Sõadga 28:2 - WẼNNAAM SEBRE 2014

² t'a gom ne Israyɛll nebã n yeel-b yaa: «Ade, yãmb tog n talla y maandã ne y kũunã sẽn yõogd bugmã n wa kõ maam wa sẽn zems a wakate. La bõn-kãng na n yɩɩ yũ-noog sẽn tat maam a Sẽn-Ka-Saab yam.

SEBR SÕNGO

² t'a yeel Israyɛl kamba woto: «Modg-y la y ra bas tɩ wakata looge, tɩ y ka wa ne m kũuna ye. Ma me rɩɩb la bãmba la b yũ-nooga noogda m sũuri.

Sõadga 28:2 Iomraidhean Croise

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

1 Kibayã 23:31

Vʋʋsg rayã ne ki-paalsã la tigr rayã wakat me, b tog n maana maand sẽn yõogd bugmã fãa Sẽn-Ka-Saab taoore, wa sẽn zems tõog ning b sẽn kõ bãmbã.

2 Kibayã 23:18

Dẽ zugẽ, a Zehozada rɩka Sẽn-Ka-Saab roogã tʋʋmd yell n kõ maan-kʋʋdbã, la ne Leevi nebã. A Davɩɩd da welg-b lame n kõ ned kam fãa ne a tʋʋmd Sẽn-Ka-Saab roogã pʋgã, tɩ wa a Moyiis tõogã sẽn gʋls to-to wã, bɩ b maand maoong sẽn yõogd bugum ne yɩɩl la sũ-noogo.

2 Kibayã 31:3

Rĩmã rag n yãka pʋɩɩr a paoongã pʋg n kõ tɩ b na n maand yibeoog ne zaabr maoong sẽn yõogd bugmã, ne vʋʋsg rayã maandã, la ki-paalã maandã b sẽn maand wa sẽn zems Sẽn-Ka-Saabã tõogã sẽn gʋlsã.

Esdras 3:2

La maan-kʋʋd a Yosadak biig a Zozoe ne a saam-biisã sẽn yaa maan-kʋʋdbã, ne a Seyaltiyɛll biig a Zorobabɛll ne a saam-biisã yikame n lebs n me Israyɛll Wẽnnaamã tẽn-kugrã, n na n maan maoong sẽn yõogd bugum beenẽ, wa sẽn gʋls Wẽnnaam dao a Moyiis tõogã pʋgẽ wã.

Esdras 3:3

Baa ne bãmb sẽn dag n zoet tẽngã nebã sẽn be tẽngã pʋgã, bãmb lebs n mee tẽn-kugrã a pĩnd zĩigẽ wã. La bãmb maana maand sẽn yõogd bugum beenẽ yibeoog ne zaabre, n kõ Sẽn-Ka-Saabo.

A Neemi 10:34

Rẽ na n sõngame tɩ b ra bur n ning Wẽnnaam doogẽ wã, la b maan maand sẽn yõogd bugum, ne bõn-koaadl kũun daar fãa, la vʋʋsg daarã maoongo, la ki-paalgã tigr kũuni, wall tig a taaba. Sõng-kãngã leb n tõe n daa bũmb a taab n kõ Wẽnnaam, a leb n tõe n yɩɩ maoong Israyɛll nebã beegr sugr kũun yĩnga, la a tõe n sõnga ne tõnd Wẽnnaam doogã tʋʋmã fãa yĩnga.

Yɩɩn‑sõamyã 81:3

Pʋd-y yɩɩla, la y wẽ sɩlsãgse, la y wãag ruudg n maan noogo, la y wẽ kʋnde!

Yikri 23:15

Maan bur sẽn ka rã-bɩll tigr rasem a yopoe, n dɩ bur sẽn ka rã-bɩll wa mam sẽn yeel foom wakat ning mam sẽn yãk bõn-bɩʋʋng kiuugã pʋgẽ wã, bala, yaa ki-kãng pʋgẽ la fo yi Ezɩpte. Ned ka tog n wa mam taoor nug-zaal ye.

Yikri 29:18

n yõog pe-raoogã b sẽn beesã fãa ne bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.

Ezekiyɛl 16:19

Ad bũmb ning sẽn maane: Fo rɩka m dɩɩbã mam sẽn dag n kõ foomã, ne zom-bãanegã la kaamã ne sɩɩdã mam sẽn dag n tar n dɩlgd foomã, n tɩ kõ wẽn-naandsã, tɩ yɩ kũun sẽn tar yũ-noog b yĩnga. Maam a Zu-soab a Sẽn-Ka-Saab n yeele.

Ezekiyɛl 20:41

Mam sã n wa yiis yãmb buud a taabã sʋka, la m yiis yãmb tẽms nins yãmb sẽn dag n sãeeg n be b pʋsẽ wã n wa tigme, mam na n deeg-y-la wa kũun sẽn tar yũ-noogo. Mam na n tũnuga yãmb n wilg m sõmblmã yãmb sʋka, tɩ buud a taabã fãa yãnde.

Ezekiyɛl 45:17

Naabã n na n maan maand sẽn yõogd bugmã, ne bõn-koaadl kũunã, la bõn-yũudl kũunã, tigã zĩisẽ, ki-paalã tig zĩisẽ, ne vʋʋsg rayã wakate, n paas tig nins fãa Israyɛll buudã sẽn na n maanã pʋse. Yẽnda n na n maand yel-wẽnã sugr kosg maoongã, la a kõt bõn-koaadl kũunã, ne maoong sẽn yõogd bugmã, la zems-n-taar maandã, sẽn na n yɩl n yiis Israyɛll buudã yel-wẽnã.»

Maan‑kʋʋre 1:13

La bɩ a pegs rũngã pʋ-teedã ne a naoã ne koom, tɩ maan-kʋʋdã rɩk fãa n yõog bugum tẽn-kugrã zugu. Rẽndã na n yɩɩ maoong sẽn yõogd bugum, t'a yũugã yɩ noog Sẽn-Ka-Saab yĩnga.

Maan‑kʋʋre 1:17

Bɩ a gãd a pɩgsã, n pãrg-a, la a ra fãsg-a ye. La maan-kʋʋdã na n deeg-a lame n dogl raadã b sẽn yõgen bugum tẽn-kugrã zugã zugu. Rẽndã na n yɩɩ maoong sẽn yõogd bugum, n yaa kũun b sẽn yõog bugum, t'a yũug yɩ noog Sẽn-Ka-Saab yĩnga.

Maan‑kʋʋre 1:9

La bɩ yẽnda pegs a pʋ-teedã ne a naoã ne koom, n kɩt tɩ maan-kʋʋdã yõog a fãa bugum tẽn-kugrã zugu. Rẽnda na n yɩɩ maoong sẽn yõogd bugum, yaa kũun b sẽn yõog bugum, t'a yũugã yɩ noog Sẽn-Ka-Saab yĩnga.

Maan‑kʋʋre 21:6

Bãmb tog n yɩɩ pʋ-peelem dãmb b Wẽnnaamã yĩnga, la b ra paoog b Wẽnnaamã yʋʋr ye. Bala, bãmb n wat ne rɩɩb kũun b Wẽnnaamã yĩnga, n maand maand sẽn yõogd bugum n kõt Sẽn-Ka-Saabo. Bãmb tog n yɩɩ pʋ-peelem dãmba.

Maan‑kʋʋre 21:8

Bɩ y geelg maan-kʋʋd wa ned sẽn welg toore, bala, yaa yẽnda n kõt yãmb Wẽnnaamã kũunã. Yẽnda tog n yɩɩ pʋ-peelem soab fo yĩnga, bala, maam a Sẽn-Ka-Saab yaa pʋ-peelem soaba, la yaa maam n kɩt tɩ yãmb yaa pʋ-peelem dãmba.

Maan‑kʋʋre 3:11

Bɩ maan-kʋʋdã yõog bõn-kãens fãa bugum tẽn-kugrã zugu. Rẽndã yaa rɩɩb b sẽn yõogd bugum Sẽn-Ka-Saab yĩnga.

Malasi 1:12

La yãmba, yãmb paoogda maam n yetẽ: ‹Zu-soabã tẽn-kugrã yaa rẽgdo, la a sẽn wat ne rɩɩb ningã yaa bõn-zaalga.›

Malasi 1:7

Ade, yãmb tallda rɩ-rẽgd n wat m tẽn-kugrã zugu. La y yaool n sokdẽ: ‹Tõnd maana bõe n dẽgem yãmba?› Yaa yãmb sẽn yeel tɩ Sẽn-Ka-Saab tẽn-kugrã yaa bõn-zaalgã.

Sõadga 15:3

n wa rat n maan maoong n kõ Sẽn-Ka-Saabo, sã n yaa maoong sẽn yõogd bugum, wall yaa zems-n-taar maoongo, ka rẽ bɩ pʋleng pidsg maoongo, wall y yamleoog kũuni, wall tigr daar maoongo, bɩ y yãk y rũm-bɛdã, bɩ y rũm-bãoonegã sʋk n maan maoongã, tɩ yɩ yũ-noog sẽn tat Sẽn-Ka-Saab yam.

Sõadga 15:7

La a paas reezẽ rãam lɩms a yiibu, la bõn-kãng na n yɩɩ yũ-noog sẽn tat maam a Sẽn-Ka-Saab yam.

Sõadga 28:1

Sẽn-Ka-Saab yeela a Moyiisi,

Sõadga 29:39

Yaa maoon-kãensã la y na n maand tigr fãa n kõt maam a Sẽn-ka-Saabo, n paas daar fãa maandã, ne a zomã sẽn nag ne kaamã, la a reezẽ rãamã. La y tõe n paasa y zems-n-taar maoongã ne y pʋleng pidsg maoongã.

Sõadga 9:13

La ned sã n zãgs n ka maan Pak tigrã, n yaool n yaa yɩlemde, la a ka tog sor me, bɩ b yiis a soab Israyɛll buudã sʋka. Bala, yẽnda sẽn ka wa ne kũun n wa kõ Sẽn-Ka-Saab wa sẽn zems wakat ning b sẽn yãkã, yẽnda beegame.

Sõadga 9:7

La bãmb yeela a Moyiis yaa: «Tõnd sɩɩsa kũum n dẽgem d mense, n ka leb n tar noor tɩ tall d kũunã n wa kõ Sẽn-Ka-Saabo, wa Israyɛll neb a taabã sẽn maandã ye. Dẽ wã, tõnd na n maana a wãna?»

2 Korẽnt rãmba 2:15

Sɩd me, tõnd yaa wa wisd sẽn tar yũ-noog Kiris sẽn dɩk n kõ Wẽnnaam, tɩ tõnd be neb nins sẽn paam fãagrã, la neb nins sẽn na n sãamã sʋka.

Efɛɛz Rãmba 5:2

la y kẽn nonglem pʋga, wa Kiris me sẽn nong tõndo, n kõ b meng tõnd yĩng tɩ yɩ kũun la maoong sẽn yaa wa kaam sẽn tar yũ-noog n tat Wẽnnaam yam.

Filip rãmba 4:18

Mam deega fãa la m tara wʋsgo. Mam sẽn deeg bũmb nins yãmb sẽn tʋm a Epafordit t'a kõ maamã, mam tarame tɩ sek n gɩmbe. Kũun-kãens yaa wa kaam sẽn tar yũ-noogo, la maoong Wẽnnaam sẽn deegda la sẽn tat bãmb yam.