Sõadga 28:7 - WẼNNAAM SEBRE 2014

⁷ La y sã n na n maan yibeoog pe-riblã maoongo, bɩ y paas reezẽ rãam litr a ye la pʋɩ-sʋka, tɩ b tall n wa ne Sẽn-Ka-Saab taoore.

SEBR SÕNGO

⁷ Yibeoog pe-bila sẽn tũnugd ne rãam ninga Soaala-Wẽnd yĩnga, sɛka roogẽ, yaa rã-toos wamde.

Sõadga 28:7 Iomraidhean Croise

Yikri 29:40

La ne dẽenem pe-bil a yembrã, bɩ f paas zom-bãaneg wũmbl a tãab la pʋɩ-sʋka, la bɛka sẽn kalem ne oliiv kaam yãmb sẽn wõde, litr a ye la pʋɩ-sʋk la bɛka, la reezẽ rãam litr la pʋɩ-sʋk la bɛka, tɩ yɩ bõn-yũudl kũun maoongo.

Yikri 29:42

A na n yɩɩ maoong sẽn yõogd bugum sɛk zĩigã noore, Sẽn-Ka-Saab taoor yãmb yagensã yĩng zamaan fãa, zĩig ning mam sẽn na n seg foom n gom ne foomã.

Yikri 30:9

Bɩ y ra yõog wisd yaar a zug ye. La bɩ y ra yõog maoong bɩ zom kũun a zug ye. La y ra pʋdg bõn-yũudl kũun a zug me ye.

A Ezayi 57:6

Yãmb pʋɩɩrã bee ko-soogã kug-saalã sʋka, yãmb pʋɩɩr la rẽndã. Yãmb daagda maand koom bãmb yĩnga, la y kõt bãmb maand sẽn yõogd bugum kũuni. Sẽn-Ka-Saab sokdame yaa: «Bõn-kãensã fãa tõe n belsa mam sũur sɩda?»

A Zowɛlle 1:13

Maan-kʋʋdba, sẽgn-y bot n yãb n wiisi! Tẽn-kug zĩisẽ tʋmtʋmdba, kelm-y-yã! Yãmb dãmb sẽn tʋmd mam Wẽnnaamã yĩngã, wa-y-yã, yeelg-y bot yʋngã tõre! Bala, b ka leb n wat ne bõn-koaadl kũuni, ne bõn-yũudl kũun tõnd Wẽnnaamã roogẽ ye.

A Zowɛlle 1:9

Bõn-koaadl kũuni, ne bõn-yũudl kũun ka leb n wat Sẽn-Ka-Saab roogẽ wã ye. Maan-kʋʋdbã sẽn tʋmd Sẽn-Ka-Saab yĩngã bee sũ-sãang pʋga.

A Zowɛlle 2:14

Ãnda n mi b sã n ka na n tek yam, wall b sã n ka na n ning bark b sã n wa pɩʋʋgdẽ? Wa-y ne bõn-koaadl kũuni, la bõn-yũudl kũuni, n wa kõ Sẽn-Ka-Saab sẽn yaa yãmb Wẽnnaamã.

Maan‑kʋʋre 1:9

La bɩ yẽnda pegs a pʋ-teedã ne a naoã ne koom, n kɩt tɩ maan-kʋʋdã yõog a fãa bugum tẽn-kugrã zugu. Rẽnda na n yɩɩ maoong sẽn yõogd bugum, yaa kũun b sẽn yõog bugum, t'a yũugã yɩ noog Sẽn-Ka-Saab yĩnga.

Maan‑kʋʋre 23:13

La sẽn paase, yaa bõn-koaadl kũuni, la tog n yɩɩ zom-bãaneg wamde, sẽn nag ne kaam tɩ yɩ kũun sẽn yõogd bugum t'a yaa yũ-noog Sẽn-Ka-Saab yĩnga, n leb n paas reezẽ rãam litr a yembr la pʋɩ-sʋka.

Sõadga 15:10

La b paas reezẽ rãam lɩms a tãabo, tɩ bõn-kãng yɩ yũ-noog sẽn tat mam yam.

Sõadga 15:5

La sã n yaa pe-ribl la yẽnda tall n wa n na n maan maoong sẽn yõogd bugmã, wall zems-n-taar maoongã, a tog n naaga ne reezẽ rãam lɩnga.

Sõadga 15:7

La a paas reezẽ rãam lɩms a yiibu, la bõn-kãng na n yɩɩ yũ-noog sẽn tat maam a Sẽn-Ka-Saab yam.

Sõadga 28:14

La yãmb sã na n wa ne reezẽ rãam kũuni, loalg fãa yaa reezẽ rãam lɩms a tãabo, la pe-raoog yaa lɩms a yiibu, la pe-ribl fãa yaa lɩng a ye la pʋɩ-sʋka. Woto yaa maoong b sẽn tog maan yʋʋmdã pʋgẽ kiuug fãa pipi daare.

Sõadga 28:31

La yãmb tog n maana maoon-kãngã, n paas daar fãa maoongã b sẽn maande, n naag ne a zomã, la a reezẽ rãamã. Bɩ y wa ne rũms sẽn ka tar zanga, n paas reezẽ rãamã b sẽn naagdã.

Sõadga 28:6

Daar fãa maoon-kãngã, sẽn yaa maoong sẽn yõogd bugum t'a yũugã sẽn yaa noogã tat mam yamã, na n kell n yɩɩ wa maoong ning b sẽn maan n kõ maam Sɩnayi tãngã zugã.

Sõadga 28:8

La zaabre, bɩ y rɩk pe-ribl a yiibẽ soabã n maan maoongo, la y paas reezẽ rãam lɩng a yembr la pʋɩ-sʋka, wa yãmb sẽn paas yibeoog maoongã. La a na n yɩɩ maoong sẽn yõogd bugum t'a yũugã yaa noog n tat maam a Sẽn-Ka-Saab yam.

Filip rãmba 2:17

La baa b sã n dɩk maam n bas wa b sẽn basd koom maoong zĩigẽ, n paas maam ne maoong ning la kũun nins yãmb sẽn kõt Wẽnnaam y sẽn tẽed bãmbã yĩnga, mam maanda sũ-noog ne bõn-kãnga, la m naagda yãmb fãa n kɩdemdẽ.