Sõadga 5:21 - WẼNNAAM SEBRE 2014

²¹ bɩ maan-kʋʋdã kɩt tɩ pagã wẽene, n kãabe. La bɩ a yeel pagã yaa: Bɩ Sẽn-Ka-Saab sɩbg-fo, n kɩt tɩ f lebg kiiri, tɩ f pʋgã wuki, tɩ f buudã neb sã n wa kãabd kãab-wẽnga, bɩ b kãabd ne fo yʋʋre.

SEBR SÕNGO

²¹ bɩ Soaala wa ne f sɩbgre. Bɩ Soaala sɛɛs f rogem la f kẽn ne pʋ-wuka. Bɩ b kɩt tɩ f buuda neb wa tẽegd fo yelle b sã n wa kãabd b mens beedo.

Sõadga 5:21 Iomraidhean Croise

2 Kibayã 21:15

La fo mengã na n paama bã-kegemse, la na n yɩɩ pʋg-roog bãaga. Bãagã na n tara yãngr daar fãa, hal tɩ f yãadã wa yita.»

A Neemi 10:29

La neb nins sẽn ketã sẽn yaa maan-kʋʋdbã, la Leevi buudã, ne rignoy gũudbã, la yɩɩn-yɩɩndbã, ne Wẽnnaam doogã tʋmtʋmdbã, la neb nins fãa sẽn welg b mens ne tẽngã bu-zẽms n sak Wẽnnaam tõogã, ne bãmb pagbã, la b kom-dibli wã ne b kom-pugli wã, ne neb nins sẽn tõe n wʋm bũmb võorã,

Yelbũna 10:7

Nin-tɩrg yell tẽegr wata ne barka, la nin-wẽng yʋʋr ka zɛɛd meneng ye.

A Ezayi 65:15

Yãmb yʋʋrã na n yɩɩ kãab-wẽng bũmb tɩ neb nins mam sẽn yãkã tar n wẽend n yetẽ yaa: ‹Bɩ Wẽnnaam Sẽn-Ka-Saab kɩt tɩ f ki a woto!› La b na n pʋda b tʋmtʋmdbã yʋʋr a to.

Zeremi 29:22

B na n kɩtame tɩ Zʋʋda neb nins fãa sẽn be yembd Babilondã rɩk nin-bãmbã b yiibã yʋy n kãabd kãab-beedo, n yetẽ: Bɩ Sẽn-Ka-Saab maan foom wa b sẽn maan a Sedesiyaas ne a Akaab n kɩt tɩ b sẽ bãmb bugmẽ wã.

Sõadga 5:27

Maan-kʋʋdã sã n kɩt tɩ pagã yũ koomã n sɛ, tɩ b mik tɩ pagã sɩd zãmba a sɩdã n yo n dẽgem a mengã, kãab-wẽng koomã sẽn kẽ yẽnda pʋgẽ wã na n wɩka ne a pʋgã, la yẽnda na n lebga kiiri. La yẽnda buudã sʋka, b sã n kãabd kãab-wẽnga b na n kãabda ne yẽnda yʋʋre.

A Matiye Sõng 26:74

Dẽ, a Pɩyɛɛr sɩngame n kãab la a wẽen n yeele: «Mam ka mi rao-kãngã ye.» Tao-tao bala, no-raoog kelmame.

Zozuwe 6:26

Wakat-kãnga, a Zozoe kãabame n yeele: «Bɩ Sẽn-Ka-Saab kãab-wẽng zĩnd ned ning sẽn na n bao tɩ lebs n me Zeeriko tẽngã zugu. Tẽngã lalg yẽbgre, a pipi bi-riblã na n kiime, la tẽngã kʋɩlems ningr wakat na n yɩ a bɩ-yao-zʋʋgã kũum.»

1 Sãmwɛlle 14:24

Israyɛll nebã namsa badaare, bala, a Sayull kɩtame tɩ nebã wẽen n yeel tɩ ned sã n lemb rɩɩb tɩ zaabr ka ta, tɩ yẽnda nan ka paam n dok a sũurã ne a bɛɛbã, bɩ kãab-wẽng paam a soaba. Dẽ, bãmb ned ba a yembr ka tol n lemb rɩɩb ye.