Sõadga 27:18 - WẼNNAAM SEBRE 2014

¹⁸ Sẽn-Ka-Saab leoka a Moyiis n yeela yaa: «Yãk a Nun biig a Zozoe n tik-a ne f nusi, bala mam Sɩɩgã be a zugu.

SEBR SÕNGO

¹⁸ Ad Wẽnd sẽn leok a Moyiiz: «Yãk a Nun biig a Zozuwe, yaa ned yam sẽn bɩ. Yẽ zug la f na n tẽeg f nugu, n kõ-a tõogo,

Sõadga 27:18 Iomraidhean Croise

Sɩngrẽ 41:38

La Faarõ yeela bãmb yaa: «Tõnd tõe n leb n yãnda ned sẽn tar yam wa nin-kãngã, tɩ Wẽnnaam Sɩɩgã be a zug sɩda?»

1 Kibayã 7:27

t'a Elisama rog a Nun, t'a Nun rog a Zozoe.

Yikri 17:9

Dẽ, a Moyiis yeela a Zozoe yaa: «Yãk neb tõnd yʋʋr yĩng n yi n tɩ zab ne Amalɛk rãmbã n kõ-do. Beoogo, mam na n zãa Wẽnnaam dasaarã n tɩ yals tãn-bilã zugu.»

A Dãniyɛlle 5:14

Mam wʋmame tɩ b gomd fo yell n yetẽ tɩ fo yaa ned sẽn tar wẽnnaam-sõmyã sɩɩga, tɩ la f tara vẽnegre, la bãngre, ne yam wʋsgo.

Sõadga 11:17

Mam na n siga beenẽ n gom ne foom. La mam na n yãka Sɩɩg ning fo sẽn tarã bilfu, n kõ bãmba, tɩ b tõe n sõng foom n zã nebã. Dẽ, fo ka na n leb n yɩ f yembr ye.

Sõadga 13:16

A Moyiis sẽn tʋm neb nins tɩ b tɩ ges Kana tẽngã, yʋy yɩɩ woto. La a Moyiis pʋda a Nun biig a Ooze yʋʋr t'a Zozoe.

Sõadga 13:8

Efrayiim buudã pʋgẽ, yaa a Nun biig a Ooze.

Sõadga 27:23

Dẽ, a Moyiis rɩka a nus n tik a Zozoe, n kɩt t'a reeg yẽnda zĩiga, wa noor ning Sẽn-Ka-Saab sẽn dag n kõ yẽnda wã.

A Zã Sõng 3:34

Soab ning Wẽnnaam sẽn tʋmã togsda Wẽnnaam goamã, bala, Wẽnnaam kõta a soab bãmb Sɩɩgã tɩ seke.

Tʋʋma 13:3

Dẽ, bãmb loee noor n pʋʋs la b yaool n tik a Barnabaas ne Soll ne b nus n pʋʋs b yĩng n bas-b tɩ b kẽnge.

Tʋʋma 19:6

A Poll tika bãmb ne a nusi, la Sɩɩg-sõng siga b zutu. Bãmb sɩngame n gom gom-zẽn n togs bãngr goamã.

Tʋʋma 6:3

Ba-biisi, woto yĩngã, bɩ y yãk raop a yopoe yãmb sʋkã sẽn tar kaset sõngo, n pid ne Sɩɩg-sõng la yam, tɩ tõnd ning tʋʋm-kãngã bãmb zutu.

Tʋʋma 6:6

B talla bãmb n wa tẽn-tʋmdbã nengẽ, la b pʋʋsame n tik-b ne b nusi.

Yaoolem 1:37

Yaa yãmb yĩng me la Sẽn-Ka-Saab sũur yik ne maam tɩ b yeel maam tɩ mam me ka na n kẽ tẽn-noogẽ wã ye.

Yaoolem 3:21

Wakat-kãnga, mam kõ a Zozoe noor n yeel-a: «Fo yãnda bũmb nins fãa Sẽn-Ka-Saab sẽn yaa yãmb Wẽnnaamã sẽn dag n maan nanambs a yiibã. Bãng tɩ yaa woto la bãmb na n maan soolem nins fãa fo sẽn na n pɩʋʋgã.

Yaoolem 3:28

Wilg a Zozoe bũmb nins yẽnda sẽn tog n maanã, la f kɩt t'a paam pãng la raoodo. Bala, yaa yẽnda n na n tall nebã n dʋʋg Zʋrdẽ kʋɩlgã n kɩt tɩ b tɩ soog tẽng ning fo sẽn na n yãndã.

Yaoolem 31:14

Sẽn-Ka-Saab yeela a Moyiis yaa: «Gese, fo kũum daar kolgame. Bɩ f peeg a Zozoe n kẽng n tɩ yals sɛk roogã pʋgẽ tɩ m wilg-a a sẽn na n maane.» La a Moyiis ne a Zozoe kẽngame n tɩ yals sɛk roogã pʋgẽ.

Yaoolem 31:23

Sẽn-Ka-Saab yeela a Nun biig a Zozoe yaa: «Nang pãnga, keng f sũuri. Bala, yaa foom n na n tall Israyɛll nebã n kẽ tẽng ning mam sẽn dag n wẽen tɩ mam na n kõo bãmbã. La mam mengã na n zĩnda ne foom.»

Yaoolem 31:3

Yaa Sẽn-Ka-Saab sẽn yaa yãmb Wẽnnaamã n na n lʋɩ yãmb taoore. Bãmb na n sãama bu-kãensã yãmb taoore, n kɩt tɩ y reeg b tẽngã n sooge. Yaa a Zozoe n na n lʋɩ nebã taoor wa Sẽn-Ka-Saab sẽn dag n yeelã.

Yaoolem 34:9

A Nun biig a Zozoe pida ne yam wʋsgo. Bala, a Moyiis rag n tika yẽnda ne a nusi. La Israyɛll nebã saka a Zozoe n maan wa Sẽn-Ka-Saab sẽn dag n yeel a Moyiisã.

1 Tɩmote 4:14

Da bas kũun ning bãngr gomd sẽn togse, tɩ kãsem-dãmbã tik foom ne b nus n pʋʋs n kõ foomã tɩ yɩ zaalem ye.

1 Tɩmote 5:22

Da yãg n tigs nebã ne f nus n kẽes-b Wẽnnaam tʋʋmdẽ wã ye, la f ra naag ned a yel-wẽnd maanegẽ ye. Fo mengã, tall f meng ne sõmblem.

Ebre rãmba 6:2

tɩ tẽ Wẽnnaam, zãmsg lisg wɛɛngẽ, nus tikri, la kũum vʋʋgre la sɩbgr sẽn ka sɛta yell ye.

Zozuwe 1:17

Tõnd na n saka yãmb ne bũmb fãa wa tõnd sẽn dag n sak a Moyiisã. Bɩ Sẽn-Ka-Saab sẽn yaa yãmb Wẽnnaamã zĩnd ne yãmba, wa b sẽn dag n be ne a Moyiisã.

Bʋ-kaoodba 11:29

Sẽn-Ka-Saab Sɩɩgã siga a Zefte zugu. La yẽnda saaga Galaad soolmã ne Manaase soolmã, n kell n tũ Mispa sẽn be Galaadã soolem. Yẽnda yii Mispa n pɩʋʋg n ta Amo nebã soolmẽ.

Bʋ-kaoodba 3:10

Sẽn-Ka-Saab Sɩɩgã siga a Otiniyɛll zugu, la a lebga Israyɛll bʋ-kaooda, la yẽnda kẽngame n tɩ zabe. La Sẽn-Ka-Saab kɩtame t'a Otiniyɛll tõog a Kusã-Risatayim sẽn yaa Mezopotami rĩmã, la yɩɩ ne tõog-kãsenga.

1 Sãmwɛlle 16:18

Dẽ, yẽnda tʋmtʋmd a ye yeelame: «Mam yãnda Betlehɛm tẽng rao a Izayi biig a ye sẽn mi kʋnd wẽeb sõama. A yaa gãndaoog n mi zabr sõama, a mii goamã, a yaa ra-sãnga, la Sẽn-Ka-Saab bee ne-a.»