Sõadga 28:9 - WẼNNAAM SEBRE 2014

⁹ La vʋʋsg daarã, yãmb na n talla yʋʋmd pe-ribli a yiib sẽn ka tar zanga, n wa maan maoongo. Yãmb tog n paasa ne zom wũmbli a yoob sẽn nag ne kaam, la ne reezẽ rãam.

SEBR SÕNGO

⁹ Vʋʋsg daare b wata ne yʋʋmd yend pe-bi a yiibu sẽn ka tar bãnde. Maoonga tũnugda ne zom wam a yi sẽn nag ne kaam leens a yi n paas rãama.

Sõadga 28:9 Iomraidhean Croise

2 Rĩm-dãmba 4:23

A sɩdã sok-a lame: «Yaa noog tɩ f rabd Wẽnnaam daoã nengẽ rũndã? Bala, ka ki-paalga, leb n ka vʋʋsg daar me.» La pagã leok-a lame tɩ yell ka be ye.

2 Kibayã 2:3

Bala, mam dat n mee roog Sẽn-Ka-Saab sẽn yaa mam Wẽnnaamã yʋʋr yĩng n kõ-ba. Tɩ b tõe n yõogd tɩdar bãmb taoore, la tɩ b tõe n dɩgend kaset burã bãmb taoor wakat fãa, la b maan maand sẽn yõogd bugum bãmb taoor yibeoog ne zaabre, la vʋʋsg rayã, ne ki-paalã, la Sẽn-Ka-Saab tigã wakat wa Israyɛll nebã sẽn tog n maanã.

2 Kibayã 2:4

Roog ning mam sẽn na n me wã tog n yɩɩ kãsenga, bala, tõnd Wẽnnaamã yaa kãseng n yɩɩd wẽnnaam-dãmbã fãa.

2 Kibayã 8:13

La daar fãa, a Salmo rag n maanda maoong sẽn yõogd bugum, ne vʋʋsg rayã, la ki-paalsã, la Sẽn-Ka-Saab tigindã wakate, wa a Moyiis tõogã sẽn da wilg bũmb ningã.

A Ezayi 58:13

Yãmb sã n yõk y naoor vʋʋsg daarã, la y sã n ka tʋm y tʋʋmã mam daarã sẽn welg toorã daare, yãmb sã n maan sũ-noog ne vʋʋsg daarã, yãmb sã n dɩk Sẽn-Ka-Saab daarã tɩ yɩ daar sẽn segd ne waoogre, yãmb sã n waoog vʋʋsg daarã n ka maan y sẽn date, n ka tʋm y meng tʋʋmã, la y ka yals n bao gom-wogdo,

Ezekiyɛl 20:12

Sẽn paas me, mam kõo bãmb m vʋʋsg rayã tɩ yɩ bãnd maam ne bãmb sʋka, tɩ b tõe n bãng tɩ yaa maam a Zu-soab a Sẽn-Ka-Saab n welg bãmb toore.

Ezekiyɛl 46:4

Naabã sẽn na n maan maoong sẽn yõogd bugum n kõ Sẽn-Ka-Saab vʋʋsg daarã, tog n yɩɩ ne pe-bi a yoob sẽn ka tar zanga, ne pe-raoog sẽn ka tar zanga.

Sõadga 28:10

La vʋʋsg daar fãa, bɩ y maan maoon-kãng n paas daar fãa maoongã b sẽn maande, n naagd ne zom la reezẽ rãamã.

Sõadga 28:8

La zaabre, bɩ y rɩk pe-ribl a yiibẽ soabã n maan maoongo, la y paas reezẽ rãam lɩng a yembr la pʋɩ-sʋka, wa yãmb sẽn paas yibeoog maoongã. La a na n yɩɩ maoong sẽn yõogd bugum t'a yũugã yaa noog n tat maam a Sẽn-Ka-Saab yam.

Vẽnegre 1:10

Zu-soabã daare, Sɩɩg-sõng pida maam, la mam wʋma koe-kãseng sẽn wẽnd baorg koɛɛg m poorẽ.