Sõadga 24:9 - WẼNNAAM SEBRE 2014

⁹ Bãmb wũunduda wa gɩgemde, N wũg wa gɩgem-yãanga, La ãnda n tõe n modg-b tɩ b yiki? Israyɛll nebã, ned ning fãa sẽn ningd yãmb barka, A soab na n paama barka, La ned ning fãa sẽn kãabd yãmb wẽnga, A soab na n paama kãab-wẽnga.»

SEBR SÕNGO

⁹ A gãe wa gɩgemde. Ãnda n na n yik-a a gãagẽ? Sẽn kãabda foo noog paam barka! Soaala-Wẽnd na sãam sẽn kãabda foom beedo!

Sõadga 24:9 Iomraidhean Croise

Sɩngrẽ 12:3

Neb nins sẽn na n ning foom barka, mam na n ning-b-la barka. Ned ning sẽn na n kãab-a foom wẽnga, mam na n kãaba a soab wẽnga. Fo zug maasem yĩnga, dũniyã nebã buud fãa na n paama barka.»

Sɩngrẽ 27:29

Bɩ soolem toay-toayã neb sak foom, tɩ buud toay-toayã wõgemd fo taoore! Fo na n yɩɩ f saam-biisã soaala. La bɩ fo ma-biisã wõgemd fo taoore! Ned ning sẽn na n kãab-a foom wẽnga, a soab na n paama kãab-wẽnga, La ned ning sẽn na n ning-a fo zug barka, A soab na n paama barka!»

Sɩngrẽ 49:9

A Zʋʋda yaa gɩgem-polle. M biiga, fo yii kʋʋb zĩigẽ n watẽ! A Zʋʋda põta a nao, n gãe wa gɩgemde, n gãe wa gɩgem-yãanga. La yaa ãnda n na n tõog t'a yiki?

1 Rĩm-dãmbã 10:20

La b maana gɩgma piig la yiibu, tɩ b yas yĩngri. Rʋʋdgã koak fãa zugu, gɩgma a yiib n yas goabg la a rɩtgo. Soolem a to ka tol n maan bũmb a woto buud ye.

2 Kibayã 9:18

Geerã rag n tara rʋʋdg sẽn tar kogs a yoobe, la sãnem nao roagendg sẽn tong ne geerã, la b maana nug-gãtse, la nus kʋgs geerã kɩrems a yiibã fãa, la b maan gɩgmã a yiib tɩ b yas yĩngr n yegl nug-kʋgsã, a yembr goabga, a yembr dɩtgo.

A Ɛstɛɛre 6:13

A Haman togsa a pag a Zerɛɛse, ne a zo-rãmbã bũmb ning sẽn paam yẽnda wã. La a zo-rãmbã ne a pag a Zerɛɛs yeela yẽnda yaa: «Sã n mikame tɩ Mardoose ning fo sẽn sɩng n paamd paoogr a nifẽ wã yaa zʋɩfe, fo ka na n tõog-a ye. Fo na n konga zãng yẽnda taoore.»

A. Zoobe 41:10

Yẽnda tĩsgã kɩtdame tɩ vẽenem yãgda. A ninã wẽnda wa zĩ-yẽegr vẽenem.

Yɩɩn‑sõamyã 122:6

Pʋʋs-y tɩ Zeruzalɛm tẽngã zĩnd ne bãane. Zeruzalɛm, bɩ sẽn nong-b foomã vɩɩmd bãane.

Yɩɩn‑sõamyã 2:12

Waoog-y biigã, tɩ b sũurã ra wa yik tɩ b menes-y ye. Bala, bãmb sũurã tõe n yika zĩig pʋgẽ n dɩt wa bugum. La neb nins fãa sẽn paam zĩ-lilldg bãmb nengẽ wã na n paama sũ-noogo.

Yikri 23:22

Fo sã n sak yẽnda koɛɛgã neere, n sak bũmb nins fãa mam sẽn yeelã, mam na n lebga fo bɛɛbã bɛ, la mam na n namsa neb nins sẽn namsd foomã.

A Ezayi 31:4

Bala, Sẽn-Ka-Saab yeela maam yaa: «Wa gɩgemde, la wa gɩgem-poll sẽn yõkd rũng n gãe n wũundẽ, tɩ baa pe-kɩɩmbã sã n boond taab la b kelemd n dat n zab ne-a bɩ a ka yɛɛsdẽ wã, la baa bãmb wʋsg sã n bugsd-a bɩ rabeem ka tar-a wã, woto me, Saasẽ-Pãng-Soabã na n siga Sɩyõ tãngã ne kunkubrã zug n zabe.»

A Miise 5:8

Israyɛll nebã! Yik-y n zab-y ne y zabd-n-taasã, la y menes y bɛɛbã zãnga!

Sõadga 22:12

La Wẽnnaam yeela a Balaam yaa: «Ra tũ a Balak sẽn tʋm b rãmbã n kẽng ye. La ra kãab neb nins yell bãmb sẽn gomdã wẽng ye. Bala mam ning-b-la barka.»

Sõadga 22:6

Dẽ wã, mam kota foom tɩ f wa kãab nin-bãmbã wẽng n kõ-ma, bala, b tara pãng n yɩɩd mam nebã. La fo sã n sak n wa kãab-b wẽnga, daar ning bɩ m tõog-ba, n dig-b n yiis tẽngã. Bala, mam miime tɩ fo sẽn ning ned ning barka, a soab paamda barka, la fo sẽn kãab ned ning wẽnga, kãabgã tũuda a soaba.»

Sõadga 23:24

Ade, nin-bãmbã yikda wa gɩgem-yãanga, N yikd n yas wa gɩgem-daoogo. A ka gãanded t'a ka wãb rũng ning a sẽn yõka nemdo, La a ka gãanded t'a ka yũ rũng ning a sẽn kʋ wã zɩɩm ye.»

Sõadga 24:10

A Balak sũurã puuga hal wʋsg ne a Balaam. Dẽ, a Balak mesa a nus n yeel a Balaam yaa: «Mam boola foom ka, n yet tɩ f wa kãab m bɛɛbã wẽng n kõ-ma. La yaa naoor a tãabẽ soab la woto, fo sẽn tar bãmb bark ningr bala!

A Matiye Sõng 25:40

Dẽ, Rĩma na n leoka bãmba: «Sɩd-sɩda, mam yeta yãmb tɩ wakat ning fãa yãmb sẽn maan bõn-kãens kom-kãensã sẽn yaa bõoneg n yɩɩda, la b ya mam ba-biisã, yaa maam la yãmb maan yã.»

A Matiye Sõng 25:45

La b na n leoka bãmb yaa: «Sɩd-sɩda, mam yeta yãmb tɩ wakat ning fãa yãmb sẽn tõdg n ka maan kom-kãens sẽn yaa bõoneg n yɩɩd fãa wã ned a yembr bõn-kãense, yaa maam la yãmb ka maane.»

Tʋʋma 9:5

A Soll leokame tɩ Zu-soaba, yãmb yaa ãnda: La Zu-soabã yeelame yaa: Mam yaa a Zeezi fo sẽn namsd a soabã. [Na n yɩɩ toog ne foom, fo sẽn kɩɩsdã yĩnga. La yẽnda ra yɛɛsame n digd n sok Zu-soabã tɩ bãmb datame tɩ yẽ maan bõe. Dẽ Zu-soabã yeela yẽnda]

Yaoolem 30:7

Sẽn-Ka-Saab sẽn yaa yãmb Wẽnnaamã na n kɩtame tɩ kãab-wẽn-kãensã fãa paam y bɛɛbã ne sẽn kis-b yãmb n namsd yãmbã.