Sõadga 32:23 - WẼNNAAM SEBRE 2014

²³ La yãmb sã n ka maan a woto, yaa Sẽn-Ka-Saab la y beeg yã. La bɩ y bãng tɩ y yel-wẽnã sɩbgrã na n lʋɩ y zugu.

SEBR SÕNGO

²³ La y sã n ka maan boto, yaa Soaala-Wẽnd la y na n beege, yaa bãmb taal la y na n paame.

Sõadga 32:23 Iomraidhean Croise

Sɩngrẽ 13:13

Sodom tẽngã neb rag n yaa nin-wẽns meng-menga, la b maanda yel-wẽn n beegd Sẽn-Ka-Saabo.

Sɩngrẽ 4:7

Fo sã n maan sẽn yaa sõama, f na n tõog n zẽka f zugu, la f sã n ka maan sẽn yaa sõama, yel-wẽnã wũga fo rignoorẽ, la a rat n sooga foom, bee ne foom tɩ f tõog-a.»

Sɩngrẽ 44:16

La a Zʋʋda leokame: «Mam na n yeela m soaalã tɩ bõe? Mam na n gomame n yeel tɩ bõe? Tõnd na n maana bõe n wilg tɩ d ka beege? Yaa Wẽnnaam n puk tõnd beegrã. Ad tõndo, tõnd lebga yãmb yembse, tõnd ne b sẽn yãnd wũmblã ned ning nengẽ wã.»

2 Sãmwɛlle 3:39

Baa ne b sẽn pʋdg mam zug rĩung kaam tɩ m lebg rĩmã, mam ket n ka tar pãng ye. La nin-bãmbã sẽn yaa a Seruza kambã nen-keglem yɩɩda maam. Ned ning sẽn maan-a wẽnga, bɩ Sẽn-Ka-Saab rol yẽnda wa sẽn zems wẽng ning a sẽn maanã.»

1 Rĩm-dãmbã 2:32

Sẽn-Ka-Saab na n kɩtame t'a Zoaab yellã pa a meng zugu. Bala, yẽnda rag n kʋʋ neb a yiib sẽn yaa nin-tɩrse, la nin-sõamyã n yɩɩd yẽnda, tɩ m ba a Davɩɩd ka bãng ye. Yaa a Neer biig a Abneer sẽn dag n yaa Israyɛll tãb-biisã naabã, ne a Yetɛɛr biig a Amasa sẽn dag n yaa Zʋʋda tãb-biisã naabã.

1 Rĩm-dãmbã 2:33

Bɩ nin-bãmbã b yiibã yell zĩnd a Zoaab ne a yagensã zug wakat sẽn kõn sa. La bɩ Sẽn-Ka-Saab kɩt tɩ rĩm a Davɩɩd ne b yagensã, la b buudã ne b rĩungã zĩnd ne bãan wakat sẽn kõn sa.»

Yɩɩn‑sõamyã 139:11

Mam sã n yeel likã t'a wa lill maam, yʋngã lebgda vẽenem n gũbg maam.

Yɩɩn‑sõamyã 140:11

Bɩ bug-saal rʋʋg b zutu! Bɩ b kɩt tɩ b lʋɩ bugmẽ, bɩ b lʋɩ bog-zulung pʋg n da tõog n leb n yi ye.

Yɩɩn‑sõamyã 90:8

Yãmb yɛdgda tõnd yel-wẽnã y taoore. Tõnd yel-solgdɩ wã yaa vẽenes yãmb taoore.

Yelbũna 13:21

Toog pʋgda yel-wẽn-maandbã, la naar yaa nin-tɩrsã keoore.

Yelbũna 24:16

Bala, nin-tɩrg tõe n lʋɩɩ naoor a yopoe, la a na n leb n yikame. La toog na n luba nin-wẽnga.

Yelbũna 5:22

Nin-wẽng lʋɩta a meng kongr pʋga. Yẽnda meng yel-wẽnã n wẽnegd n yõk-a.

A Ezayi 3:11

Nin-wẽng na n paama toogo! Ka na n yɩ sõama yẽnda yĩng ye. Bala, yẽnda na n deega a nus tʋʋmã yaoodo.

A Ezayi 59:12

Bala, tõnd beegrã yaa wʋsg yãmb taoore, la tõnd yel-wẽnã kõta kaset tɩ d ka zems ye. Tõnd beegrã bee ne tõndo, la tõnd mii d kongrã.

A Zonaase 1:7

La koglgã pʋg nebã goma ne taab n yeel yaa: «Wa-y tɩ d maan poeer n bãng sẽn yaa ned ning yĩng la yel-kãngã paamd tõndo.» La bãmb maana poeere, la poeerã wilgame tɩ yaa a Zonaase.

Rom Dãmba 2:9

Zʋɩf-rãmb pipi tɩ sẽn ka-b Zʋɩf-rãmbã pʋgda. Ned ning fãa sẽn maand wẽngã na n paama yel-pakre, la pelen-yɩgre.

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat-kãnga, Wẽnnaam n na n pẽg ned kam fãa.

Zozuwe 7:18

B kɩtame t'a Zabdi zakã rãmb kolg yembr-yembre, la poeerã yõka a Akã sẽn yaa Zʋʋda buudã nedã. A Akã yaa a Zeera biig a Zabdi biig a Karmi biigã.