Sõadga 30:13 - WẼNNAAM SEBRE 2014

¹³ La daar ning a sɩdã sẽn bãngã, a sã n gɩdg a pagã t'a ra pids a pʋlengã, bɩ a ra pids ye. Bala, yaa a sɩdã n gɩdg-a. La Sẽn-Ka-Saab ka na n ning-a taal ye.

SEBR SÕNGO

¹³ La sɩda sẽn bãng raare n yeel t'a pa sake, paga pʋlenga lebga bõn-faoogo, a sɩda sẽn pa saka yĩnga, Wẽnd taoore taal yi-la a zugu.

Sõadga 30:13 Iomraidhean Croise

Esdras 8:21

La tõnd sẽn wa n be Ahava kʋɩlgã noor beenẽ, mam yãka yam tɩ tõnd fãa na n loee noor n sik d mens tõnd Wẽnnaamã taoore, n kos-b tɩ b sõng tõnd tɩ d so-toakã yɩ sõama, tõnd ne d zagsã, la d laogã zãng yĩnga.

Yɩɩn‑sõamyã 35:13

La ne maam, bãmb ka-laafɩ wakate, mam yeelga sũ-sãang fuug n maan sũ-sãanga, mam sika m meng n loe noore, la m pʋʋsdame n ka basdẽ ye.

A Ezayi 58:5

Rẽ yĩnga, yaa no-loeer a woto buud la mam dat sɩda, yaa ned sẽn mongd a meng bũmb daar pʋgẽ? Yaa ned sẽn sulgd a zug wa tãnwĩiga, la a yeelg bot n gãe tompeglmẽ la? Rẽ yĩnga, yãmb boonda yõwã tɩ no-loeere? Yõwã yaa daar sẽn tat Sẽn-Ka-Saab yam sɩda?

Maan‑kʋʋre 16:29

Ad no-tũudg ning sẽn ka sɛtã, b sẽn kõ yãmb t'a tog n pa wakat fãa yĩngã. Kiuug a yopoe soabã rasem piig daare, bɩ y loe noore, la y bas y tʋʋmã fãa, sã n yaa tẽng-n-neda, wall sãan sẽn wa n be yãmb sʋka.

Maan‑kʋʋre 23:27

«Kiuug a yopoe soabã rasem piigã daare, na n yɩɩ yel-wẽnã sugr kosg daare. La yãmb tog n maana tiging sẽn welg toore, n loe noore, la y maan maoong sẽn yõogd bugum n kõ Sẽn-Ka-Saabo.

Maan‑kʋʋre 23:32

Badaar na n yɩɩ vʋʋsg daar yãmb yĩnga, yãmb sẽn tog n vʋʋse. La yãmb tog n loee noore. La sẽn sɩng ki-kãng rasem a wɛ wã daar zaabre, maan-y vʋʋsg daarã tigr n tɩ tãag vẽkembeoogã zaabr ning sẽn pʋgdã.»

Sõadga 29:7

Kiuug a yopoe soabã rasem piigã daare, yãmb tog n tigma taab n loe noor n waoog maam, la y ka tog n tʋm badaar ye.

Sõadga 30:12

t'a sɩdã bãnge, n ka yeel-a tɩ bũmbu, pagã tog n pidsa a pʋlengã.

Sõadga 30:14

Pag sã n maan pʋlengo, wall a wẽen n yeel t'a ka na n maan bũmbu, a sɩdã tara noor tɩ sake, wall a gɩdg-a t'a ra pids a pʋlengã ye.

1 Korẽnt rãmba 11:3

Mam yaool n datame tɩ yãmb bãng tɩ Kiris yaa rao fãa Zu-soaba, la dao yaa pag zu-soaba, la tɩ Wẽnnaam yaa Kiris Zu-soaba.

1 Korẽnt rãmba 11:9

La b ka naan rao pag yĩng ye, yaa pag la b naan dao yĩnga.

1 Korẽnt rãmba 7:5

Bɩ ned fãa ra mong a to, sã n ka tɩ y zemsa taab noore, wakat bilf yĩnga, tɩ y tõe n paam weer n pʋʋs Wẽnnaam. Rẽ sã n loog bɩ y leb n bao taaba, t'a Sʋtãan da wa n mak yãmba, y sẽn ka tõe y meng yĩng ye.