Sõadga 23:21 - WẼNNAAM SEBRE 2014

²¹ Sẽn-Ka-Saab ka ne yell a Zakoob yagensã zug ye, La b ka ne wẽng a Zakoob buudã sʋk ye. Bala, Sẽn-Ka-Saab yaa Israyɛll Wẽnnaam, La bãmb bee b nebã sʋka. La Sẽn-Ka-Saab reegda b nebã waoogre.

SEBR SÕNGO

²¹ Tẽn-kũum kõn lʋɩ a Zakoob buudẽ, namsg kõn nams a Israyɛl tẽngẽ ye, Wẽnnaam a Soaala bee ne-a, Wẽnnaam pẽgra sãta a tẽngẽ.

Sõadga 23:21 Iomraidhean Croise

2 Kibayã 13:12

La ade, Wẽnnaam n yaa tõnd naaba, la tõnd tara bãmb maan-kʋʋdbã ne tãntãadã sẽn tar n peebdẽ wã n na n peeb n zab ne yãmba. Dẽ, Israyɛll kamba bɩ y ra zab-y ne Sẽn-Ka-Saab sẽn yaa yãmb yaab-rãmb Wẽnnaamã ye. Bala, yãmb ka na n tõog ye.»

Yɩɩn‑sõamyã 103:12

Yaang ne nin-taoor sẽn zãr ne taab to-to wã, Sẽn-Ka-Saab zãagda tõnd ne d beegrã me a woto.

Yɩɩn‑sõamyã 118:15

Nin-tɩrsã fu-rot pʋse, tõogr kilsg n yit be. Sẽn-Ka-Saab nug-rɩtg tʋmda ne pãnga.

Yɩɩn‑sõamyã 135:21

Bɩ Sẽn-Ka-Saab paam pẽgr sẽn yit Sɩyõ! Bãmb bee Zeruzalɛm! Pẽg-y Sẽn-Ka-Saabo!

Yɩɩn‑sõamyã 23:4

Baa mam sã n kẽnd tãng long sẽn yaa lik bida pʋga, mam kõn zoe bũmb ba a yembr dabeem ye. Bala, yãmb bee ne maam. Yãmb gʋlgã ne y rasaarã paasda maam daoodo.

Yɩɩn‑sõamyã 32:2

Bark bee ned ning sẽn paam tɩ Sẽn-Ka-Saab bas a kongrã taale, la sẽn ka tar zãmb tagsg a yamẽ wã zugu.

Yɩɩn‑sõamyã 32:5

La mam vẽneg n togsa yãmb m yel-wẽndã, mam ka solg m kongrã ye. Mam yeelame: «Mam na n sak n deega Sẽn-Ka-Saab taoor tɩ m beegame!» Yãmb kõo maam sugr m kongrã ne m yel-wẽndã yĩnga.

Yɩɩn‑sõamyã 46:11

Bɩ y yalse, la y bãng tɩ mam yaa Wẽnnaam. Maam n so soolem-dãmbã, la m so dũniyã.

Yɩɩn‑sõamyã 46:7

Bu-zẽmsã yikame n guglumdẽ, soolem toay-toayã miimdame. Wẽnnaam zẽka b koɛɛga, la tẽn-gãongã yẽnegame.

Yɩɩn‑sõamyã 97:1

Sẽn-Ka-Saab n yaa rĩmã! Bɩ dũniyã kɩdme, tɩ tẽms nins koom sẽn gũbgã maan sũ-noogo!

Yɩɩn‑sõamyã 99:2

Sẽn-Ka-Saab n yaa kãseng Sɩyõ. Bãmb n so nebã fãa.

Yikri 13:21

Sẽn-Ka-Saab rag lʋɩta bãmb taoor sawad-taok pʋgẽ wĩntoogo, n yãagd bãmb sorã zugu. La yʋngo, sawad-taokã lebgda bugum n kõt bãmb vẽenem, tɩ b tõe n kẽnd wĩntoog ne yʋngo.

Yikri 3:12

Wẽnnaam yeelame: «Mam na n zĩnda ne foom. La ad bãnd ning sẽn na n kɩt tɩ fo bãng tɩ yaa maam n tʋm foom. Fo sã n tõog n tall nebã n yi Ezɩpt soolmẽ wã, bɩ y waoog Wẽnnaam tãn-kãngã zugu.»

Yikri 34:9

La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»

A Ezayi 1:18

Sẽn-Ka-Saab yetame: «M kotame tɩ y wa tɩ d yẽs ne taaba. Baa yãmb yel-wẽnã sã n yaa miuug wa saag-pag-a-minamina, b na n lebga pɛɛlg wa lampalga. La baa b sã n yaa miuug wa monem, b na n lebga pɛɛlg wa pe-kõbdo.

A Ezayi 12:6

Sɩyõ tẽng nebã, kaas-y sũ-noog ne kɩdeng kaasgo! Bala, Israyɛll Pʋ-Peelem-Soabã sẽn be yãmb sʋkã yaa kãsenga!»

A Ezayi 33:21

Sɩdã, yaa tẽn-kãng pʋg la Sẽn-Ka-Saab na n wilg b sõmblem tõnd yĩnga. Bãmb na n kɩtame tɩ d zĩigã lebg kʋɩlse, n tar ko-so-yalemse, n yaa zĩig zabr koom kogend sẽn kõn tũ ye, la koom kogl-bɛd ka na n pɩʋʋg-a ye.

A Ezayi 33:22

Bala, Sẽn-Ka-Saab n yaa tõnd bʋ-kaooda, Sẽn-Ka-Saab n yaa tõnd naaba, yaa bãmb n yaa tõnd dĩma. Bãmb n yaa tõnd fãagda.

A Ezayi 38:17

Mam sũ-sãangã tekame n lebg vɩ-bãane. Yãmb yamã loee ne maam hal tɩ y fãag-m ne yaoogo, bala, yãmb loba mam yel-wẽnã y zãnkuidgẽ.

A Ezayi 41:10

Da zoe rabeem ye, bala, mam bee ne foom. Da maan yɩɩr ye, bala, mam yaa fo Wẽnnaam. Mam kõta foom pãnga, la m na n wa sõnga foom, mam na n tebenda foom ne m nug-rɩtg sẽn tõogdã.

A Ezayi 8:10

Yãmb dat bɩ y maan saagre, a ka na n tõog ye, yãmb dat bɩ y gome, a ka na n pids ye. Bala, Wẽnnaam bee ne tõndo.

Zeremi 50:20

Badaare, la wakat-kãnga, b na n baoo kongr Israyɛll nebã nengẽ, la b ka na n yãnd ye. B na n baoo Zʋʋda nebã yel-wẽnã, la b kõn tol n yãnd ye. Bala, mam na n kõo neb nins mam sẽn na n bas n ka kʋ wã sugri. Sẽn-Ka-Saab n yeele.

Ezekiyɛl 48:35

Tẽngã b sẽn mag n gilgã zãng yaa kãntɩɩg tus piig la a nii. La sẽn sɩng ne rũndã, tẽngã yʋʋr na n yɩ Adonayi-Sama, sẽn dat n togs tɩ ‹Sẽn-Ka-Saab bee ka.› »

A Zowɛlle 2:27

Yaa woto la y na n bãng tɩ mam bee ne Israyɛlle, la mam yaa Sẽn-Ka-Saab sẽn yaa yãmb Wẽnnaam, la Wẽnnaam a to ka be ye. Mam yetame: «Mam nebã kõn tol n leb n paam yãnd ye.»

Maan‑kʋʋre 9:24

La bugum yii Sẽn-Ka-Saab nengẽ n dɩ maoongã ne kaamã sẽn be tẽn-kugrã zugã. La nebã fãa sẽn yãnd woto, b kaasa ne sũ-noog n wõgemd n fõgen b nens tẽnga.

Sõadga 14:18

Yãmb yeelame: «Mam yaa Sẽn-Ka-Saabo, mam yaa sũ-maasem soaba, la maan-neer soaba. Mam kõta yel-wẽn ne kɩɩsg sugri. La mam ka basd yel-wẽnã soab taal ye. Mam sɩbgda yẽnda ne a yagensã hal tɩ ta zamaan a tãabo, wall a naase.

Sõadga 14:19

Sẽn-Ka-Saabo, yãmb sẽn yaa sõmblem soabã yĩnga, bɩ y kõ y nebã sugri, tɩ bala, hal sẽn sɩng ne daar ning b sẽn yi Ezɩpt tẽngã tɩ ta moasã, yãmb kõt-b-la sugri.»

Sõadga 16:3

Dẽ, bãmb tɩ tigma taab n zab ne a Moyiis la a Aarõ n yeele: «Tõnd yamã yii ne yãmb manesmã! Bala, nebã fãa welga toor Sẽn-Ka-Saab yĩnga, la Sẽn-Ka-Saab bee bãmb sʋka. La bõe yĩng tɩ yãmb zẽkd y mens wa yãmb yɩɩda neb a taabã?»

Sõadga 9:22

La baa sawadgã sã n yals sɛk roogã zug rasem a yiibu, bɩ kiuugu, wall a kaoos n yɩɩg rẽ, Israyɛll nebã ka yikd tɩ sã n ka sawaodgã n zẽk ye.

A Matiye Sõng 1:23

Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ ‹Wẽnd‑be‑ne‑do.›

Rom Dãmba 6:14

Sɩda, yel-wẽnã ka na n soog yãmb ye. Bala, ka tõogã n leb n so yãmb ye, yaa barkã n so yãmba.

Rom Dãmba 8:1

Woto yĩnga, sɩbgr ka be neb nins sẽn be a Zeezi Kiris pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

2 Korẽnt rãmba 2:14

Bark Wẽnnaam sẽn kɩtd tɩ tõnd paamd tõogr daar fãa Kirisã tũudum pʋgẽ wã, la b kɩtdẽ tɩ ne tõndo, nebã bãngd Kiris zĩiga fãa, wa yũ-noog sẽn saagd to-to wã.

2 Korẽnt rãmba 5:19

Bala, yaa ne Kiris la Wẽnnaam yiis yell ning sẽn da be bãmb ne dũniyã sʋka, n ka leb n geelgd ninsaalbã beegrã ye. La b ninga zabr paasg koɛɛg togsg tõnd zutu.

2 Korẽnt rãmba 6:16

Bõe lagem-n-taar n be Wẽnnaam doogã ne wẽn-naands sʋka? Bala, tõnd yaa Wẽnnaam sẽn vɩ roogo, wa Wẽnnaam sẽn yeel tɩ: Mam na n zĩnda ne bãmba, la m kẽn bãmb sʋka. Mam na n yɩɩ bãmb Wẽnnaam, la bãmb na n yɩɩ mam nebã.

Yaoolem 31:23

Sẽn-Ka-Saab yeela a Nun biig a Zozoe yaa: «Nang pãnga, keng f sũuri. Bala, yaa foom n na n tall Israyɛll nebã n kẽ tẽng ning mam sẽn dag n wẽen tɩ mam na n kõo bãmbã. La mam mengã na n zĩnda ne foom.»

Yaoolem 32:5

Israyɛll kambã sã n maand wẽnga, ka Wẽnnaam yell ye. Yaa Israyɛll kambã la b tog n paooge. Bãmb zamaanã yaa zamaan-yoog sẽn pid ne yel-kɛga.

Yaoolem 33:5

Sẽn-Ka-Saab rag n yaa Israyɛll dĩm wakat ning buudã nanambsã sẽn tigimd ne Israyɛll nebã fãa.

Yaoolem 9:24

Mam sẽn mi yãmbã tɛka, yãmb tõdgda Sẽn-Ka-Saabo.

Bʋ-kaoodba 6:13

La a Zedyõ leokame yaa: «Y kabre m soaala, Sẽn-Ka-Saab sã n bee ne tõndo, bõe yĩng tɩ yel-bãmbã fãa paamd tõndo? La bãmb sẽn dag n maan bõn-bãn nins fãa tɩ tõnd yaab-rãmbã togsd tõndã bee yɛɛnẽ? Tõnd yaab-rãmb yeela tõnd tɩ yaa Sẽn-Ka-Saab n yiis tõnd Ezɩpt tẽnga.» La maana a wãn moasã, tɩ Sẽn-Ka-Saab bas tõnd tɩ Madiyã nebã soog tõndo?

1 Sãmwɛlle 25:28

M kot-y lame tɩ y kõ y tʋmtʋmd-poakã sugr a beegrã yĩnga, Sẽn-Ka-Saab na n kɩtame tɩ y roogã me, bala, yãmb zabda Sẽn-Ka-Saab yĩnga. Bɩ ned da yã wẽng yãmb pʋgẽ ye.