Sõadga 4:32 - WẼNNAAM SEBRE 2014

³² la ra-lugds nins fãa sẽn gũbg sɛk roogã zakã, ne b tebendsã, la b biili wã, ne wĩyã, la ne teed nins fãa bãmb sẽn tar n maand a tʋʋmdã. Bɩ maan-kʋʋdbã wilg bãmb ned kam fãa teed nins a sẽn tog n tʋke.

SEBR SÕNGO

³² Le yaa ra-lug gilsã sẽn gũbg zakã ne b te-sendsã, biili wã ne wĩ wã la tʋʋma teedo. Y na n wilga ned kam fãa a sẽn tog n tʋke.

Sõadga 4:32 Iomraidhean Croise

1 Kibayã 9:29

A taab me rag n geta zĩ-sõngã lagdã fãa, ne zomã, la reezẽ rãamã ne kaamã, la wisdã ne parfẽ-rãmbã yelle.

Yikri 25:9

Bɩ yãmb maan sɛk zĩigã ne a teedã fãa tɩ zems wa mam sẽn na n wilg foomã.»

Yikri 27:9

«Maan sɛk zĩigã zaka. Maan zakã kɩreng ning sẽn teesd nug-goabgã ne lamd gĩs-bãanega. A kɩreng a yembrã woglem tog n yɩɩ kãntɩɩg koabga.

Yikri 38:17

Ra-lugds nins sẽn gũbg zakã soga taab ne wanzuri bãense. B bola bãmb pugli wã ne wanzuri, la b naoã maana ne zũudu.

Yikri 38:21

Ad sɛk roogã sẽn yaa kaset roogã meeb gɛɛla. Gɛɛlã zemsa wa a Moyiis sẽn kõ Leevi nebã noor tɩ b maanã. Maan-kʋʋd a Aarõ biig a Itamaar n soog a yellã.

Sõadga 3:36

Meraari buudã n dag n get sɛk roogã ra-pegdã, a ra-paadsã, ne a ra-lugdsã ne b tebendsã yelle, ne teed a taabã fãa yelle.

Sõadga 3:8

Bãmb na n gesa sɛk roogã teed fãa yelle, la bãmb n na n deega Israyɛll nebã zĩig n ges sɛk roogã tʋʋm yelle.

Sõadga 4:31

Ad tʋʋm nins bãmb sẽn tog n maan sɛk roogã zak pʋgẽ: Bãmb n na n tʋkd sɛk roogã ra-pegdã, a ra-paadsã, a ra-lugdsã ne b tebendsã,

Sõadga 4:33

Tʋʋmd ning a Meraari yagensã sẽn maand sɛk roogã zak pʋgẽ wã la woto. La yaa maan-kʋʋd a Aarõ biig a Itamaar n yaa bãmb taoor soaba.»

Sõadga 7:1

Daar ning a Moyiis sẽn ti sɛk roogã n sɛ wã, a rɩka kaam n pʋdg sɛk roogã zugu, ne a teedã fãa zutu, tɩ b lebg Sẽn-Ka-Saab rẽnda. La a pʋdg kaamã tẽn-kugrã ne a teedã fãa zutu, tɩ lebg Sẽn-Ka-Saab n so.

Sõadga 7:8

La yẽnda kõo Meraari yagensã saar-dãmb a naase, la niig a nii, tɩ b tõe n maan b tʋʋmd sɛk roogã pʋgẽ. La yaa maan-kʋʋd a Aarõ biig a Itamaar n yaa bãmb taoor soaba.