Sõadga 25:2 - WẼNNAAM SEBRE 2014

² La Moaab kom-pugli wã kɩtame tɩ Israyɛll nebã kʋ maand n kõ bãmb wẽn-naandsã. Dẽ, Israyɛll nebã naaga Moaab kom-pugli wã n wãb b maandã nemdo, la b pʋʋs b wẽn-naandsã.

SEBR SÕNGO

² Moab kom-pugli wã boola Israyɛl kambã b wẽn-naandsa maanda kʋʋb zĩigẽ. Neba kẽngame, b tɩ rɩɩme la b kɩɩ rũmdi wẽn-faada taoore.

Sõadga 25:2 Iomraidhean Croise

1 Rĩm-dãmbã 19:18

La Israyɛll pʋgẽ, mam na n basa raop tus a yopoe tɩ b põse. Yaa neb nins sẽn ka yĩgimd Baall taoore, la b ka mogs-a wã.»

Yɩɩn‑sõamyã 106:28

Bãmb yam loee ne Baall-Pewoore, la b wãba maand b sẽn kʋ kɩɩms yĩng nemdo.

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Yikri 22:20

Ra wẽg sãana, la f ra nams-a ye. Bala, yãmb me rag n yaa sãamb Ezɩpt tẽnga.

Yikri 23:24

Ra wõgemd bãmb wẽnnaam-dãmbã taoor n waoog-b ye. La f ra maan wa bãmb sẽn maandã ye. Lub bãmb tẽn-kugã b sẽn luglã n wã.

Yikri 32:6

Nebã yika yibeoog pĩnd n maan maand sẽn yõogd bugum, la b wa ne zems-n-taar maando. Nebã zĩndame n dɩ la b yũ, la b yik n maan deem.

Zeremi 40:11

La Zʋɩf-rãmb nins sẽn dag n be Amo nebã nengẽ Moaabã ne Edom la tẽms a taabã pʋsã me wʋmame tɩ Babilond dĩmã basa Zʋʋda neb kẽer tẽngã pʋgẽ, n yãk a Safan biig a Ayikam biig a Gedaliya t'a soog-ba.

A Ooze 9:10

Mam yẽnda Israyɛll nebã, wa reezẽ biis sẽn be we-raoog pʋgẽ. Mam yãnda b ba-rãmbã wa kankam-kãse, la wa kankang bi-rẽemse. La bãmb kẽng n tɩ waooga Baall-Pewoore, n tɩ maan yãn-tʋʋmã, la b lebga yel-beed wa b sẽn nong-a soabã.

A Miise 6:5

Mam nebã, m kotame tɩ y tẽeg Moaab rĩm a Balak sẽn dag n sagl a Balaam t'a maan bũmb ningã, la a Bewoor biig a Balaam sẽn leok yẽnda to-to wã. Tẽeg-y bũmb nins sẽn maan yãmb y sẽn wa n na n pɩʋʋg Sitim n kẽng Gilgallã yelle, tɩ yãmb tõe n bãng tɩ maam a Sẽn-Ka-Saab sẽn maan bũmb ninsã zemsame.

1 Korẽnt rãmba 10:20

Maoongã sẽn kʋʋdã, yaa zĩn-dãmb yĩnga, la ka Wẽnnaam yĩng ye. La mam yaool n ka rat tɩ yãmb paam lagem-n-taar ne zĩn-dambã ye.

Yaoolem 32:38

Wẽnnaam-dãmb nins sẽn dag n dɩt yãmb maand nemd kaamã la b yũud y reezẽ rãamã bee yɛɛnẽ? B yik moasã n sõng-yã. B yik n kogl-yã!

Zozuwe 22:17

Tõnd beegrã d sẽn maan Pewoorã nan yaa bilf d yĩnga, tɩ d yaool nan ka yɩlg d mens n sɛ hal tɩ ta rũndã ye, la sɩbgrã sẽn leb n paam tõnd sẽn yaa Wẽnnaam nebã!

Zozuwe 23:7

la y ra naag buud a taabã sẽn ket n be ne yãmbã ye. Da sak-y n pʋd-y bãmb wẽnnaam-dãmbã yʋy y sʋka, la y ra saag n wẽen ne-ba, la y ra waoog-b ye. La y ra saag n wõgemd b wẽnnaam-dãmbã taoor ye.

Vẽnegre 2:14

La mam tara yell bilf ne yãmba. Yaa tɩ neb n be yãmb sʋkã n tũud a Balaam zãmsgã. Yẽnda ra zãmsa a Balak t'a maan bẽdg n kɩt t'a Israyɛll yagensã rɩ wẽnd-naands maand nemdo, la b maan yoobo, tɩ rẽ lub-ba.