Sõadga 4:15 - WẼNNAAM SEBRE 2014

¹⁵ La yikr fãa wakate, yaa a Aarõ ne a kom-dibli wã n tog n deng n wa vil zĩ-sõngã teedã ne a te-tũudsã n sɛ, tɩ Kehat yagensã yaool n wa tʋk-ba. Bala, a Kehat yagensã ka tog n sɩɩs zĩ-sõngã teedã meng ye. B sã n sɩɩse, b na n kiime. Yaa a Kehat yagensã n na n tʋkd zĩ-sõngã pʋgẽ teedã.

SEBR SÕNGO

¹⁵ Yikr sã n ta, a Aarõ ne a kamba pinda teeda fãa t'a Keyat kamba wa tʋk n looge. Rooga sã n ket n yɛs a zĩigẽ b pa saagd n sɩɩs bũmb ye. Yɩta b kũum. Sɛka roog teed niyns a Keyat kamba sẽn tõe n sɩɩs la sẽn wilgã.

Sõadga 4:15 Iomraidhean Croise

2 Sãmwɛlle 15:24

La maan-kʋʋd a Sadok me rag n bee be, la Leevi buudã rag n bee ne yẽnda, n zãad Wẽnnaam kaoolã koglgã. La Leevi nebã sika kaoolã koglgã n dɩgle, la maan-kʋʋd a Abiyataar yikame n yals n maan maoong hal tɩ nebã fãa sẽn yit tẽngã pʋgẽ wã wa loog zãnga.

2 Sãmwɛlle 6:13

Neb nins sẽn tʋk kaoolã koglgã sã n kẽn n maan nao-yakem a yoobe, a Davɩɩd kʋʋda loalga, ne lull sẽn nob n tar kaam n maan maoongo.

1 Rĩm-dãmbã 8:3

La Israyɛll kãsem-dãmbã fãa sẽn na n wa wã, tɩ rag n yaa maan-kʋʋdbã n tʋk kaoolã koglgã.

1 Kibayã 15:15

Leevi nebã palga Wẽnnaamã kaoolã koglgã b bãgdẽ ne ra-tuiidsi, wa sẽn zems Sẽn-Ka-Saab sẽn dag n wilg a Moyiis t'a yeelã.

1 Kibayã 15:2

La a yeelame: «Yaa Leevi nebã bal n tog n tʋkd Wẽnnaam kaoolã koglgã, bala, yaa bãmb la Sẽn-Ka-Saab yãk yã, tɩ b na n tʋkd Wẽnnaam kaoolã koglgã la b get a yell wakat fãa.»

1 Kibayã 23:26

Woto, ka leb n yaa Leevi buudã n dag n tog n dɩkd sɛk roogã, la b get Sẽn-Ka-Saab roogã teed yell yɛs ye.

Yikri 19:12

Wilg nebã tãngã tiiri, tɩ b bãng b sẽn ka tog n gãndgã, la f yeel-b tɩ b gũus b mens n da wa rʋ tãngã, wall sɩɩs a pendã ye. Sẽn sɩɩs-a tãngã, bɩ b kʋ-a.

Yikri 19:21

Sẽn-Ka-Saab yeela a Moyiis yaa: «Sig n keoog nebã tɩ b ra wa yɩ tao-tao n kolg Sẽn-Ka-Saab n na n gese, tɩ neb wʋsg bãmb sʋkã wa sãam ye.

Yikri 27:7

Bɩ y tui ra-bɩlmã tuiidsã pʋsẽ, tɩ ra-bɩlmã zĩnd tẽn-kugrã kɩrems a yiibã fãa a zãabã yĩnga.

Maan‑kʋʋre 16:13

A tog n yãka wisdã n ning bugmã zug Sẽn-Ka-Saab taoore, tɩ wisdã bug-zõos lud bas-taal zĩigã sẽn be koglgã limdã zugã. Woto, yẽnda ka na ki ye.

Sõadga 1:50

Bɩ f rɩk kaoolã sɛk roogã ne a teedã fãa yell gesgo, n kõ Leevi buudã. La yaa bãmb n na n tʋkd sɛk roogã ne a teedã fãa, la b maand sɛk roogã pʋgẽ tʋʋmde. La bɩ b ti b fu-rotã n gũbg sɛk roogã.

Sõadga 1:51

Yãmb sã n na n yik n looge, yaa Leevi buudã nebã n tog n viig sɛk roogã. La yãmb sã n ta y sik zĩigẽ, leb n yaa bãmb n tog n ti sɛk roogã. La ned sẽn ka Leevi buudã ned sã n kolg be, bɩ b kʋ-a.

Sõadga 10:21

Rẽ poore, yaa Kehat yagensã sẽn yaa Leevi roogã neb n tʋkd zĩ-sõngã pʋgẽ teedã n pʋgle. B rag n tog n tii sɛk roogã n sɛ, sẽn deng a Kehat yagensã waoongo.

Sõadga 18:3

Leevi buudã sẽn yaa fo saam-biisã na n maana fo sẽn date, la b maan sɛk roogã tʋʋma. La bãmb ka tog n kolg bũmb nins sẽn welg toorã, wall tẽn-kugrã ye. Woto, bãmb ne yãmb ka na n ki ye.

Sõadga 3:38

A Moyiisi, a Aarõ ne a kom-dibli wã rag n tii b fu-rotã yaanga, sɛk roogã neng taoore. Bãmb n dag n get sɛk roogã tʋʋm yelle, Israyɛll nebã yʋʋr yĩnga. La nin-zaalg sã n kolg be, b tog n kʋ-a lame.

Sõadga 4:14

La bɩ b rɩk maan-kʋʋrã tʋʋmã teed fãa n dogl a zugu: yaa wisd yõogr laasã, kõsdsã, pɛll-dãmba, ne laasã b sẽn tar n kokd zɩɩmã. La b rɩk gãn-taokã n lud b fãa, n yaool n dɩk ra-bɩlmã n tui tẽn-kugrã tuiidsẽ wã, tɩ b tõe n dɩk-a.

Sõadga 4:19

Ad yãmb sẽn na n maan bũmb ning tɩ Kehat yagensã ra wa ki zĩ-sõngã teed yell gesg pʋgẽ ye: Bɩ foom a Aarõ ne f kom-dibli wã tall bãmb ned kam fãa n kẽng a zĩigẽ, n tɩ wilg-a a tʋʋmde, la teoog ning a sẽn tog n tʋke.

Sõadga 4:20

Woto, bãmb ka na n tol n saag n kẽ n ges teed nins sẽn welg toorã, bala, yaa rẽnda n tõe n wa ne b kũum.»

Sõadga 7:9

La a Moyiis ka kõ Kehat yagensã bũmb ye. Bala, yaa bãmb n get zĩ-sõngã pʋgẽ teedã yelle, la b rag n tog n zɩɩ te-bãmb b bãgdẽ.

Yaoolem 31:9

A Moyiis gʋlsa tõ-kãensã fãa n kõ a Leevi buudã neb nins sẽn yaa maan-kʋʋdb n zãad Sẽn-Ka-Saab kaoolã koglgã, ne Israyɛll kãsem-dãmbã.

Zozuwe 4:10

Maan-kʋʋdb nins sẽn tʋk kaoolã koglgã kell n yalsa Zʋrdẽ kʋɩlgã tẽn-sʋka, hal tɩ b maan bũmbã fãa wa Sẽn-Ka-Saab sẽn dag n yeel a Zozoe t'a yeel nebã tɩ b maanã. La kell n yɩɩ wa a Moyiis sẽn dag n wilg a Zozoe wã. Dẽ, nebã rʋʋga kʋɩlgã tao-tao.

1 Sãmwɛlle 6:19

Sẽn-Ka-Saab kʋʋ Bɛt-Semees neb kẽere, b sẽn lɩk n ges Sẽn-Ka-Saab kaoolã koglgã pʋgẽ wã yĩngã. Neb tus pis-nu wã sʋka, bãmb kʋʋ neb pis-yopoe. Nebã sũyã sãama hal wʋsgo, Sẽn-Ka-Saab sɩbgrã sẽn yɩ toog wʋsgã yĩnga.