Sõadga 32:13 - WẼNNAAM SEBRE 2014

¹³ Dẽ, Sẽn-Ka-Saab sũurã puuga ne Israyɛll nebã, tɩ b kɩt tɩ b yeeb weoogã pʋgẽ, yʋʋm pis-naase, hal tɩ zamaan-kãng neb nins sẽn maan sẽn yaa wẽng Sẽn-Ka-Saab nifẽ wã fãa ki weoogã pʋgẽ zãnga.

SEBR SÕNGO

¹³ Wẽnd sũur puuga ne a Israyɛl tɩ b kɩt t'a gilim zĩ-peen-daagẽ wã yʋʋm pis-naase al tɩ sẽn ka tũ b Soaala raaba fãa wa looge.

Sõadga 32:13 Iomraidhean Croise

Yɩɩn‑sõamyã 107:4

Bãmb dag n yeebda we-raoogẽ wã, n pãrgd zĩ-peen-daagã, la b rag n ka ne sor sẽn dabd tẽng b sẽn tõe n tɩ kẽ ye.

Yɩɩn‑sõamyã 78:33

B kɩtame tɩ b rasmã loog wa sebgo, n kɩt tɩ b yʋʋmã lebg pelen-yɩka.

Yɩɩn‑sõamyã 95:10

Yʋʋm pis-naas pʋgẽ, zamaan-kãngã nebã maaname tɩ mam yam yi-ba. La mam yeelame: ‹Nin-bãmbã yamã menemame, tɩ b ka tol n mi mam datmã ye.› »

Yikri 16:35

La Israyɛll nebã rɩɩ mandã hal tɩ ta yʋʋm pis-naase, hal n wa n ta tẽng neb sẽn be. Bãmb dɩɩ mandã hal n ta wakat ning bãmb sẽn ta Kana soolmã toadgẽ wã.

A Amoose 2:10

Mam yaool n yiisa yãmb Ezɩpte, n tɛ yãmb we-raoogã pʋgẽ yʋʋm pis-naase, tɩ yãmb tõe n soog Amoor nebã tẽnga.

A Amoose 2:9

Mam yaool n sãama Amoor-dãmbã bãmb nifẽ, Amoor-dãmbã rag n zẽk n taa sɛɛdr tɩɩs woglem, tɩ b pãngã tat sɛn tɩɩse. La mam sãama b sẽn wom biis ninsã, la m võ b yẽgã me.

Sõadga 14:32

La yãmb mensã na n kii weoogẽ wã.

1 Korẽnt rãmba 10:5

La bãmb neb wʋsg ka ta Wẽnnaam yam ye. Bala, b kii weoogẽ wã.

Yaoolem 2:7

Bala, Sẽn-Ka-Saab sẽn yaa yãmb Wẽnnaamã ninga bũmb ning fãa yãmb sẽn maandã barka. B yãnda y kẽnã fãa we-raoogã pʋgẽ ka. Yʋʋm pis-naas la woto, Sẽn-Ka-Saab sẽn yaa yãmb Wẽnnaamã sẽn be ne yãmba, la bũmb ka paoog yãmb ye.»

Bʋ-kaoodba 2:14

Sẽn-Ka-Saab sũur puuga ne Israyɛll nebã, la b basame tɩ fãadb fã-ba. Sẽn-Ka-Saab basame tɩ Israyɛll nebã lʋɩ b bɛɛbã sẽn gũbg bãmbã nusẽ, la bãmb dag n ka leb n tar pãng n na n tõog n zab ne b bɛɛbã ye.

Bʋ-kaoodba 2:20

La Sẽn-Ka-Saab sũur puuga ne Israyɛll nebã tɩ b yeele: «Bu-kãngã sẽn sãam mam kaoolã mam sẽn dag n gʋls n kõ b yaab-rãmbã, la b sẽn ka kelg mam goamã yĩnga,