Sõadga 32:22 - WẼNNAAM SEBRE 2014

²² la yãmb sã n zab n tõog tẽngã n yaool n lebg n kuili, wakat-kãnga, yãmb paama y meng Sẽn-Ka-Saab taoore, la Israyɛll nebã me taoore. La Sẽn-Ka-Saab taoore, soolem-kãngã na n lebga yãmb dẽnda.

SEBR SÕNGO

²² y sã n yaas tɩ bɛɛba fãa kong pãnga tɩ y yaool n leb y tẽngẽ, y kõn dɩ Wẽnd la Israyɛl taal ye, la y sẽn dat n kẽ tẽng ninga na yɩ Soaala-Wẽnd sẽn kõ yãmba.

Sõadga 32:22 Iomraidhean Croise

2 Sãmwɛlle 3:28

A Davɩɩd sẽn wʋm yellã, a yeelame: «Sẽn-Ka-Saab miime t'a Neer biig a Abneer kũumã taal ka rog maam ne m rĩungã zug ye.

Yɩɩn‑sõamyã 78:55

Wẽnnaam diga bu-zẽmsã bãmb taoore, n pʋɩ tẽngã n kõ bãmb tɩ b sooge, n kɩt tɩ Israyɛll buudã reeg bu-zẽmsã fu-rot n kẽ.

Maan‑kʋʋre 14:34

Yãmb sã n wa n ta Kana tẽngã mam sẽn kõ yãmb tɩ y soogã pʋgẽ, tɩ mam kɩt tɩ wãood bãag puk tẽngã roog zugu,

Sõadga 32:21

la neb nins fãa sẽn be ne yãmbã sã n dɩk b zab-teed n pɩʋʋg Zʋrdẽ kʋɩlgã Sẽn-Ka-Saab taoore, hal n tõog n dig bãmb bɛɛbã zãnga,

Yaoolem 3:20

hal tɩ Sẽn-Ka-Saab wa kõ yãmb saam-biisã zĩig wa b sẽn kõ yãmbã, tɩ b soog tẽng ning Sẽn-Ka-Saab sẽn yaa yãmb Wẽnnaamã sẽn na n kõ bãmb Zʋrdẽ kʋɩlgã rʋʋndã. Dẽ poore, yãmb ned kam fãa tõe n lebg n waa zĩig ning mam sẽn kõ yãmbã.

Zozuwe 1:15

Maan-y woto, hal tɩ Sẽn-Ka-Saab ges y ba-biisã yell wa b sẽn ges yãmb yellã, tɩ b na tõog n soog tẽng ning Sẽn-Ka-Saab sẽn yaa yãmb Wẽnnaamã sẽn kõt bãmbã. Rẽ zugẽ, yãmb na yaool n lebg n wa reeg soolem ning Sẽn-Ka-Saab tʋmtʋmd a Moyiis sẽn dag n kõ yãmb tɩ yaa y pʋɩɩrã sẽn be yaangã Zʋrdẽ kʋɩlgã rʋʋndã.

Zozuwe 10:30

Sẽn-Ka-Saab kɩtame tɩ Israyɛll nebã tõog Libna nebã ne b rĩmã n kʋ-b ne zabr sʋʋga, la b kʋ neb nins fãa sẽn dag n be tẽn-kãngã fãa. Bãmb ka bas ned ba a yembr tɩ põs ye. Yẽnda maana Libna rĩmã wa yẽnda sẽn dag n maan Zeeriko rĩmã to-to wã.

Zozuwe 10:42

A Zozoe tõoga rĩm-dãmb-kãens ne b tẽmsã wakat a ye pʋgẽ. Bala, Sẽn-Ka-Saab sẽn yaa Israyɛll Wẽnnaamã rag n zabd n sõngda Israyɛlle.

Zozuwe 11:23

Dẽ, a Zozoe tõog n deega tẽngã gill wa Sẽn-Ka-Saab sẽn dag n yeel a Moyiisã. La a Zozoe rɩka tẽngã n pʋɩ n kõ Israyɛll nebã wa sẽn zems b buudã sõore. La tẽngã zĩnda bãane, tɩ zabr ka leb n beẽ ye.

Zozuwe 13:8

Manaase buudã pʋɩ-sʋk a yembrã, ne Rubɛn buudã la Gaad buudã rag n zoe n deega b zĩis Zʋrdẽ kʋɩlgã yaanga, wa Wẽnnaam tʋmtʋmd a Moyiis sẽn dag n kõ-bã.

Zozuwe 18:1

Israyɛll nebã tigma taab Silo, n tilg b sɛk roogã beenẽ. Rẽ tɩ b zab n tõoga tẽngã zãnga.

Zozuwe 2:19

Ned ning sẽn na n yi-a fo roogã pʋg badaare, yaa yẽnda soab n bao a kũum, la taal ka be tõnd zug ye. La ned sã n kẽ fo roogã pʋg n sɩɩs neda, yel-kãng taal bee tõnd zugu.

Zozuwe 22:4

Dẽ wã, Sẽn-Ka-Saab sẽn yaa yãmb Wẽnnaamã sẽn sõng yãmb ba-biisã tɩ b zĩ ne bãan wa bãmb sẽn dag n kãab bãmbã, moasã, bɩ y lebg n kuil y tẽngẽ wã. Kẽng-y n tɩ zĩnd-y tẽng ning Sẽn-Ka-Saab tʋmtʋmd a Moyiis sẽn dag n kõ yãmb Zʋrdẽ kʋɩlgã rʋʋndã.

Zozuwe 22:9

Rubɛn nebã ne Gaad nebã la Manaase buudã pʋɩ-sʋkã basa Israyɛll nebã Sɩlo sẽn be Kana soolmẽ wã n lebg n leb Galaad soolmẽ wã, tẽng ning Sẽn-Ka-Saab sẽn dag n gom ne a Moyiis t'a kõ-b tɩ b soogã.