Sõadga 5:2 - WẼNNAAM SEBRE 2014

² «Yeel Israyɛll nebã tɩ b yiis neb nins fãa sẽn yaa rẽgdã sik zĩigẽ wã: Yaa sẽn bẽed-b yĩn-gãong bãaga, bɩ sẽn tar-b taoor bãaga, wall sẽn sɩɩs-b kũumã.

SEBR SÕNGO

² «Kõ Israyɛl kamba noore tɩ b yiis sikẽ wã ned ning fãa sẽn bẽed yĩng bãag sẽn dẽgemd-a, sẽn zĩ-a ne a yĩng rẽgdẽ bɩ sẽn sɩɩs-a kũum.

Sõadga 5:2 Iomraidhean Croise

2 Rĩm-dãmba 7:3

Neb a naas wãood sẽn tar n dag n be Samaari tẽngã noore. Bãmb goma ne taab n yeel yaa: «Bõe yĩng tɩ tõnd zĩ ka n gũud kũum?

Maan‑kʋʋre 13:45

Sã n wa n yaa a woto, bɩ wãoorã yeelg fu-kʋdse, la a ra leb n sãas a zug ye. Bɩ a lud a no-kõbdã n kelem n yeele: Rẽgdo! Rẽgdo!

Maan‑kʋʋre 13:46

La bãagã sẽn na n tall yẽnda wã tɛka, a na n yɩɩ rẽgdo. A soabã sẽn lebg rẽgdã yĩnga, a tog n vɩɩmda a yembre. Yẽnda tog n yii sik zĩigã pʋg n tɩ vɩɩmd kɛɛnga.

Maan‑kʋʋre 13:8

tɩ maan-kʋʋdã leb n ges-a. Sã n mikame tɩ yĩn-fʋkrã yɛdga yĩn-gãongã zugu, bɩ maan-kʋʋdã wilg t'a yaa rẽgdo, bala, yaa wãoodo.

Maan‑kʋʋre 14:8

Ned ning sẽn paam-a yɩlgrã tog n pegsa a futu, la a põng a yĩngã kõbdã zãnga, la a so koom. Dẽ, a lebga yɩlemd zãnga. Rẽ sã n looge, a soabã tõe n yaool n kẽe sik zĩigã pʋga, la a tog n paa yɩng rasem a yopoe n yaool n kẽ a fu-roogẽ wã.

Maan‑kʋʋre 21:1

Sẽn-Ka-Saab yeela a Moyiis yaa: «Yeel a Aarõ kom-dibli wã sẽn yaa maan-kʋʋdbã yaa: ‹Maan-kʋʋd ka tog n sɩɩs a buudã ned kũum n dẽgem a meng ye.

Maan‑kʋʋre 23:29

Ned ning fãa sẽn ka sika a meng badaare, b na n yiisa a soabã a nebã sʋka.

Sõadga 12:10

Sawadgã sẽn wa n zẽk n bas sɛk roogã, b mikame t'a Miryam yĩn-gãongã tẽgsa pɛɛla, n yaa wa lampalga. Yaa yĩn-gãong bãaga. La Aarõ sẽn wẽnemd n ges a Miryam, a mikame tɩ yaa wãood n tar-a.

Sõadga 12:14

La Sẽn-Ka-Saab yeel a Moyiis yaa: «Dẽ yĩnga, a Miryam ba wã sã n dag n tʋbs a nengã kolkoodo, yẽnda rag n kõn zĩnd ne yãnd rasem a yopoe sɩda? Dẽ wã, bɩ b yiis a Miryam sik zĩigẽ wã, t'a maan dasem a yopoe, n yaool n lebg n wa.»

Sõadga 31:19

Yãmb sʋkã neb nins sẽn zoe n kʋ neda, ne neb nins sẽn sɩɩs-b kũumã tog n yii sikã zĩigẽ wã n tɩ zĩnd kɩreng rasem a yopoe. La yãmb ne yem-pogsã me tog n yɩlga b mens rasem a tãabã ne rasem a yopoe wã daare.

Sõadga 5:1

Sẽn-Ka-Saab yeela a Moyiis yaa: