Sõadga 27:17 - WẼNNAAM SEBRE 2014

¹⁷ Bɩ a yɩ ned sẽn na n tõog n lʋɩ bãmb taoor n tɛ-b wakat fãa. Dẽ, bãmb kõn yɩ wa piis sẽn ka tar pe-kɩɩm ye.»

SEBR SÕNGO

¹⁷ ned sẽn na n kẽedẽ la a yit bãmb taoore, ned sẽn na n yiisd-b la a kẽesd-b, la woto Wẽnd kamba kõn pa wa piis sẽn ka tar pe-kɩɩm ye.»

Sõadga 27:17 Iomraidhean Croise

2 Sãmwɛlle 5:2

A Sayull sẽn dag n yaa tõnd dĩmã wakate, yaa yãmb n dag n luɩt Israyɛll nebã taoor wakat fãa tɩ b kẽnd n zabdẽ, la y lʋɩt b taoor tɩ b lebg n wa.» Sẽn-Ka-Saab yeela yãmb yaa: «Foom n na n yɩ Israyɛll sẽn yaa mam nebã pe-kɩɩma, foom n na n lebg Israyɛll naaba.»

1 Rĩm-dãmbã 22:17

A Miise leokame: «Mam yãnda Israyɛll nebã sẽn sãeegd tãmsã zutu, wa piis sẽn ka tar pe-kɩɩma! La Sẽn-Ka-Saab yeelame: Nin-kãensã ka tar soaal ye, bɩ ned kam fãa lebg n kuil a yir ne laafɩ.»

1 Rĩm-dãmbã 3:7

Moasã, mam Wẽnnaam Sẽn-Ka-Saabo, yaa yãmb n yãk mam sẽn yaa y tʋmtʋmdã, n kɩt tɩ m led m ba a Davɩɩd zĩigẽ, n lebg rĩmã, la mam yaa yãaga, n ka mi m sẽn na n zã nebã to-to ye.

2 Rĩm-dãmba 11:8

Yãmb ned kam fãa na n zãada a zab-teed a nugẽ n gũbg rĩmã. La ned sã n wa rat n kolg yãmb sullã, bɩ y kʋ-a. Yãmb na n bee rĩmã sɛɛgẽ wakat fãa, n yãagd-a t'a kẽnd a sẽn datẽ la a watẽ.»

2 Kibayã 1:10

Dẽ wã yĩnga, bɩ y kõ maam yam, la bãngre, tɩ m tõog n lʋɩ y zãmã taoor n zã-ba! Bala, ãnda soab n tõe n zã y zãmã sẽn yaa wʋsg woto fãa wã?»

2 Kibayã 18:16

Dẽ, a Miise leokame n yeel yaa: «Mam yãnda Israyɛll nebã gill sẽn sãeeg tãmsã zutu, wa piis sẽn ka tar pe-kɩɩm ye. La Sẽn-Ka-Saab yeelame: Nin-bãmbã ka leb n tar Soaal ye. Bɩ ned kam fãa lebg n kuil a yir ne bãane.»

Ezekiyɛl 34:5

Woto, pe-kɩɩm sẽn ka be wã yĩnga, piisã sãeegame n lebg we-rũms fãa rɩɩbo.

Zakari 10:2

Bala, bõn-naandsã sẽn yetã yaa wẽnse. La bagbã vẽnegr yaa zĩrẽ-beed bala. Bãmb zãmsdã yaa belgr zãmsdo, bãmb belsg goamã yaa zaalem. Yaa rẽ n kɩt tɩ nebã yeebd wa piisi. Bãmb sũyã sãamame, b sẽn ka tar pe-kɩɩmã yĩnga.

Zakari 13:7

Saasẽ-Pãng-Soabã yetame: Zabr sʋʋga, yik n zab ne mam pe-kɩɩmã, zab ne soab ning sẽn be ne maamã! Wẽ pe-kɩɩmã, la piisã na n sãeegame, la mam mengã nug n na n wa wẽ pe-bi wã.

A Matiye Sõng 10:6

Bas-y be la y kẽng Israyɛll buudã sẽn yaa wa piis sẽn menemã nengẽ.

A Matiye Sõng 15:24

A Zeezi leokame: «B sẽn tʋm maamã, yaa Israyɛll buudã pe-menemdsã nengẽ bala.»

A Matiye Sõng 9:36

A Zeezi sẽn yã neb kʋʋngã, b nimbãaneg yõka bãmba. Bala, nin-kãens da yɛɛme tɩ b nensã yeege, n yaa wa piis sẽn ka tar pe-kɩɩm ye.

A Mark Sõng 6:34

A Zeezi sẽn yi koom koglgẽ wã, b yãnda neb kʋʋng wʋsgã, la b nimbãaneg yõka bãmba, bala, bãmb wẽnda wa piis sẽn ka tar pe-kɩɩm ye. La bãmb sɩngame n zãms-b bũmb wʋsgo.

A Zã Sõng 10:9

Maam la zag-noorã. Sẽn tũ-a maam n kẽ na n paama fãagre. A na n kẽedame la yita, la a na n paama yamdo.

Yaoolem 31:2

«Rũndã, mam tara yʋʋm koabg la pisi. Mam ka tõe n leb n kẽnd la m watẽ ye. La Sẽn-Ka-Saab yeela maam, tɩ m ka na n dʋʋg Zʋrdẽ kʋɩlgã ye.»

1 Pɩyɛɛr 2:25

Bala, yãmb dag n wẽnda piis sẽn meneme, la moasã, yãmb lebgame n wa y sɩɩsã pe-kɩɩmã la b gũudã nengẽ.

1 Sãmwɛlle 18:13

A Sayull kɩtame t'a Davɩɩd yi a zakẽ wã, n lebg tãb-biis naaba. La a Davɩɩd dag n lʋɩta nebã taoor tɩ b kẽnd n zabdẽ la b watẽ.

1 Sãmwɛlle 8:20

Woto, tõnd me na n lebga wa buud a taabã fãa. Tõnd dĩmã n na n kaood tõnd bʋʋdo, la a lʋɩt tõnd taoor zabr wakate, n zabd n kõt-do.»