Sõadga 23:19 - WẼNNAAM SEBRE 2014

¹⁹ Wẽnnaam ka ninsaal n yagd zĩrẽ ye, La bãmb leb n ka ninsaal n tekd yam ye! Bãmb sã n yeel bũmbu, b pidsd-a lame.

SEBR SÕNGO

¹⁹ Soaala-Wẽnd ka ninsaala n mi zirẽ yagb ye, B ka ninsaal n bool n le yet tɩ b vẽ ye; Soaala-Wẽnd pa yiisd gomd tɩ gomda pa faoog ye. Goama pa gomd n ka pidsdẽ ye.

Sõadga 23:19 Iomraidhean Croise

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

Sɩngrẽ 28:15

La gese, mam mengã bee ne foom. Mam na n gũu foom zĩig ning fãa fo sẽn na n kẽnge, la mam na n talla foom n lebg n wa soolem-kãngã pʋga. Bala, mam ka na n tol n bas foom ye, mam na n pidsa bũmb ning mam sẽn yeel foomã.»

1 Rĩm-dãmbã 14:11

La fo buudã ned sã n ki tẽngã pʋgẽ, baas n na n wãb-a, la a sã n ki weoogẽ, weoogã bõn-yɩgdɩ n na dɩ-a. Yaa Sẽn-Ka-Saab meng n yeele.› »

2 Rĩm-dãmba 15:12

Bõn-kãens paama pidsg wa Sẽn-Ka-Saab sẽn dag n gom ne a Zehu wã. Bãmb dag n yeelame: «Fo yagensã na n dɩɩ Israyɛll naamã hal n tɩ tãag zamaan a naasẽ soabã.» La a yɩɩ woto.

2 Rĩm-dãmba 7:2

Dẽ, wed-kɩɩm-naab ning sẽn tũud-a rĩmã yeela Wẽnnaam dao a Eliize yaa: «Gese, baa Sẽn-Ka-Saab sã n wurg sa-gãongã, bũmb a woto ka tõe n zĩnd ye.» La a Eliize yeel-a lame yaa: «Beneere, fo nin na n yãnda bõn-kãnga, la f kõn dɩ-a ye.»

1 Kibayã 17:17

Wẽnnaam, rẽ ket n ka sek ye, tɩ y leb n gomd y sẽn tar saagr ning ne mam sẽn yaa yãmb tʋmtʋmdã yagens wɛɛngẽ, wakat sẽn wat yĩnga? Wẽnnaam Sẽn-Ka-Saabo, y get-m-la wa nin-kãsenga!

Yɩɩn‑sõamyã 110:4

Sẽn-Ka-Saab wẽename, la b kõn lebs b noor poorẽ ye. B yeelame yaa: «Fo yaa maan-kʋʋd wakat fãa, wa a Melkisedɛke.»

Yɩɩn‑sõamyã 132:11

Sẽn-Ka-Saab wẽena ne a Davɩɩde, la b kõn lebs b noor poorẽ ye.» Bãmb yeela a Davɩɩd yaa: «Mam na n kɩtame tɩ fo yageng led foom f zaoorẽ wã.

Yɩɩn‑sõamyã 77:9

Bãmb nonglmã ta a tɛk la? Bãmb sẽn yeelã ka na n leb n zĩnd zamaan woo zamaan la?

Yɩɩn‑sõamyã 89:34

Mam nonglmã kõn tol n sɛ a yĩnga, mam kõn tol n mong yẽnda m pʋ-peelmã ye.

Yɩɩn‑sõamyã 89:35

Mam ka na n viig m kaoolã, la m kõn lebs m noorã poorẽ ye.

A Ezayi 21:17

La Kedaar tãb-biis nins sẽn yaa tãb-tãood-gãndaadã sõor na n kella bilf bala.» Maam a Sẽn-Ka-Saab sẽn yaa Israyɛll Wẽnnaamã n yeel t'a na n yɩɩ woto.

A Ezayi 31:2

Baoosgo, bãmb me yaool n tara yam, n tõe n kɩt tɩ toog wa. Bãmb ka lebsd b noor poorẽ ye. Bãmb zabda ne nin-wẽns yiri, la b zabd ne wẽng maandbã sõngrã.

A Ezayi 40:8

Mood kʋɩtame, la mo-pui zelgdame. La tõnd Wẽnnaamã gomd paada wakat fãa!»

A Ezayi 46:11

Mam boonda sɩlg t'a yi yaang n wa, mam kɩtdame tɩ ned ning sẽn pidsd-a mam saagrã yi tẽn-zãrg n wa. Mam sã n yeel bũmbu, mam kɩtdame t'a paam pidsgu. Mam sã n yãk yam n na n maan bũmbu, mam maand-a lame.

A Ezayi 55:11

woto me, gomd ning sẽn yit mam noorẽ wã, ka na n lebg n wa mam nengẽ n ka maan a tʋʋmde, n ka pids mam tʋlsmã, la a ka maan bũmb ning yĩng mam sẽn tʋm-a t'a maanã ye.

Zeremi 4:28

Bõn-kãng yĩng kɩtame tɩ tẽngã fãa be sũ-sãang pʋga, tɩ saasẽ lebg lik bida. Yaa maam n yeele, la m yam-yãkr la a woto. Mam ka maand m bãngẽ, la m kõn lebs m noor poorẽ me ye.»

A Dãniyɛlle 4:28

La rĩm a Nebukatnedzaar sẽn nan ket n gomda, koɛɛg n yi yĩngr n yeele: «Rĩm a Nebukatnedzaare, kelg-y tɩ yaa yãmb la b sẽn gomd ne wã. B reega y rĩungã n bas-yã.

A Ooze 11:9

Mam ka na n maan wa sẽn zems m sũ-puugrã ye, mam ka na n lebg n wa n sãam Efrayiim nebã ye, bala, mam ka ninsaal ye, mam yaa Wẽnnaam. Mam yaa pʋ-peelem soab n be yãmb sʋka, Mam ka na n lebg n wa tẽngã pʋg ne sũ-puugr ye.

A Miise 7:20

Yãmb na n wilga a Zakoob yagensã y nonglem, la y wilg a Abrahaam yagensã y sõmblem, wa y sẽn dag n wẽen ne d yaab-rãmbã kʋdem-wẽndẽ wã.

Abakuk 2:3

Bala, yaa vẽnegr sẽn na n wa paam pidsgu, a wakatã sã n ta, ka na n yɩ belgr ye, la a ka na n vaal n ka pids ye. Ba a sã n kaoosdẽ, bɩ f kell n gũ-a, bala, a ka na n pa n ka paam pidsg ye.»

Malasi 3:6

Bala, maam a Sẽn-Ka-Saab ka tek ye. La yãmb dãmb sẽn yaa a Zakoob yagense, b ka menes yãmb ye.»

Sõadga 14:35

Maam a Sẽn-Ka-Saab n yet yãmb woto. La mam yeta yãmb vẽenega, tɩ m na n maan-y-la wa m sẽn yeelã. Bala, yãmb yaa nin-wẽns buudu, la y naaga taab n kɩɩs maam. Yãmb fãa na n kii weoogã pʋga, la yãmb ned ba a yembr ka na n põs ye.»

Sõadga 23:18

Dẽ, a Balaam goma ne gom-minim n yeel yaa: «Sipoor biig a Balake, Yik n kelg maam neere!

A Luk Sõng 21:33

Yĩngr la tẽng na looge, la mam goamã kõn tol n loog ye.

Rom Dãmba 11:29

Bala, bũmb nins Wẽnnaam sẽn kõ zaalmã, ne boolg ning Wẽnnaam sẽn boolã ka tõe n viig ye.

Rom Dãmba 9:6

A ka tɩ Wẽnnaam goamã lebga zaalem ye. Bala, ka b rãmb fãa sẽn yaa a Israyɛll yagensã n yaa Israyɛll ye.

2 Tɩmote 2:13

Tõnd sã n ka maand sɩda, bãmb yẽ paada sɩdã pʋgẽ. Bala, bãmb ka tõe n yeele, n leb n kɩɩs tɩ b ka yeel ye.

A Titi 1:2

wẽn-tũudum, n paam tẽeb pidsg gũudum ne vɩɩm sẽn kõn sa wã, Wẽnnaam sẽn yaa sɩd soabã sẽn dag n kãab hal tɩ dũni nan ka naana.

Ebre rãmba 6:18

Yɩɩ a woto tɩ ne bũmb a yiibã sẽn ka na n viigã, la Wẽnnaam sẽn ka tõe n yag zĩrẽ b pʋgẽ wã, bɩ tõnd paam raood paoosg wʋsgo. Bala, zĩig a yembr tãa tõnd sẽn tõog n kẽ n paam põsã, yaa d sẽn gãd saag-sõng ning Wẽnnaam sẽn da kõt tõndã.

Ebre rãmba 7:21

Sɩda, ka yɩ ne wẽeneg la neb a taabã lebg maan-kʋʋdb ye. La a Zeezi lebga maan-kʋʋd ne wẽenego, la yaa soab ning sẽn yeel tɩ: Zu-soabã wẽename, la b ka na n lebs b noor poorẽ ye. B yeelame yaa: Fo yaa maan-kʋʋd wakat sẽn kõn sa yĩnga.

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

Zake 4:5

Yãmb tẽedame tɩ Wẽnnaam gʋls-sõamyã sẽn yet tɩ: «Yaa ne sũ-kiir la Wẽnnaam nong sɩɩg ninga b sẽn kɩt tɩ b be yãmb pʋgẽ wã.» B gomda zaalem la?

Zozuwe 21:45

Kãab-nood nins fãa Sẽn-Ka-Saab sẽn dag n kãab Israyɛll buudã baa a yembr ka vaal ye, b fãa paama pidsgu.

1 Sãmwɛlle 15:29

Soab ning sẽn yaa Israyɛll Wẽnnaam wakat sẽn ka sɛtã ka yagd zĩrẽ, la b ka ninsaal n na n maan b bãngẽ ye.»

1 Sãmwɛlle 3:12

Badaare, mam na n pidsa bũmb nins fãa mam sẽn togse, sẽn kẽed ne a Eli roogã wɛɛngẽ wã. Mam sẽn sɩng bũmb ningã, mam na n baas-a lame.