Sõadga 28:11 - WẼNNAAM SEBRE 2014

¹¹ Kiuug fãa pipi daare, yãmb na n maana maoong sẽn yõogd bugum n kõ maam a Sẽn-Ka-Saabo. Maoon-kãng yaa lulli a yiibu, ne pe-raoog a ye, la yʋʋmd pe-ribli a yopoe sẽn ka tar zanga.

SEBR SÕNGO

¹¹ Kiuug fãa sɩngrẽ, yaa yũ-noog maoong la y na n kʋ ne lols a yiibu, pe-raoog a ye la yʋʋmd yɛng pe-bi a yopoe la fãa yɩta rũms sẽn ka tar bãnde.

Sõadga 28:11 Iomraidhean Croise

2 Rĩm-dãmba 4:23

A sɩdã sok-a lame: «Yaa noog tɩ f rabd Wẽnnaam daoã nengẽ rũndã? Bala, ka ki-paalga, leb n ka vʋʋsg daar me.» La pagã leok-a lame tɩ yell ka be ye.

1 Kibayã 23:31

Vʋʋsg rayã ne ki-paalsã la tigr rayã wakat me, b tog n maana maand sẽn yõogd bugmã fãa Sẽn-Ka-Saab taoore, wa sẽn zems tõog ning b sẽn kõ bãmbã.

2 Kibayã 2:3

Bala, mam dat n mee roog Sẽn-Ka-Saab sẽn yaa mam Wẽnnaamã yʋʋr yĩng n kõ-ba. Tɩ b tõe n yõogd tɩdar bãmb taoore, la tɩ b tõe n dɩgend kaset burã bãmb taoor wakat fãa, la b maan maand sẽn yõogd bugum bãmb taoor yibeoog ne zaabre, la vʋʋsg rayã, ne ki-paalã, la Sẽn-Ka-Saab tigã wakat wa Israyɛll nebã sẽn tog n maanã.

2 Kibayã 2:4

Roog ning mam sẽn na n me wã tog n yɩɩ kãsenga, bala, tõnd Wẽnnaamã yaa kãseng n yɩɩd wẽnnaam-dãmbã fãa.

2 Kibayã 8:13

La daar fãa, a Salmo rag n maanda maoong sẽn yõogd bugum, ne vʋʋsg rayã, la ki-paalsã, la Sẽn-Ka-Saab tigindã wakate, wa a Moyiis tõogã sẽn da wilg bũmb ningã.

Esdras 3:5

La rẽ zugẽ, bãmb kell n maana maoong sẽn yõogd bugum wakat fãa. Yaa ki-paalg tigr maoongo, ne tig nins fãa Sẽn-Ka-Saab sẽn yeel tɩ b maana maando, la yamleoog kũunã b sẽn kõt Sẽn-Ka-saabã.

A Neemi 10:33

Sã n yaa ne tõnd mensã, tõnd yiisa noore, n yeel tɩ yʋʋmd fãa, tõnd na n kõo wanzuri wakɩ-koɛɛng a yembre, tɩ yɩ tõnd Wẽnnaamã roog zãab yĩnga.

Yɩɩn‑sõamyã 40:6

Sẽn-Ka-Saab sẽn yaa mam Wẽnnaam, yãmb maana bõn-bãn wʋsgo, wa sẽn zems saagr ning yãmb sẽn tar tõnd yĩngã. Yãmb ka tol n tar mak-n-taag ye. Mam na n togsa bõn-kãnga, n leb n moon-a. Y tʋʋm-kãsemsã sõor yaa wʋsg tɩ ka tõe n sõd n sɛ ye.

Yɩɩn‑sõamyã 40:8

Dẽ, mam yeelame yaa: «Ade, mam wata ne seb-pindgã b sẽn gʋls mam yĩngã.»

Yɩɩn‑sõamyã 81:3

Pʋd-y yɩɩla, la y wẽ sɩlsãgse, la y wãag ruudg n maan noogo, la y wẽ kʋnde!

Yɩɩn‑sõamyã 81:4

Peeb-y baorg ki-paalgã pʋga, ki-peoolgã wakate, peeb-y baorg tõnd tigrã daare!

A Ezayi 66:23

Kiu-paalg woo kiu-paalga, la vʋʋsg daar woo vʋʋsg daare, bãmb fãa na n wa wõgemda mam taoore.» Maam a Sẽn-Ka-Saab n yeele.

Ezekiyɛl 46:1

Ade, Zu-soab a Sẽn-Ka-Saab yetame: «Pʋgẽ zakã rignoor sẽn tees yaang sẽnẽ wã tog n paga rasem a yoobã sẽn yaa tʋʋm dayã, n yaool n pak-a vʋʋsg daarã, ne ki-paalgã.

Ezekiyɛl 46:6

Ki-paalg yiib daare, naabã na n waa ne loalg sẽn ka tar zanga, ne pe-bi a yoob sẽn ka tar zãnga, la pe-raoog sẽn ka tar zãnga.

Ezekiyɛl 46:7

Loalgã tũnugda ne zom peoogo, pe-raoogã me tũnugda ne zom peoogo. Sã n yaa ne pe-bi wã, a kõta wa sẽn zems a paoongo. La zom peoog fãa paasda kaam lens a yiibu.

A Ooze 2:11

Woto yĩngã, mam na n lebs n deega m koodã ne m reezẽ rãamã b wakate. La m lebs n deeg m futã sẽn wʋg ne pe-kõbdã, la ne lamd gĩs-bãaneg fuugã sẽn dag n lut a yãndã.

Maan‑kʋʋre 1:13

La bɩ a pegs rũngã pʋ-teedã ne a naoã ne koom, tɩ maan-kʋʋdã rɩk fãa n yõog bugum tẽn-kugrã zugu. Rẽndã na n yɩɩ maoong sẽn yõogd bugum, t'a yũugã yɩ noog Sẽn-Ka-Saab yĩnga.

Maan‑kʋʋre 1:3

Yẽnda sã n dat n kõ naaf tɩ b maan maoong sẽn yõogd bugum, a tog n kõo loalg sẽn ka tar zanga. A tog n tall-a lame n kolg sɛk-zĩigã noore, tɩ Sẽn-Ka-Saab reege.

Maan‑kʋʋre 1:9

La bɩ yẽnda pegs a pʋ-teedã ne a naoã ne koom, n kɩt tɩ maan-kʋʋdã yõog a fãa bugum tẽn-kugrã zugu. Rẽnda na n yɩɩ maoong sẽn yõogd bugum, yaa kũun b sẽn yõog bugum, t'a yũugã yɩ noog Sẽn-Ka-Saab yĩnga.

A Amoose 3:5

Tãoog tõe n zĩnd tẽng n yõk liuul tɩ sã n ka b ninga bẽdgo? Tãoog ka fisgd tɩ sã n ka bũmb la a yõkɩ ye!

A Amoose 8:5

Yãmb yetame: «Rabʋr la ki-paalgã na n sɛ, tɩ d paam n koosd d koodã? La dabʋr la vʋʋsg daarã na n looge, tɩ d paam n fõgs d bao wã?» Tõnd na n wẽga d la-magdɩ wã, la d tall d zɩslem magdsã n zãmbe, la d rʋg d koosmã raaga.

Sõadga 10:10

Yãmb sũ-noog daare, ne y tigr daare, la y ki-paalg tigr wakate, bɩ y peeb y tãntãadã wakat ning yãmb sẽn maand maoong sẽn yõogd bugmã, ne y zems-n-taar maoongã. Woto, mam ka na n yĩm yãmb yell ye. Mam yaa Sẽn-Ka-Saab sẽn yaa yãmb Wẽnnaam.»

Sõadga 28:19

Yãmb tog n talla lulli a yi, la pe-raoog a ye, ne yʋʋmd pe-ribli a yopoe sẽn ka tar zãnga, n wa maan maoong sẽn yõogd bugum n kõ maam a Sẽn-Ka-Saabo.

Galat Rãmba 4:10

Yãmb tũuda rayã, kitã, wakatã la yʋʋmã.

Kolos Rãmba 2:16

Dẽ wã yĩnga, da sak-y tɩ ned kao yãmb bʋʋd ne yãmb sẽn dɩt bũmb ning wɛɛngẽ wall y sẽn yũud bũmb ninga, wall tigrã wall kiu-paalga wall vʋʋsg daar wɛɛngẽ ye.

Kolos Rãmba 2:6

Woto yĩnga, yãmb sẽn deeg Zu-soab a Zeezi Kirisã, kẽn-y ne bãmba.

1 Sãmwɛlle 20:5

Dẽ, a Davɩɩd leoka a Zonatã yaa: «Ade, beoog yaa ki-paalgã tigri, mam segd n zĩnda ne rĩmã n dɩ. Bas-m tɩ m kẽng weoogẽ wã n tɩ soond hal n tãag rayɩt zaabre.

1 Sãmwɛlle 9:12

La kom-pugli wã leokame: «N-yẽe! Yãtã renga yãmb taoor n wa. Kẽng-y tao-tao. B waa tẽngã pʋg rũndã. Bala, maoong maaneg n be maoongã kʋʋb zĩigẽ nebã yĩnga.