Sõadga 32:4 - WẼNNAAM SEBRE 2014

⁴ Sẽn-Ka-Saab sẽn kɩt tɩ Israyɛll nebã tõogã yaa tẽms sẽn yaa sõama ne rũms gʋʋlgo. La tõnd me la sẽn yaool n tar rũmsã la.»

SEBR SÕNGO

⁴ Yaa tẽns Soaala-Wẽnd sẽn wẽ n kõ a Israyɛl la sẽn tog ne rũms gʋʋlgo la y yemsa tara rũms wʋsgo.

Sõadga 32:4 Iomraidhean Croise

1 Kibayã 4:41

La Zʋʋda rĩm a Ezekɩyaas wakatẽ wã, b sẽn gʋls neb nins yʋy sebrã pʋgã wa n sãama fu-rotã ne b soondgã zĩis sẽn dag n be beenẽ wã, la b kʋ tẽngã neb gill tɩ b menem hal tɩ ta rũndã. Dẽ, b reega bãmb zĩig n zĩnd beenẽ, bala, wãbneg zĩis rag n bee beenẽ b rũm-bãoonegã yĩnga.

Zeremi 50:19

Mam na n talla Israyɛll nebã n lebg n wa b tẽngẽ wã. Bãmb na n dɩɩ Karmell ne Basã koodã, la b na n dɩɩ Efrayiim soolem ning sẽn be tãms sʋkã ne Galaadã bɩle n tɩge.

A Miise 7:14

Dɩk-y y dasaarã n tɛ y nebã, yãmb nebã yaa yãmb n so, Bãmb zĩ b yembr kãgrẽ, tɩ b pʋtã gũbg-ba. Tall-y-b wa pĩndã, n tɩ wãbneg Basan ne Galaad tẽmsã mo-maasẽ wã.

Sõadga 21:24

La Israyɛll nebã tõoga Amoor-dãmbã n deeg b tẽngã, sẽn sɩng ne Arno kʋɩlgã n tɩ tãag Yaaboke, n ta Amo nebã tẽngã toadga, bala, Amo nebã tẽngã toadgã rag n meeme n gũbgi.

Sõadga 21:34

La Sẽn-Ka-Saab yeela a Moyiis yaa: «Da zoe Basan naab a Oog ye! Bala mam na n kɩtame tɩ f tõog yẽnda ne a nebã fãa, ne a tẽngã zãnga. Fo na n maana yẽnda wa fo sẽn da maan Amoor-dãmbã naab a Sihon sẽn dag n be Hɛsbondã.»

Sõadga 21:35

Israyɛll nebã tõoga naab a Oog ne a kom-dibli wã, la a tãb-biisã fãa. Bãmb kʋ-b-la zãnga, n ka bas tɩ ned ba a yembr põs ye. La bãmb deega a tẽngã n sooge.

Sõadga 32:5

Dẽ, bãmb leb n yeela a Moyiis yaa: «Tõnd kotame tɩ y sak kõ-d noor tɩ d soog tẽn-kãngã, la y ra kɩt tɩ d kẽng Zʋrdẽ kʋɩlgã rʋʋnd ye.»

Yaoolem 4:38

Bãmb diga bu-kãsems sẽn tar pãng n yɩɩd yãmba, n deeg b tẽmsã n kõ yãmb tɩ y soog wa bãmb sẽn maand rũndã wã.