Sõadga 27:3 - WẼNNAAM SEBRE 2014

³ «Tõnd ba wã kii weoogã pʋgẽ. La yẽnda rag n ka naag a Koore ne a poorẽ dãmbã n kɩɩs Sẽn-Ka-Saab ye. Yẽnda ki a mengã kongr yĩnga. La a yaool n dag n ka paam bi-ribl ye.

SEBR SÕNGO

³ B yeela woto: «Tõnd ba maana kaalem zĩ-peen-daagẽ. A ra ka naag ne a Kore neba sẽn yik zabr ne Soaala zĩ-peen-daagẽ wã ye. A ka rɩ ned a to yel-wẽnd taal n ki ye. A yaool n ka rog bi-ribl ye.

Sõadga 27:3 Iomraidhean Croise

Ezekiyɛl 18:4

Ninsaalbã fãa yaa maam n so. Ba-rãmbã ne kambã fãa yaa maam n so. Yaa ned ning sẽn maan-a yel-wẽnã n na n ki.

Sõadga 14:35

Maam a Sẽn-Ka-Saab n yet yãmb woto. La mam yeta yãmb vẽenega, tɩ m na n maan-y-la wa m sẽn yeelã. Bala, yãmb yaa nin-wẽns buudu, la y naaga taab n kɩɩs maam. Yãmb fãa na n kii weoogã pʋga, la yãmb ned ba a yembr ka na n põs ye.»

Sõadga 16:19

A Koore tigma a poorẽ dãmbã fãa, n kɩt tɩ b wa yals a Moyiis ne a Aarõ taoor sɛk roogã noore. La wakat-kãng bala, Sẽn-Ka-Saab ziirã pukame tɩ nebã fãa yãnde.

Sõadga 26:33

A Efɛɛr biig a Selofaad ka paam bi-ribl ye. Yẽnda roga kom-pugli bala. Bãmb yʋyã la woto: Yaa a Mala, a Hogla, a Milka, a Noha ne a Tɩrsa.

Sõadga 27:2

Bãmb kẽnga a Moyiis ne maan-kʋʋd a Eleyazaare, ne Israyɛll buudã kãsem-dãmbã nengẽ, la nebã fãa taoor sɛk roogã noor n tɩ yeel yaa:

Sõadga 27:4

Dẽ yĩnga, tõnd ba wã yʋʋr na n menema a buudã neb sʋka, a sẽn ka tar bi-riblã yĩnga? Bɩ y kõ tõnd zĩig d ba wã ba-biisã sʋka!»

A Zã Sõng 8:21

A Zeezi leb n yeela bãmb yaa: Mam loogdame, la yãmb na n baoo maam, la yãmb na n kii y yel-wẽndã pʋgẽ. Yãmb ka tõe n wa mam sẽn kẽndẽ wã ye.

A Zã Sõng 8:24

Dẽnda n kɩt tɩ mam yeel yãmb tɩ y na n kii y yel-wẽnã pʋgẽ wã. Bala, yãmb sã n ka tẽed tɩ mam yaa m sẽn yaa a soabã, yãmb na n kii y yel-wẽnã pʋgẽ.

Rom Dãmba 5:12

Yaa woto yĩnga, a wa yel-wẽna sẽn wa dũni ned a yembr maasem yĩngã, tɩ yel-wẽnã wa ne kũum, tɩ nebã fãa kiidẽ, b fãa sẽn maan yel-wẽnã yĩngã.

Rom Dãmba 5:21

Woto, a wa yel-wẽnã ne kũum sẽn soog zĩigã, barkã sooga zĩig me tɩrlmã yĩnga, tɩ d tõe n paam vɩɩm sẽn kõn sa, tõnd Zu-soab a Zeezi Kiris maasem yĩnga.

Rom Dãmba 6:23

Bala, yel-wẽnã yaood yaa kũun, la kũun ning Wẽnnaam sẽn kõt zaalmã yaa vɩɩm sẽn kõn sa, tõnd Zu-soab a Zeezi Kiris pʋgẽ.