba sika, tɩ m me naag n be-la a pʋgẽ.»

Sõadga 5:3 Iomraidhean Croise

1 Rĩm-dãmbã 7:3

La ra-bãmb ra palga ra-lugdsã zutu. Ra-paadsã sõor dag n yaa bãmb pis-naas la a nu, la b pʋɩ-b-la ruls a tãabo, tɩ rulg fãa yaa ra-paads piig la a nu. Roogã yĩngrã paga ne sɛɛdr tɩɩs raado.

Yɩɩn‑sõamyã 68:18

Sẽn-Ka-Saab saar-dãmb sõor tata tusa-tusa, la Zu-soabã bee bãmb sʋka, tɩ Sinayi be zĩ-sõngẽ wã.

Yikri 25:8

Bɩ bãmb maan doog mam yĩnga, tɩ mam tõe n zĩnd bãmb sʋka.

Yikri 29:45

Mam na n paa Israyɛll nebã sʋka, la m na n yɩɩ bãmb Wẽnnaam.

A Ezayi 12:6

Sɩyõ tẽng nebã, kaas-y sũ-noog ne kɩdeng kaasgo! Bala, Israyɛll Pʋ-Peelem-Soabã sẽn be yãmb sʋkã yaa kãsenga!»

Maan‑kʋʋre 14:8

Ned ning sẽn paam-a yɩlgrã tog n pegsa a futu, la a põng a yĩngã kõbdã zãnga, la a so koom. Dẽ, a lebga yɩlemd zãnga. Rẽ sã n looge, a soabã tõe n yaool n kẽe sik zĩigã pʋga, la a tog n paa yɩng rasem a yopoe n yaool n kẽ a fu-roogẽ wã.

Maan‑kʋʋre 15:31

Bɩ y kɩt tɩ Israyɛll nebã sã n wa be rẽgd pʋga, bɩ b zãag b mens ne sɛk-roogã. Dẽ, bãmb ka na n ki b rẽgdã yĩng ye. Yaa sẽn na n yɩlẽ tɩ bãmb da wa rẽgem mam sɛk-zĩigã sẽn be bãmb sʋkã ye.

Sõadga 16:3

Dẽ, bãmb tɩ tigma taab n zab ne a Moyiis la a Aarõ n yeele: «Tõnd yamã yii ne yãmb manesmã! Bala, nebã fãa welga toor Sẽn-Ka-Saab yĩnga, la Sẽn-Ka-Saab bee bãmb sʋka. La bõe yĩng tɩ yãmb zẽkd y mens wa yãmb yɩɩda neb a taabã?»

Sõadga 19:22

Ned sã n yaa rẽgdo, a sẽn sɩɩs bũmb ning fãa lebgda rẽgdo, la ned ning sẽn sɩɩs-a nin-kãng me na n lebga rẽgd hal tɩ ta zaabre.»

Sõadga 35:34

Yãmb ka tog n dẽgem tẽng ning yãmb sẽn na n tɩ kẽ wã ye. La y ka tog n dẽgem tẽng ning mam sẽn be a pʋgẽ wã ye. Bala, mam yaa Sẽn-Ka-Saabo, n bee Israyɛll nebã sʋka.»

Sõadga 5:4

Dẽ, Israyɛll nebã maana wa Sẽn-Ka-Saab sẽn yeel a Moyiisã. Bãmb yiisa neb nins fãa sẽn yaa rẽgdã sik zĩigẽ wã.

Yaoolem 23:14

bɩ y zã wãka, tɩ y sã n maan we-kɛɛngã n sa, bɩ y tuk bok n bus bĩndã.

Yaoolem 23:15

Bala, Sẽn-Ka-Saab sẽn yaa yãmb Wẽnnaamã bee yãmb tãb-sikã zĩigẽ, n na n fãag yãmba, la b sõng-y tɩ y tõog y bɛɛbã. Yaa woto n kɩt tɩ yãmb tãb-sikã tog n yɩ zĩig sẽn welg toore, tɩ Sẽn-Ka-Saab ra wa yãnd bũmb sẽn ka sõama yãmb sʋk n wẽnemd n bas yãmb ye.

2Tesalonik Rãmba 3:6

D ba-biisi, tõnd yeta yãmb ne tõnd Zu-soab a Zeezi Kiris yʋʋr tɩ y zãag y mens ne ba-biig ning fãa sẽn ya kʋɩɩma, la sẽn ka tũud minind nins tõnd sẽn wilg yãmbã ye.

A Titi 3:10

Ned ning sẽn wat ne welgr sã n paam keoogr vugri, la naoor a yiibu, n ka sak bɩ f lak f meng ne-a.

Vẽnegre 21:27

Bũmb sẽn yaa rẽgdo, wall ned ning sẽn maan wẽnga wall a yagd zĩrẽ kõn kẽ be ye. Yaa neb nins yʋy sẽn gʋls pe-bilã vɩɩm sebrẽ wã bal n na n kẽ.

Vẽnegre 21:3

Mam wʋma koe-kãseng sẽn yi geerẽ wã n yeele: Ad Wẽnnaam yirã bee ninsaalb sʋka. Wẽnnaam na n zĩnda ne nebã. Bãmb na n yɩɩ Wẽnnaam nebã, la Wẽnnaam mengã na n paa ne bãmba.